هند اتعدلت فى قعدتها: رديت عليه؟
اسامه: وليه لا؟ الفكرة حلوة والراجل اعتذر
هند: انت ازاى ترد عليه من غير ماتقولى.... لا وكمان وافقت
اسامه: انتى بتتكلمى كده ليه؟
هند بزعيق: انت نسيت العقد ولا ايه؟
اسامه: عقد؟
هند: اه العقد ولا نسيته ( طلعت ورقة العقد)
ده العقد اللى فيه اتفاقنا ان انا هبقى مسؤولة عن كل اعمالك... ولا نسيت؟ يعنى حاجة زى دى المفروض تاخد رأيى فيها الأول
اسامه بغضب: اقفلى الموضوع ده دلوقتى علشان انا عايز اتخمد... انا غلطان ان انا قلتلك
سابها ودخل ينام بس هيا معرفتش تنام وقعدت مستنياه يصحى وفعلا صحى الصبح عالساعة سبعة... قام دخل الحمام وخد شاور وطلع وراح قعد على السفرة من غير ولا كلمة... كان متعود دايما يروح يصبح عليها ويبوسها ويحضنها بس معملش كده....
حضرت الفطار وحطته على السفرة وقعدوا ياكلوا فى صمت قبل ما هى تقول: اسامه
مسمعتش رد
هند: اسامه انت لسه زعلان منى؟
اسامه كل لقمة وقام يعمل الشاى ومردش عليها... خلص الشاى وطلع يشربه فى البلكونه وهى لما صبرها نفذ طلعت وراه ودورت وشه ليها
هند: اسامه ممكن تكلمنى
اسامه بسخريه: اكلمك؟؟؟ بجد؟ عايزه تتكلمى فى ايه؟
هند: اسامه انا آسفه ع اللى انا عملته امبارح غصب عنى بس فى حاجة مهمه لازم اقولهالك
اسامه: سامعك
هند: اسامه انت لسه مخدتش فلوس الفيلم الأول ولو انت عملت فيلم تانى قبل ماتاخد اتعاب الأول ممكن يلعبوا معاك فى الفلوس فبلاش... خلينا الأول ناخد اتعاب الأول علشان نقدر نزود براحتنا....
اسامه: انا فاهمك بس ماتجيش بالطريقة دى انا حاسس ان انتى بتعايرينى
هند: ابدا والله مقدرش اعايرك..... علشان بحبك وحتى لو مش بحبك مقدرش اعاير حد او استغله....
اسامه بصلها وابتسم وحضنها وباسها بحب ووقفوا مع بعض فى البلكونه
♡♡♡♡♡♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡
...فوت...
...كومنت...
...شير...
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
