سلطان العشق ﴿الجزء الاول من سلسلة أصابك عشق﴾

الفصل التاسع

بعد فترة طويلة من السير بمول سان استيفانو هتفت شهد بكارما باسمه:-ايه ياست الكل هو احنا ناويين نبات هنا ولا ايه مش يلا بقى كفاية كده أنا خلاص معدتى بتصوصو..

كارما:-حاضر ياستى هنشوف بس المحل ده وخلاص ..

شهد بملل:-تاااانى ..

كارما:-عشان خاطرى .....بليززززز.

شهد:-ما أنا مش هخلص منك تمام اتفضلى أنا مش عارفة انتى دخلتى المول كله وياريتك جبتى مشتروات كتير ده هما شنطه وطقم واحد والاسم بتعملى شوبينج..

كارما بضحك:-عشان بس تعرفى انى بنت عاقلة ومش مبذرة وبلحظه هتفت بسعادة:-هو ده بصي كده ياشاهى الفستان ده تحفة مش كده ..

شهد بدهشة:-هو حلو بس يعنى افهم هو فى حاجه أنا مااعرفهاش ولا ايه عريس ياكرملة..

كارما:-يااختى اتوكسي قال عريس قال ده عشان واحده صاحبتى..

شهد:-صاحبتك مين..

كارما:-محامية زميلتى والله ..

طالعتها شهد:-مادام حلفتى تبقى كدابة قرى واعترفى الفستان ده لمين.

كارما:-الصراحه الصراحة ليكى يلا بقى ادخلى قسيه..

شهد وهى تتوقف عن الدخول:-ليا أنا ليه بمناسبة ايه..

اخذت كارما نفس طويل وزفرته بهدوء:-عيد ميلادك كان من يومين ياشهد وقبل ماتتكلمى أنا مش زعلانه ولا مدايقة بالعكس اللى حصل انتى مالكيش دعوة بيه ومش هتفضلى كده كل مايجى عيد ميلادك، اللى حصل ده كان هيحصل فى نفس اليوم سواء كان اليوم ده عيد ميلادك او لاء صح..

شهد دامعه:-بس أنا..

كارما مقاطعه:-مابسش وبعدين ده امر ومش منى لوحدى لاء ده من حبيبتك كمان فتونه ويلا بقى بطلى دلع وادخلى شوفيه يلا..

انصاعت شهد لها على الرغم من عدم رغبتها بتذكر ذلك اليوم ورغما عنها تذكرت فخالها محمود وزوجته دائما ماكانوا يفعلوا لها ذلك فهم كانوا يختاروا لها فستان عيد ميلادها منذ ان بلغت عامها الثانى..

خرجت شهد من ذكرياتها ونظرت للفستان بالمرآه لتجده رائع بحق دلفت الى كارما التى كانت تجلس تنتظرها لتتطلع اليها بانبهار باسمه:-واااو شاهى الفستان تحفة كانه اتعمل ليكى مخصوص..

حدثتها شهد بصوت مهزوز باكى:-حلو صح..

طالعتها كارما باسمه بحزن:-اوى ..شهد انسي تمام انسي احنا لازم نعيش ونكمل لازم يشوفنا مبسوطين وفرحانين عشان هو دايما كان عاوزنا كده صح..

اومأت لها شهد مبتسمه بدموع لتحتضنها كارما وهى تجاهد ان لا تبكى هى الاخرى ليفترقا بعد فترة تحدثها كارما بمرح يشوبه الحزن هامسة:-على فكرة البنت اللى شغاله فى المحل هتموت وتعرف فى ايه فا ايه رايك بقى لو نمشي احسن بدل مايشكو بامرنا..