تبدا حكايتنا بطفلة تجري في الكياس ساكها على ظهرها العباد الكل تغزرلها تجري مزروبة عاللخر تعرف مصيرها مشوم كان تخلط روتار .غزرت للمونقالا وقفت شويا تتنفس بعد رجعت تجري مالازمهاش تخلط روتار وبالاخص ليوم ..تجري وتلهث وسط الكياس شي ماهيش باش تنجم تخلط تاليفونها نوقز وهي مازالت تجري نفخت بالقوي هزت تلقاها صاحبتها الانتيم _ تسنيم اه شنوة دخلتو... اوهه يا ربي منيش باش نجم نخلط قبل ...غزرت للمونقالا تي قبل بدرجين امان لهي البروف حتى نجي ماك تعرف بابا متحلف فيا ملزمنيش نخلط روتار كانش يفكلي تاليفوني والكارت وميخلينيش نمشي للرحلة ....
علقت وقعد تجري وتلهث بانلها الليسا من بعيد تبسمت عينيها تغزر لقدام وساقيها تجري وحدها تعثرت في حجرة جات باش طيح حست بشكون شادها من يدها بالقوي دارت براسها تشوف في واحد فتوق بدن ميسكلا شعر اكحل ارطب مغطيه بكسكات كحلة عينين ثاقبة عسلية خشم مسوي وحاد قمحي عاطي عالسمار شوية لحية محصورة هبلتها...فاقت ملالشرود متاعها تبسمتلو _ امم لازمني نمشي
هو عقد حواجبو باستغراب شبيها تصرفت هكا حتى مرسي ماقلتهاش باين فيها ماسطة وظاربتو في روحها خلاتو في تفكيرو ومشات تجري لقات الباب تسكر بدات تسب وتعاود فقدت الامل زايد لازمها تدخل تاخذ بيي كالعادة مع التسخسيخ والبارون واكيد بوها المرة هاذي مش باش يسامحها جمعتين توة خذات فيهم 19 مرة بيا دوروتار حطمت الرقم القياسي (اكثر مني يقوى علاها ربي😂😂(....تنهدت وضربت يدها بالقوي على الباب ....دخلت للادارة تلقى نفس الطفل الي قابلتو قدام اليسا ..
كانت منية تضحك شافتها تزرعت التكشيرة_ شنية ليلا كالعادة
ملاك بغزرة تع فدة _ مدام والله اخر مرة
منية_ نسمع فيها عندي ثلاثة سنين توة
ملاك_ تي والله يا مدام عندي اعذاري
منية بقحرة _ اشنوة زادة المرة هاذي شدك كلب ..طحت ولا دخت وهزوك للسبيطار وتوة جيت
ملاك تلفق في كذبة _ امم مدام ....عنا دار في الحومة تسرقت الدنيا مسركلة بالحاكم شافوني نجري ياخي شدو جرتي يستخايلوني هاربة منهم ايه كهو هزوني للمركز نبحث فضيتها بالسيف على هاكا جيت روتار وزيد ها هوا هاهوا الطفل شاهد هاه
ايمن(نفس الطفل الي قابلتو قدام الليسا) شدو الضحك ملا مقربعة باين فيها تعشق افلام هاذي 😂 ..
ملاك تغزرلو بغزرة امان ايجا قول كيما قلت
ايمن حك لحيتو وقرر يعمل علاها بالعاني _ انا ماريت شي يظهرلي مشبها عليا
ملاك بقحرة مسمامة تتوعد فيه بعد غزرت لمنية _ مدام امان
منية غزرت للمنقالا لقاتها ونص
منية_ منجمش توة نعطيكم بيا ارجعولي ساعة جاية
ملاك _ اوفف باهي جات خارجة بعد دارتلها _ مدام بربي حكاية فارغة مش لازم تقول علاها البابا هوكا بيناتنا عاد ماني بنتك..
منية _ اخر مرة اه
ملاك_ اي والله اخر مرة
أنت تقرأ
❤ولد كلاسي❤
Romanceحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
