وفجأة تليفون ريماندا رن
ريماندا: الو..
دانييل: سمعت ان البوس عايز يقابلك
ريماندا: وانت مالك؟
دانييل: لا مالى طبعا
ريماندا استغربت
دانييل: لو لمس شعرايه واحده منك انا هنسفه
ريماندا ضحكت: انت عارف كويس ان انت متقدرش
دانييل بثقة: هنشوف
وضحك ضحكته الشريرة وقفل الخط
ريماندا قعدت وحطت ايدها على دماغها بتعب.... وفجأة اغمى عليها
هند: علفكرة بقى مش هى دى مفاجئتى
اسامه استغرب
هند: انا حامل
اسامه مصدقش نفسه وكان هيموت من الفرحة...شد هند عليه وحضنها ورفعها لفوق علشان تبقى فى مستواه وباسها بكل معانى الحب....
وبعد كده هند اختارت سى دى والاغنيه اشتغلت ورقصت سلو مع جوزها وحبيبها....
ايڤا كانت بره بتشترى حاجات ولما رجعت لقت امها واقعه على الارض صوتت بصوتها كله وجريت عليها لقت فى ايدها الكرنيه بتاع اسامه مسكته وقعدت تبص فيه وفجأة الكرنية اتفتح نصه واتفاجئت ايڤا برقمين
ايڤا: اكيد دى ارقام اسامه
ايڤا جربت تتصل بأول رقم بس مغلق واملها الوحيد دلوقتى فى الرقم التانى طبعا اسامه كان قافل تليفونه اصلا علشان ليلته الخاصه مع حبيبته فمحاولات ايڤا بالاتصال عليه فشلت... ولما يئست من الاتصال عليه قعدت فى الأرض وعيطت جامد ومش عارفة تعمل ايه..
خلصوا ليلتهم الروعة اللى مفيش حاجة بوظتها لحد دلوقتى....
وبمجرد ما فتح اسامه تليفونه اتفاجئ بعشرين ميسد كول من رقم غريب... طبعا قلق جدا وقرر يتصل التليفون مكملش الرنة الاولى واتفتح
اسامه: الو
ايڤا بتعيط جامد: الحقنى يا اسامه الحقنى
اسامه مش عارف يميز صوتها لانها بتعيط: مين؟
هند قاعدة جمبه قلقانه
ايڤا: انا ايڤا ارجوك تعال بسرعة انا فى مصيبة
اسامه: آجى فين؟
ايڤا: هبعتلك اللوكيشن ارجوك متتأخرش
اسامه: تمام
قفل الخط
هند: مين؟
اسامه: انا آسف بس ورايا مشوار ضرورى جدا
هند: ولا يهمك
اسامه خد تليفونه ونزل وركب عربيته وفى خلال ثوانى اتبعتله اللوكيشن وراح عليه طيران...
ووصل بعد دقايق وخبط على الباب وفتحتله ايڤا كانت عنيها وارمة من كتر العياط وخدها احمر وجسمها منكمش....
اسامه بقلق: مالك
ايڤا عيطت اكتر وحضنته وغاصت فى صدره....
وبعد شوية بعدت وشاورت بايديها على الأرض...اسامه وسعها ودخل ولقى ست واقعة على الأرض....
اسامه شهق: مين دى؟
ايڤا عيطت: امى
اسامه قرب منها وشالها وحس باحساس اول مر يحسه من زمان جدا الاحساس ده كان بيحسه مع امه وبس..... احساس خلاه ضايع ومتشتت بس فاق على صوت عياط ايڤا...
اسامه جرى وحطها فى العربية وايڤا ركبت جنبه وراح بيها المستشفى...
♡♡♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡♡
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
