منقذتي من الهلاك (مكتمله )

الفصل الاول

في احدي شوارع مدينه دمياط الجميلة حيث يوجد عماره الحج محمد عبد الوهاب والد تلك الجميلة التي تداري جمالها في جلبابها الاسمر
استيقظت تلك الجميلة التي انير وجها من كثره صلاتها وقيامها لتصلي الضحي وبعد انتهائها قرأت وردها اليومي وخرجت لتساعد ولدتها
زينب: خلاص ي نور انا هكمل انتي روحي يبنتي شوفي كلمي صاحبتك وشوفوا هتروحوا امتي
نور: يماما سبيني اغسل انا المواعين دي بس انتي بتتعبي اوي
زينب: يحبيبتي دول بتوع الفطار بس روحي وكلمي البت شوفي ابوكي عايز حاجه
نور: طيب ي ماما
___________________________
محمد: ادخلي ي نور
نور: بابا حبيبي اعملك حاجه
محمد: اه شوفيلي الجزمه البني فين ينور لحسن مش فاكر مكانها
نور: اه يبابا انا مسحتها وحطيتها تحت السرير ثواني هجبها
محمد: طيب يلا عشان هتاخر
نور: عيوني ي نور عيوني
نور: اهي يابابا جبتها. خليني بقي البسهالك
محمد: لا متتعبيش نفسك انتي فكراني عجزت ولا اي يبت انتي
محمد: الحقي ي زوزو البت عايزه تلبستني الجزمه فكراني عجزت
زينب: ربنا يخلي حسك ف الدنيا ي اخويا لحد اما نفرح بعيالها
نور وقد دمعت: مش قاصدي يبابا بس محبتش اتعبك
محمد وقد حن: لا يروح قلبي متعيطيش عارف انك مش عايزه تتعبيني
زينب: يلا ي نور بقي قومي شوفي صاحبتك هتروحو امتي عشان متتاخريش
محمد: ايوا يحبيبتي وسلميلي علي روقيه
نور: حاضر من عيوني ينور عيوني انتم
زينب: يبكااشه
لتذهب نور لغرفتها لتتحدث مع صديقتها المقربه ساره
-------------------------------------------
زينب بقلق : انت برضو رايح المشوار دا
محمد بيأس: لازم ي زينب لازم ادعيلي انتي بس
زينب: ربنا يجبر بخاطرك يارب يامحمد يابن حسنيه
محمد: لازم حسنية يعني
زينب بضحك : عشان تستجاب
محمد: لا يشيخه
زينب: اينعم
محمد: ماشي ياستي استودعكم الله
زينب: وانت في وداعه
----------------------------------------
نور في غرفتها
نور: السلام عليكم
ساره: وعليكم السلام ي ست نور عاش من سمع صوتك
نور: معلش يساره ولله كنت عندي دور برد جامد بس الحمد لله ربنا اخد بايدي
ساره: لا حول ولا قوه الا بالله المهم بقيتي كويسه ولا ايه ي حبيبتي
نور: يبت بطلي مخك التخين دا بقولك ربنا خد بايدي
ساره : ماشي ينور انا مخي تخين بس علي الاقل مزه وقمر
نور بضحك: مش باخد منك غير الكلام بس
ساره: ماشي ياحجه المهم هنروح النهارده
نور: ايوا باذن الله يبنتي دول بيفرحو اوي وبعدين دول احباب الله
ساره: وانا مقولتش حاجه خلاص علي الساعه 11 هبقي عندك عشان نشتري كمان العاب للي هيحفظ بسرعه واهو نفرحهم
نور: احبيكي وانتي بتفهمي كده
ساره بضحك: ماشي يستي المهم يلا شخللي جيبك عشان مش هدفع لوحدي
نور: مش بتكملي حاجه حلوه مره واحده
ساره: 😂😂😂 ماشي نور يلا سلام
نور: سلام يستي
--------------------------------------------
ودعونا نذهب معكم لمكان اخر
في احد شوارع التجمع الخامس التي تشتهر بكثره الاغنياء بها يوجد ذلك المنزل بل لم يكون بمنزل انما هو قصر من شده جمالو وسموه وحديقته الجميله والواسعه التي يظهر ان شخص يعشق الحياه يعيش بها
نزل ذلك الشاب ذو الجسم الرياضي والعضلات والطول الجذاب والبشره السمراء من سيارته لينادي علي الخادم
هاني: انت يعم خالد .. هو فين الحيوان دا هو كل اللي شغالين هنا حمير
خالد: اسف يباشا كنت بجيب الزريعه للست نسرين هانم
هاني بعدم اهتمام: طيب خد نضف العربيه وخلي حد يركنها عدل فاهم
خالد: حاضر يباشا
ليدخل هاني منزله بغرور ويترك ذالك الخادم يلعن به علي سوء اخلاقه
نسرين: كنت فين ياهاني كل دا
هاني: وانتي مالك ي ماما هو انا بسالك انتي بتعملي ايه
نسرين: رد عدل يازفت
هاني ببرود: بصي انا تعبت من الاسطوانه دي انا طالع انام
نسرين: نامت عليك حيطه تنام ايه انا هقول ابوك انا بقول اسطوانه يهاني
هاني: بقولك ايه متعصبنيش انتي فاهمه وبعدين في واحده هانم تقول نامت عليك حيطه اطلعي من دماغي واوعي تخلي حد يصحيني
نسرين: لا دا انت لما ابوك يجي لينا كلام تاني مش هينفع الموضوع دا انت بقت تسهر وتجي الصبح واسلوبك يقرف الكلب انت مش هتورد علي جنه اصلا
هاني بأستهزاء: وانتي بقي ربنا اداكي علمو
نسرين بغيظ: روح اتخمد بدل ما اتجلط دلوقتي
هاني: رايح رايح
ليتحرك هاني لغرفته ويترك نسرين قد شاب شعرها من شده الحزن والحسره علي ذلك الشاب الذي لم يلقي مثقال ذره تربيه

