بوح تحت سقفِ القلم

الفصل الرابع

كيف تصبح عيناها سماء و بحرا في آن واحد !
كيف لي ان احلق و انا اغرق!؟
.
.
ينظر للسماء الملبده بالغيوم :بتمطر
ينادي: يا ولدد صاللح
صالح المرهق:هلا
وضاح :غطوا على الغنم و النوق بتمطر و الباقي من العلف دخلوه المخزن
صالح بتنفيذ :سم
صوت الرعد  اعلن ظهوره
وضاح :لا اله الا الله ...سلمانن
سلمان :هلا
وضاح:فز لصالح و ساعده
انزل من يده الحطب :ابشر
بالجهه المقابله
متسند على طبلون السياره:يبي لنا نكشت
بدر :اي والله يبي لها طلعه الجو يفتح النفس
سلطان :قدنا بالعصر ما بيمدي نطلع بالليل احسن
فز وركب السياره:يلا مع السلامه
سلطان بستغراب :وين
بدر:وش الي وين يالله يمديني اجهز للكشته و اكلم العيال
حرك السياره :يالله سلام
سلطان  :مع السلامه
يصرخ لكي يسمعه :وين راح بدر
ذهب اليه :والله يا خوك نوينا نغير جو و بنكشت بالليل
وضاح بوله :اي والله يا خوك جو الحطب والبرد مشتاق له
..............................................................
.
.
عشرون دقيقه و ثلاث ثواني الى الان ولا زالت تنظر من السطح عن وجهه الغائب
رنا بضحك:ارفقي بالولد
احمرت وجنتاها بغضب:من قال لتس اني ادور عليه انا..اطالع كذا
رنا:واضح واضح
عادت لتبحث عن وجهه
فز قلبها من شافت سيارتهم مقبله
روح بهمس:ياروحها
نزل من السياره وتوجه للبيت
تحركت من الجدار المواجه للشارع للجدار المطل على الحوش
فزت رنا لها:جاء
بضحكه:الله يصبر قلبيتس
دفعتها روح :اصص
صعدت بدلة القهوه و صحن الحلا
غزل الممسكه بالصينينه:حيا الله و مرحبا
رنا بضحكه:الله يحيتس
غزل :رو..
يقاطعها صوته :يا اهل البيت
فز قلبها عندما سمعت صوته
غزل بصوت يوازي صوته :هلا سلومم ..بنزل له 
صبت القهوه :نستناتس
فزت من نزلت غزل له و قفت عند باب السطح تحاول سمع ما يقول
حطت يدها على قلبها :آه ياقليبي
رنا :الله يخلف عليتس
غزل :هلا سلمان
سلمان :الحبال الي في السطح هاتيها
غزل بتساؤل:طالعين ؟!
سلمان:ايه بنكشت
تصعد الدرج وبتحلطم:لنا الله
يضحك :بطلعتس يوم
غزل :افعالا لا اقوالا يا عباد الله
سلمان بغضب مصطنع:عيب عليتس انا اقول و افعل
غزل بسخريه:ما شاء الله واضح
سلمان :اقول تلايطي بس
اخذت الحبال من السطح ونزلت بستعجال
غزل :خذ
سلمان :مشكوره
غزل بخبث:تدري من عندنا
سلمان وهو يعد الحبال:عيال الشيخ براق
غزل :و ..
رفع راسه :وايش
غزل بشاعريه :من لسلمان غير الروح ..تلعب به من الداخل و برا؟!
فز :احلفي
غزل بضحكه حاولت كتمها:وخالق الروح و روحها
اختبص ..انتكس ..و اصبح بالا اتزان
ظل مشدوها للحضاتٍ طويله ...
وضعت يدها على كتفه :رح الله يخلف علينا و عليك
___________
بالسوق
واقف عند خضار ابو سند
بدر :ها وش قلت؟!
سند:اي والله لنا زمان من طلعنا
بدر :اجل الليله بنروح
سند :خلاص اكلم فاتح و سعود
بدر :يالله سلام
...............................................
بالسطح
غزل بخبث:سلمان يسلم عليتس
وهى ترتشف القهوه كحت بصدمه
ضربتها رنا من ظهرها وبضحكه :يسلم عليتس
روح بحالميه:الله يسلمه
رنا :لا حيا ولا مستحى
وضعت يدها على قلبها :قلبي يوجعني احس بموت
تضحك :لا اله الا الله هههههههههههههههههههههههههه
هههههههههههههههههههههههههههههههههههههههههه
التفتت لغزل :وش ذاك القصيد حـق حبك برص مدري ايش
رنا  :هههههههههههههههههههههههههههههه من متى تحبين القصيد
روح :ما احب القصيد .. بس  يختي ذا يخليني انتافر و اتهيض
غزل بحالميه :وايه ؟
تسندت عليها:هيضني حسبي عليه
غزل :احشمي اخته
روح بفلسفه :الحب سهم يصيب نص الصدرو و يشلعوا القلبو ...الحب مثل المخده تبي تنسدح عليها لكي تنامو
وضعت رنا يدها على راسها:لعنبو بليستس ما تستحين
انسدحت على فخذ غزل:طيري ..قال استحي
غزل بضحك:ههههههههههههههههههههههههههههههههه
هههههههههههههه
....................................................
