Nakakatawa na ang pag-ibig
Na minsan ay nadama
Ay parang bula
Na biglang naglaho at nawala.
Yung pagmamahal na nadama mo nung una
Ay tila ba napalitan ng galit
Na 'di mo naisip noon kahit saglit
Pero siguro ganun nga talaga ang buhay
May mga bagay na darating
At may mga bagay rin na mawawala
Kahit na gaano mo pa kagustong manatili ito sa iyong buhay.
Ang tanging magagawa mo na lamang
Ay huminga ng malalim at idilat ang iyong mga mata
Sa reyalidad at katotohanan na
Lahat ng bagay ay nagbabago;
Lahat ng bagay ay may umpisa at wakas.
