سلطان العشق ﴿الجزء الاول من سلسلة أصابك عشق﴾

الفصل الخامس عشر

بعد مرور شهر...

بالمشفى القابع بها رمزى يتلقى العلاج..

كان رمزى فاق من غيبوبته وكانت ميرال لم تفارقه للحظه وبيوم كان ينام بفراشه بالمشفى صامتا ليجدها تدلف اليه باسمه وتحمل بيدها الطعام الخاص به مبتسمه:-الاكل وصل ياحبيبى ولازم كله يخلص فورا اتفقنا..

تطلع لها رمزى بصمت للحظات كانت ميرال تجلس بجواره تضع الطعام بفمه ليمسك يدها بيده السليمه مبتسما بضعف:-انتى بتحبينى بجد ياميرال..

تركت ميرال مابيدها وامسكت بكف يده تحتضنها وهى تتطلع إليه بحب باسمه:-انت كل حياتى يارمزى مش هكدب عليك واقولك انى بحبك من اول ماشوفتك بس صدقني لما حصلك اللى حصل ده كنت هموت كنت مستعده اضحى بروحى وانى اشوفك قودامى تانى حتى لو هتكون بعيد عنى مش مهم المهم انك تبقى بخير وبس..

وقتها تطلع لها رمزى مبتسما:-ميرال تتجوزينى..

نظرت له ميرال بصدمه والدموع تتجمع بعينيها :-انت بتقول ايه؟رمزى انت..

رمزى:-بحبك تتجوزينى ..

اومأت له ميرال باسمه بدموع فرحه ليتطلع اليها هو باسما ليحتويها بحضنه وهو يتطلع امامه مبتسماً بهدوء...
••••••••••••••••••••••••••••••••••••••••••••••
بقصر المصري...
كانت تجلس منال بغرفتها ودموعها تتسابق على وجنتها وبجوارها عمتها رقيه تمسح على شعرها بحنان:-ماتعمليش فى نفسك كده يابنتى خلاص الحمد لله اخوكى بقى زى الفل وعدت على خير خلاص ..

منال بصوت باكى:-ولو كان حصل حاجه لاخويا كنت هعيش ازاى معاه ازاى ياعمتى انا لحد دلوقتي مش قادرة ابص فى وش طلال حاسة انى انا السبب انا السبب ياعمتى لو كان جراله حاجه ياريتنى كنت أنا مكانه ياريتنى..

احتضنتها رقية على الفور وهى تقول:-بعد الشر عليكى يا حبيبتي بعد الشر استغفرى ربنا يابنتى واهدى كده انتى بقالك وانتى بالحال ده ..

منال باكية:-ياريتنى اخلص من حياتى دى ياعمتى ولا انى اكون سبب لأذية حد من اخواتى والله ياعمتى انا لو حد فيهم حصله حاجه انا ممكن ماعيش لحظه..

ربتت رقية على ظهرها بحنان:-اهدى يابنتى خلاص الحمدلله محصلش حاجه وبعدين يعنى هو انتى فاكرة لما يحصلك حاجه اخواتك هيبقوا مبسوطين يابنتى دول روحهم فيكى اوعى يامنال تدعى على نفسك تانى ده مايرضيش ربنا يابنتى..

منال دامعه:-غصب عنى ياعمتى بس كل ما افتكر ان طلال كان ممكن يروح بسببى احس انى مش عارفه اتنفس واتمنى الموت..

بتلك اللحظه استمعوا لصوته الحنون وهو يحدثها مبتسماً:-بعد الشر عليكى يامونى اوعى تقولى كده تانى كده انتى عاوزة تزعلينى منك بجد..

وقتها لم تتحمل منال أن تتطلع بوجه واحنت راسها لاسفل والدموع تغشي عينيها ..

طلال:-روكا ينفع تسيبنا شوية مع بعض..