فى اليوم التانى هند طلعت من المستشفى هى وابنها
شريف بيحاول يواسيها: هتسميه ايه بقى يا دودى؟
هند بعياط: مش هسميه
الكل استغرب
ايڤا: مش هتسميه ازاى بس يا دندن؟
هند: قولتلكوا مش هسميه... سيبونى فى حالى بقى
وسابتهم وجريت هى وابنها على اوضتها وبتتحاول تتمالك اعصابها بس مقدرتش وانهارت من العياط
شوية كده وتليفون شريف رن...
شريف: الو... ايوه يا اسلام.... اى اخبار؟
اسلام:............
شريف: انا جاى حالا
هيام: فى ايه يا شريف؟
شريف: هتعرفوا... المهم انا لازم امشى دلوقتى....
شريف مشى وراح لاسلام...
اسلام: هم بيقولوا ان هما لقوه فى مكان عامل زى الغابة كده وقاعد مع راجل عجوز فى بيت صغير....
شريف: قولى بس هو فين ومتشغلش بالك
اسلام: طب بص انا هبعت معاك شوية من رجالتى يأمنوك
شريف: لا يا اسلام قولتلك قولى بس البيت ده فين وانا هتصرف
اسلام وصفله الطريق وشريف خرج من غير ولا كلمة....
عند عم حسين
عم حسين: يابنى قوم يابنى
اسامه بنعاس: فى ايه؟
عم حسين: يابنى قوم يالا نصلى الفجر مع بعض وتدعى ربنا يعقلك مراتك
اسامه: حاضر حاضر جاى
اسامه قام اخد شاور وتوضى وصلوا الفجر جماعه واسامه كان بيدعى من كل قلبه ان مراته تعقل فعلا وترجع لرشدها ومتكررش غلطها تانى ابدا....
خلصوا صلاة واستغفروا ربنا وعم حسين قعد يكلم اسامه
عم حسين: قولى يا بنى.... انت لما مشيت كانت مراتك فى الشهر الكام
اسامه: التالت
عم حسين: وانت بقالك هنا قد ايه؟
اسامه: ست شهور
عم حسين: يعنى زمان مراتك ولدت... هتلاقيها يابنى بتموت من غيرك.... واللى بيحب بيسامح
اسامه: هفضل اسامح لحد امتى لحد ما اتعدم بسببها ولا ايه؟
عم حسين: يابنى اللى هيا شافته صعب جدا ان اى ست وخصوصا زي مانت بتقول بتعشق جوزها انها تتحمله.... اللى هيا بتعمله ده شئ طبيعى.. هى اه كان لازم تسمعك قبل ما تحكم عليك بس دى كانت لحظة غضب وانت عارف ان البنى آدم لما بيبقى مدايق ممكن توصل بيه للقتل....
اسامه: انا فاهمك بس انا مش مستعد اتحمل اى غلط تانى
عم حسين: يا عم روح اسمعها ولو غلطت تانى بعد كل ده يبقى اكيد ست معندهاش دم.... اوعدك هتبقى الفرصة الأخيرة....
اسامه: هشوف يا عم حس....
ملحقش يكمل جملته لان الباب خبط
عم حسين بقلق: يا ترى مين اللى جاى السعادى....
اسامه: انا هفتح
اسامه قام فتح الباب واتصدم
♡♡♡♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡
...فوت...
...كومنت...
... شير...
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
