GARARIN RAYUWA

PART 1

Zufa ce sharkaf a fuskarta duk da A.C d'in dake cikin d'akin, yayinda take ta faman murk'ususu tana cije Baki, k'ara duba agogon d'akin tayi taga k'arfe biyar da rabi na yamma, runtse idanuwanta tayi tana faman numfarfashi tamkar wacca ranta zai fita, addu'o'i kawai takeyi akan Allah ya sauketa lafita tun asuba take fama da Abu d'aya Amma Babu wani changes, a matsayinta na babbar likita tayi iya abunda zata iya Amma ta kasa, rutse idanuwanta tayi jin numfashinta na k'ok'arin d'auke wa, tuni tayi wani Nishi saiga santaleliyar yarinya ta fad'o, tana fad'owa ta samu Reza ta rubuta H a hannunta na dama, ba abunda kakeji sai kukanta tana wuntsil-wuntsil, ganin Allah yasa ta haihu Lafiya yasata saurin tashi ta fara kintsa wajan duk da Babu wani k'wari a jikinta tare da gyara Babyn da ita kanta, cikin sauri-sauri ta Gama kintsa komai, kallan Babyn tayi akan tamfatsetsen gadonta tana ta faman tsala kuka, zuciyarta sai faman harbawa take tana tunanin yadda ta yanke shawara, wardrobe ta nufa zuciyarta na faman bugawa yayinda taji wani kuka ya su6uce mata, dogon Hijab d'inta ta d'auko tare da Babyn nata cikin towel ta nannad'e ta ta fita daga d'akin, dubawa ko Ina na gidan tayi tajishi tsit tamkar ba mutum a gidan, fitowa tayi ta k'ofar baya ta nufa inda ta ajiye motar ta tun asuba, shiga motar tayi ta ajiye Babyn a seat d'in mai zaman banza tana kallanta, tausayin kanta Dana 'yartane suka mamaye Mata zuciyarta, kukane yaci k'arfin ta Tace "Allah ya saka Mana Jiddah, da yardar Allah wataran gaskiya zata bayyana, please ki yafemin duk da nasan ke bakisan komai ba Amma ta dalilin rashin fahimtata da akai yasa Zamu rabu" D'aukar ta tayi ta matse ta cikin jikinta tana kuka mai tsuma zuciyar Mai sauraro, ajiyar zuciya tayi ganin yarinyar na neman nono, ajiyar zuciya ta sauke ganin har yanzu ruwan nonon Nata bai zoba, tada motar ta tayi ta nufa can bayan gari, tafiya kawai takeyi tana kuka, ganin wani d'an k'aramin gari acan nesa dasu yasata yin parking ta fito hannunta ruk'e da Babyn ta 6oyeta, Saida tayi d'an tafiya ganin gurin Babu hanyar da mota zata shiga, wani guri ta samu ta tsaya k'am ganin ana yawan zirga-zirga a wajan, Saida ta tabbatar da Babu Wanda ya ganta tayi saurin ajiye Babyn a sarari ta juya tabar wajan, kukane mai k'arfin gaske yaci k'arfin ta, dak'yar ta samu ta isa wajan da motar ta take, kuka kawai takeyi tamkar wacca aka turowa da sak'on mutuwa, ganin numfashinta na barazanar d'auke wa yasata saita kanta, da dad'e a wajan tana kallan inda ta ajiye Babyn, shiru tayi kawai tayi yayinda hawaye Kebin fuskarta da sauri-sauri, zazza6i mai k'arfin gaske ne ya fara lullu6e ta, Amma still tana cikin motar tana kallan wanda zai tsinci 'ya d'aya tilo d'inta wacca ta shafe shekaru da dama tana neman haihuwa sai yanzu kwatsam Allah ya Bata Amma lamarin yazo mata cikin tashin hankali da fargaba, Babu Wanda ya saurareta tun daga kan mahaifiyar ta har zuwa mijinta da 'yan uwanta, hawayene ya sauka kan kuncinta ta sa tafin hannunta ta goge, tana zaune taga wani mutumin yaje gun jinjirar sai Kuma ya ruga a guje, bai d'auki lokaci ba sai gashi da jama'ar garin harma da mai garin domin yadda taga ana Mai fadancine ya nuna Mata hakan, Mai garinne da kanshi ya d'auki yarinyar had'e da Bismillah a bakinsa aka rankaya zuwa fada, duk abunda ya faru tana kallan su, ganin an d'auketa yasata ajiyar zuciya tare da furta cewar "Kiyi hak'uri a halin da zaki tsinta Kanki, Ina k'aunar ki har abada Kuma da yardar Allah zaki dawo gareni" dak'yar ta samu takai kanta gida, tana Gama parking taga mijinta da amaryar ta sun dawo sun fito waje cikin farin ciki da annashuwa, tunda ta hangosu kallo d'aya kawai tayi musu ta watsar tare da kutsa kanta cikin tafkeken parlour d'insu, tunda ya hangota yaga Babu alamun ciki a jikinta, hakan na nuna alamun ta haihu Kenan tunda anyi-anyi ta zubar amma tak'i, ta6e bakinsa yayi suka cigaba da Hira da matar sa.

Tuni Maryam ta Gane cewar Hafsa ta haihu, tunanine ya cika Mata zuciyarta akan maita Haifa, kuma Ina takai Babyn, ganin Bata da amsar tambayar yasata watsar da lamarin ko ba komai itace taci riba, ruk'o hannun Mai gidanta tayi ganin yadda ya lula duniyar tunani, cike da salonta na makirci Tace "Ranka ya dad'e, tunanin me kakeyi Haka?"

Ajiyar zuciya yayi yace "Baki ga Hafsa ba ciki a jikinta ba?, Ko Baki lura bane?"

Had'e fuska tayi tace "To maye had'in ka da cikin da ke jikinta?, Cikin shegen har wani abun damuwa ne akanshi, kaifa da mahaifiyarta kukace inhar bazata zubar ba to tabbas duk Randa ta haihu karta sake abunda ta haifa yayi awa d'aya a gidannan koka manta?, To inkai ka manta ai ga dukkan alamu ita Bata manta ba tunda gashinan taje ta Yar da abun kunyar datayi, Allah ya raka taki gona, in Banda son zuciya irin na d'an Adam tayaya an tabbatar da bazaka ta6a haihuwa ba har abada Amma saboda son duniya shine taje tai cikin shege Dan ta mallaka abun duniyar da ka Tara sai gashi dubunta ta cika, thank God kai ganau ne ba jiyau ba bare kace sharri akai Mata"