سلطان العشق ﴿الجزء الاول من سلسلة أصابك عشق﴾

الفصل الثانى

فى فيلا (رحيم الفاضي)...
دلفت الى المنزل فتاة جميلة الملامح بوجه بشوش ضاحك وهى تهتف ببناتها قائلة:-استنوا يابنات ماتجروش كده بطلوا شقاوة عشان تيته ماتدايقش..

لتخرج هنا من المطبخ هاتفه بسعادة:- مالكيش دعوة ياست ندى سيبيهم دول حبايب قلبى يعملوا اللى هما عاوزينه ولا عمرى هزعل منهم..

لتذهب الفتاتان تجاه جدتهم يحتضنوها بقوة لتحدثها هنا بصوت خافت تقول:-عارفه يا تيته احنا كنا فين..

هنا:-صحيح كنتوا فين يابنتى ده انا قلقت عليكى..

لتحدثها ندى باسمه:-كنا عند الدكتور ياخالتو هتبقى جدة للمرة التالته يانونه ..

هتفت وقتها هنا بفرح:-بجد والنبى انتى حامل ياندى الف مبروك ياحبيبتى الف الف مبروك...

ذهبت ندى لاحتضانها قائلة:-بتعيطى ليه بس ياهنون هو ده خبر يخليكى تعيطى بردوا.

هنا بصوت باكى:-من الفرح يا حبيبتى الدنيا مش سايعانى بس انا زعلانه منك كده ماتاخدينيش معاكى..

ندى:-معلش بقى ياهنون والله ماكنا نعرف احنا كنا خارجين نفسح البنات انا ويزيد وفجاة تعبت وانتى عارفة يزيد بقى اول ماحسيت بالتعب اصر يودينى عند الدكتور وجينا من الدكتور عليكى على طول..

هنا:-الله هو انهاردة ايه ..

ندى:-الخميس ياماما انتى ناسية ولا ايه..

هنا:-صحيح ده انهاردة يزيد بياخدك انتى والبنات ويفسحكوا إظاهر انا نسيت..

ندى باسمه:-ولا يهمك ياجميل المهم فين شاهى عشان افرحها..

هنا بارتباك:-اه شاهى...ااإلا صحيح هو يزيد فين..

ندى بغرابة:-برا بيتكلم فى التليفون ..هى شاهى فين اوعى تكون خرجت تقابله..

هنا:-هششش اسكتى لاحسن لو يزيد سمعك تبقى مصيبة..

ندى:-وانتى ازاى بس ياخالتو تسبيها تخرج دلوقتى وتروحله كمان..

هنا:-مش وقته ياندى مش وقته يابنتى الله يخليكى ..

ندى طارق السعدى شابة بالعقد الثالث من عمرها بيضاء البشرة لديها زوج من العيون البندقية وشعر بلون العسل ..ندى هى الابنه الكبرى لشهيرة الاخت الصغرى لهنا والد ندى استشهد وهى بعمر الخمس سنوات فى حرب الاستنزاف لديها اخت اصغر منها تعمل بالخارج تخرجت ندى من كلية الفنون الجميلة وتزوجت من ابن خالتها يزيد حب عمرها بعد تخرجها فورا ليتوج زواجهم بأن يرزقهم الله بابنتهم الاولى هنا وبعد مرور سنتين من ولادتها رزقوا بندى وذلك بناءا على رغبة يزيد بذلك..