سلطان العشق ﴿الجزء الاول من سلسلة أصابك عشق﴾

الفصل الثانى والثلاثون

بعد ان فاق بلال بالأمس وتم نقله لغرفة عادية كان قد طلب كلا من امير وطلال التواجد بجواره ولكن الطبيب اخبرهم انهم من الممكن أن يبقوا بجواره ولكن دون ان يتسببوا له بازعاج او قلق فهو لم يكون بوعى كامل وعليهم جعله يرتاح ويغفو جيدا حتى تتحسن حالته وتصبح اكثر استقرار...

اثناء ذلك كان طلال وامير يجلسوا مع بلال بغرفته ينتظرون استيقاظه بفارغ الصبر ليطمئن قلبهم وقتها رمش بلال بعينيه عدة مرات قبل ان يفتحهما بالاخير متأوها بضعف ليطالع المكان حوله بغرابة ليتذكر ماحدث معه اثناء ذلك اقترب طلال منه سريعا يحدثه باسما بضعف:-حمد الله عالسلامه ياحبيبى كده تخضنا عليك يامجنون العيلة..

ليسمع امير يحدثه هو الاخر:-نشفت دمنا ياشيخ حمد الله على سلامتك تعيش وتاخد غيرها يابيلى ..

طالعهم مبتسما بضعف يحدثهم بصوت مجهد:-هو انا فين كده ومالكم كده فوق راسي زى الغربان..

نظروا له حينها بدهشة باسمين ليحدثه امير بغيظ:-غربان انت لسانك ده إيه كنت ملفوف بيه لما اتولدت، تصدق اننا غلطانين ياشيخ سهرانين جمبك وقلقانين عليك وفى الاخر غربان شوف اخوك ياعم انت..

طلال باسما:-اخويا..اخويا ده إيه بقى ، على رأيك والله واد لسانه مبرد وقال احنا اللى خايفين عليه قال ، ده يتخاف منه قال مضروب رصاصة ده زى الجن اهوه قوم ياعم قوم ماخدناش بس غير السهر وقلة النوم بسببك ..

طالعهم بلال مبتسما بضعف ليحدثهم:-كنتوا خايفين عليا اوى للدرجادى ..

حدثه امير مدعيا الغيظ:-لاء كنا بس بعد النجوم مش اكتر هو انت لسه بتسأل يابارد..

بلال باسما بتأوه: -ياعم انت وهو انا مايتخافش عليا ده انا يتخاف منى ...

طلال باسما بمرح:-ياجامد ..

بلال بضعف:-طبعا اومال ايه اقولكم بقى الاقوى انا الرصاصة تخاف منى ياباشا منك له مش اخاف منها ، اومال فين تالتكم الافوكاتو بتاعنا مجاش ليه يكمل عليا معاكم انا ماليش فى العيلة دى غير روكا حبيبتى..

وقتها تطلع طلال وامير لبعضهم بتوتر لم يلاحظه بلال ليكمل:-المهم بس اوعوا يكون حد من العيلة اخد خبر مش عاوزين نقلقهم عالفاضي انا اهوه تمام الحمد لله وبقيت كويس وزى الفل...

ليطالعهم بلال بغرابة وقتها غير متفهم لحالتهم الصامتة تلك:-مالكم كده زى مايكون فى مصيبة هو فى حاجه شكلكم كده مش مريحنى ، اه يبقى حد عرف من العيلة اكيد كرم ماانا عارفوا مابيعرفش يخبى حاجة على حد ، المهم بس فريدة ماحدش يقولى انكم عرفتوها حاجة دى مجنونة وممكن يحصلها حاجة لو عرفت باللى جرالى وتلاقيها مقطعه نفسها من العياط، شكلكم كده عرفتوها ماحدش بقى يلوم عليا لو جت هتقلبها مناحة فى المستشفى...

ليطالعهم ليجدهم على نفس صمتهم ليحدثهم :-الله انتوا ماحدش فيكم بيرد عليا ليه فى ايه...

ولكن دون رد منهم ليطالعهم بضيق يحدثهم بعصبية طفيفة:-الله ماتنطقوا ياجماعة فى حاجة حصلت حد حصله حاجه عمتى واخواتى تمام فريدة تمام ماتكلمنى ياطلال ماترد ياامير فى ايه انا اللى فاكره ان المصنع اتحرق وانا انضربت رصاصة وبعدها محستش بحاجة فى بقى حاجة حصلت بعد كده ريحونى ياجماعه..