--------------------------------------------------------------

في مكان اخر في دمياط يوجد ذلك الميتم الذي قد اهمله الكثير والكثير من الناس لتدخل بطلتنا
نور: السلام عليكم
مشرفه الميتم: وعليكم السلام
مشرفه الميتم: انسه نور نورتي اتفضلي العيال هتفرح اوي
نور : حاضر يلا يا ساره
مشرفه الميتم: خلوني اساعدكم في الحجات دي
ساره : لا ربنا يخليكي مش تقال انا هشيل
نور: يلا
لتدخل الغرفه ويهجم عليها كل الاطفال هناك فرحين بزياره احد لهم
عمار: ابله نور ابله نور وحشتينا
اسلام: بس يعمار بقي خليها ترتاح الاول عشان ناخد الدرس
روقيه: ايوا يا ابله عايزين تقوللنا درس النهارده
نور بأبتسامه: طيب اقعدو هحكلكم النهارده حكايه جميله اووي بس بعد اما نسمع النهارده اللي حفظتو
ساره: انا كمان هحكلكم حكايه جميله بس المره الجايه
عمار: بجد يا ابله ساره
ساره: ايوا ي حبيبي بجد
بعدما سمع الاطفال السور التفو حول نور وساره ليسمعو قصه اليوم
نور: قصه جميله اوي ربنا قلنا عليها في سوره القلم
كان في شيخ وعندو بستان في شجر جميل اوي وزرع وثمار كتير وفيه نهر وكان عندو اولاد
كان الشيخ دا بيطلع جزء من الثمار للفقراء وكان معودهم علي كده
بس عيالو كان الموضوع مش عجبهم وكانو مضايقين اوي
جيه يوم والشيخ دا مات
راحو عيالو اتفقو انتم مش هيدو الفقراء تاني
اخوهم الكبير قال احنا احق منهم ودا بتاعنا
وقال الصغير ايوا الفقراء ملهمش حق
ولكن الوسط قال لا انصحكو تعملو زي ما ربنا قال عشان دول مال ربنا ولازم نوزعو صح
قال كبير لا لا انت تسكت خالص احنا نستني بليل واخر جزء من الليل والناس نايمه وناخد الحصاد بتاعنا
والاخوات شدو مع بعض واتخانقو جامد
وفعلا راحو المكان بليل لقو كله نار والشجر محروق ومفيش ثمار
قال الكبير دا لا مش بستاننا بتاعنا جميل
وقال الصغير ايوا مستحيل دا يبقي بتاعنا
رد عليكم الاوسط وقال لا بتاعنا بس عشان انتم منعتو مال ربنا راح ربنا بعت جنودو واخدو حقو منكم
ساره: قال تعالى : " قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ (28) قَالُوا سُبْحَانَ رَبِّنَا إِنَّا كُنَّا ظَالِمِينَ (29) فَأَقْبَلَ بَعْضُهُمْ عَلَى بَعْضٍ يَتَلَاوَمُونَ (30) قَالُوا يَا وَيْلَنَا إِنَّا كُنَّا طَاغِينَ (31) عَسَى رَبُّنَا أَن يُبْدِلَنَا خَيْراً مِّنْهَا إِنَّا إِلَى رَبِّنَا رَاغِبُونَ (32) كَذَلِكَ الْعَذَابُ وَلَعَذَابُ الْآخِرَةِ أَكْبَرُ لَوْ كَانُوا يَعْلَمُونَ (33) إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ (34) "
نور: صدق الله العظيم
نور: فهمتو ايه بقي
عمار: انا فهمت ان ادي الفقراء فلوس عشان ربنا يدخلني الجنه
روقيه: قصدك اننا عشان ندخل الجنه اننا نطلع صدقه
محمود: لا ي روقيه مسمهاش صدقه اسمها ذكاه
نور: ايوا ي محمود صح شاطر
ساره: فهمتو بقي ي ولاد نور قصدها اي
العيال: ايوا ي ابله
ساره: يلا بقي عشان نحفظ جزء جديد عارفين هنحفظ ايه
عمار: ايه ي ابله
ساره: سوره القلم
نور ياتي لها مكالمه
نور: السلام عليكم
زينب: ابووكي ف المستشفي الحقيني ي نور
-------------------------------------------------
السلام عليكم متابعينا
بصراحه كده عايزين رايكم ايه ف الروايه دي
ونكمل ولا لا
كتبتها انا وصديقتي
اتمني رايكم فيها لانو بجد يهمنا 💛🌼
ربنا يسعد قلوبكم
حابه اقولكم كمان
‏" ولعلَّ الضِّيقَ المُفاجئ ذَنْبٌ يطلبُ استغفاراً !" ⁦♥️⁩