مكان مظلم سيء مليئ بالاحقاد
سالم: ما فهمتك؟!
رد بهدوء:وش الي ما فهمته عزيزي ؟!
سالم:كان ممكن انك تدمرهم تاخذ نص الحلال و تحجر على البيت و انتهينا ..ليش اللف والدوران ذا ؟...خصوصا إننا منشغلين بأمور اهم منهم؟!
ابتسم:الشغل غير وعيال عزام غير ..تعرف يوم إنك تقول ابي اخذ بريك عشان ارتاح من هم الشغل ..بالضبط اعتبرهم وقت الراحه ولعبه اتسلى فيهم
سالم:والله عجزت افهمك
يرتشف القهوه:مع الايام بتفهم
________
الليل الساعه الثانيه عشر
ثمانية اشخاص مجتمعين حول حزمه من الحطب المشتعله بالنيران
سند :بدا البرد يدخل
سلطان بحلطمه:استغفر الله ذي الايام ما تدري هو برد ولا حر الصباح بغيت اموت من الحر و العصر مطر  وذلحين براد
سعود :ناقصنا القصيد يا عيال
سند :عندنا الشاعر
بدر بنظرات تهديد
طنشه سند :بديررر
سلطان بستغراب:من متى
يحك ذقنه :هاه ؟
سلمان:اخس ولا تعلمنا
بدر :ماهوب ذاك القصيد ولا نيب بشاعر بس حاله تجيني لا شفتها
سلطان :شفتها؟!!
بضحكه:ولدنا يحب
تصفيق و تصفير من العيال المستغربين
وضاح:علمنا وش السالفه؟!
كشر:لا تقلب المواجع
سلطان:قلنا طلبناك
بدر:خلاص عطيتك ...
انت حب زال من عيني غمامه
نصف ضيم ونصفه الثاني نعيم 
ضربه من كتفه :تحب يا ولد
بدر بشاعريه:احب وبس؟...قل غرقان قل هيمان قل مغرم وانا راضي
ابتسم وضاح والشوق تغلله ..لتلك الدغده اللطيفه التي تسمى حُب
وينك؟!
بدر :رحت ولالي مفر بالرد ...رحت وصرت اعد الايام عد ..ابي وصال يجمعني بها من غير حد...ابيها وسمع نحيبي سابع جد .
واكملت السهره بقصائد بدر في معشوقته الغزل .
هل ستهواه كما يهواها ؟!
______
بالرياض .
تحديدا بسيارته
يكلمه عبر الجوال
حسام بتنهيده:ايه ..بكره و انا عندك
محمد :يا هلا و مرحبا ما بغينا
بحزن تعلقة به محاجره:انا عندهم
محمد بأسى على صديقه:الله يقويك ..تراهم اهلك و مردهم لك
بعد عدة دقائق كان يصارع بها نفسه كي يخرج
اخيرا:
يقف امام المنزل الذي هجره لـ اربع سنوات
اجل ....
اربع سنوات يا امي و انا معلق
لست بالسماء اطير و لا بالارض اسير
معلق هكذا ..و منخرط في و عثائي .
سأخرج من الرياض بأكملها تارككم خلفي .
ولن انسى ذاك اليوم
دخل حديقة المنزل و اربع خطوات و توقف
لا تلوموني ...لا استطيع
نعم جبان ..وليست صفه حسنه حتى اتباهى بها يالله
نظره واحده منهم ستقتل الحي الي فيني يبه !
مقدر !!
اطياف الذكريات انقضت عليه...افترسة دماغه .
اشعر بأن غصااتي تتهافت لتخرج ...
واين صدرك يا امي .
إلتفت معلن خروجه و استسلامه مرة اخرى
قاطع خروجه نبره تتراقص من الفرح بقدومه :حساام !
قضم على شفتيه بقهر
أود البكاء يإلهي أريد البكاء و اين صوتي مني؟!
اخرج اود ان ابكي ..وتباً للمنطق حين يخبرنا ان الرجال لا يبكون
لم يلتفت اكمل سيره خارج هذا المنزل .
انقض عليه و عانقه من الخلف بشوق
يبكي الشوق بملوحته :حح..حساام.
