اسامه صحى وراح شركته زى كل يوم ورجع العصر.... ولما رجع كانت هند لسه بره
دخل غير هدومه والباب خبط
راح فتح واتفاجئ بإيڤا بتنط فى حضنه وبتعيط....
بياحول يهديها وهيا بتعيط فى حضنه ومش قادره تاخد نفسها..... ولسوء حظه ان اللحظة دى كانت لحظة رجوع هند البيت... هند لمحته من بعيد وقربت من غير ما ياخد باله وشافتهم.... وقلبها اتحطم مليون قطعة... هند جريت وهى بتعيط وراحت لشريف
اسامه دخل ايڤا وحكتله على اللى حصل معاها...
ايڤا: هو بيخونى يا اسامه بيخونى
اسامه: انا مش فاهم انتى ايه اللى جابك هنا؟ انا مراتى ممكن تيجى فأى لحظة
ايڤا: اسامه انا لما شفت القلق فى عنيك لما شفت ماما وشفت صفى فى نظرتك ليا... حسيت بشعور غريب ناحيتك حاسه ان انا بثق فيك اوى وعايزه احكيلك كل حاجة....
اسامه: صح هى عامله ايه؟
ايڤا: هى مين؟
اسامه: مامتك
ايڤا: اه مامتى هى كويسه جدا...
اسامه: طب كويس.... بصى يا ايڤا.... انا مش عارف اقولك ايه الصراحة... انا مش هقدر اساعدك... بس انتى خديها منى نصيحة...
اسمعيه الأول وشوفى مبرراته وبعد كده احكمى متحكميش بالشكل ابدا لأنه ممكن يكون بيحبك وانتي تضيعيه من ايديكى بحركة غبية... زى ما بيقولوا كده فى لحظة طيش...
ايڤا: كلامك حلو.... شكرا
اسامه: متشكرينيش يالا روحى اسمعى جوزك متضيعيش ثانية وانتى عارفة انه ممكن يكون برئ من اتهاماتك...
ايڤا مشيت وهى فى غاية السعادة
اما عند شريف اللى فتح الباب ولقى اخته مغرقاها دموعها... اتنفض ودخلها بسرعة وهداها وعملها كوباية ليمون...
هند: بيخونى يا شريف... انا شفته بعنيا دول
شريف: اهدى بس واشربى الليمون ده واحكيلى اللى حصل بالتفصيل الممل..
هند حكتله كل حاجة وللأسف هو كمان غبى زيها..
هند اتأخرت واسامه قلق جدا بيتصل بيها بس تليفونها مقفول... وبيحاول يكلم شريف وبرضه تليفونه مقفول.... كلمها على تليفون الشركة ووردة قالتله انها مشيت من بدرى.... هنا الجنان اشتغل وبدأ يدور عليها فى كل حته... وراح عند شريف
الباب خبط وشريف عارف مين وراه راح فتح وسد الباب بجسمه الضخم....
اسامه بيحاول يبص جوه زى المجنون
اسامه: هى فين؟
شريف: هى مين؟
اسامه: متستعبطش يا شريف انا عارف ان هى هنا
شريف: اه...صح... هيا هنا... هتعمل ايه يعنى؟
اسامه: انت بتكلمنى كده ليه؟ انا عايز اشوفها لوسمحت؟
شريف: انسى
اسامه: انت بتقول ايه؟
شريف: بقولك انسى مش هتشفها وياريت بعد ما ترجعلها كل ممتلكاتها تطلقها بالتلاتة
اسامه: انت اكيد اتجننت
شريف: ده كلامها هى
اسامه: اه قول كده بقى... خليهالك
اسامه مشى والنار بتاكله حته حته وطبعا زى ما هو متعود راح ورمى كل همومه على البحر ونام....
♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡♡♡♡
... فوت...
... كومنت...
... شير...
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