اغمض عينيه بألم ولم يتحرك
قدمي اندثرت بالارض و لن تسعفني حتى اتحرك .
حاول ان يفلت من عناقه
ولكنه شده بقوه
صوته يخرج عتاباً :يالله..هان عليك يا خوك ؟!
افلت يديه بصعوبه و أكمل سيره
ولكن عبدالله امسك بيده بقوه
بحده ممزوجه مع بكاء:ما لقيتك عشان اخليك
وبصوت صراخ الفرح :يمههه ...حوورر..حوراء ..نواف
لا تنطق لا توجعني لا تتمتم بأسمائهم لا تجعلني انهار
بصوت مهزوز :تكفى..ما ابي أأذيك
شد يده بقوه:لو تطقني من هنا لبكره  ماني بفاكك
عبدالله :يمهه
خرجت امه :وش فيك يمه ور....
صعقت صدمة تصلبت عروقها و قلبها اعلن قرع اعراس الطبول كادت أن تسقط لولا انها استندت بالجدار
همسها خرج نحيبا:حـ..ـسام؟
يالله ..يارب ..صبر دمعاً يتقابع بالمحاجر و يريد الخروج ..يالله يارب صبر قلبي الذي الذي سيهفوا مع اول كلمه سأنطقها
تقدمت والشوق يسبقها إليه
تقدمت والدمع منذ فراقهِ يبكي عليه ..سقطت امام قدمه :يمه ..روح امك..هِنا عليك ؟؟!!
افلت كفه من اخيه وجلس بجانبها ..قُرب جناحها
يا قربك يمه ويا بعدك ..لو عقلي اللئيم يوقف لحظه والله لا اندثر بحظنك ..ناسي خطاي وذنبي
اكتفى بشم عبيرها عندما قَبل راسها :لا توجعين قلب موجوع من الله
توقف ليذهب ولكن صوت ..ناعم اوجعه
"حساااااممممم"
إلتفت اذرعها خلف رقبته دافنه وجهها بتجويف عنقه :يا بعد روح وقاب اختك ..وينكك !..احتاجك بالحياه !
ابتسم بسخريه مميته ..تحتاجيني وانا سبب جوعك بالابوه !
ابعدها عنه وهذه المره سيخرج
ولكن صوتها اوقفه :تبي تحرمنا منك مثل ما انحرمنااا منهه!!
شعر بالدوار يكتسح راسه ..ايه بحرمني منكم لاني حرمتكم منه ..لاني سبب يتمكم ..سبب الدموع الي بعيونكم !..سبب ضيقتكم..ايه بحرمني منكم و بذوق الشوق لانِ حرمته منكم
وهذه المره فِعلا خرج

لا واللهِ لا اعلم لا و إله السماء لا اعلم
كيف قلت ذلك ..
لم اقصد اقسم لك أنِ لا اقصد
امسكها من ياقتها ورفعها بغضب حتى وقفت على اطراف اصابعها:تدرينن وش قلتي لههه ؟!!....ناقص وجع هو!!
اشعر أن نهر النيل وجد له طريقا الى عيناي
ببكاء يرتشف النحيب :والله...وخالقك ..مدري كيف قلتها ..
(شهقه ارهقتها)..قله يا عبدالله اني ما اقصد .. مدري كيف قلتها...اصلا..(شهقه مباغته)..ما قد فكرت كذا ابدا ..عبدالله...تكفى يا خوك قله ..
انزلها بحزن ونطق:وش يفيد الندم ياخوك
اندفعت إلى احضانه :والله ما اقصد ...
ضمها بوجع:احرقتي روحه ياعيني .
ويحي ..احرقت روحك يا اخي
احياناً نطلق كلمات تحرق ارواح من نحب من دون قصد
نحرقهم و نحرقنا معهم
. .............................................
صباح يوم جديد
صباح بداية الاحداث
صباح الغوص و التوغل في التفاصيل
صباح بوح الاقلام
صباح سكون الالسنه .

مرتدي نظارته الشمسيه و متكي على نافذة السياره المفتوحه و ينظر الى تلك اللوحه
مرحبا بكم
قريه .......
80كم
يتنهد:كاره  الحياه من اصلها ،وذي الديره بتكرهني بعمري زياده
يرن هاتفه
رد:هلا محمد
محمد:وينك
يبتسم:باقي 80 كيلوا نص ساعه وانا عندك
بتررد:ما كلمتك امس ،وش صار
بصوت حزين :يرحم لي والديك قفل على السيره
محاوله بائسه لتغيير "السالفه"
محمد:طابخ لك غداء ياهو غداء ...انت بس اعجل
يبتسم:إن شاء الله
اغلق الهاتف
يحرك السياره :بسم الله
و انطلق