فرق طبقات الجزء الثاني

part 12

فى اليوم التانى رجع البيت وكان نايم على البحر كالعادة واول ما شافته هند جريت عليه وضمته
هند: انا آسفة على الكلام اللى انا قولته امبارح دى كانت لحظة حزن...انا بج......
قاطعها: عارفه ايه مشكلتى يا هند؟
هند بصتله: ايه؟
اسامه: مشكلتى انى بحبك... انا مش بحبك بس انا وصلت لمرحلة الهوس....انا مهووس بيكى يا هند
هند باستغراب: وايه المشكله فى ده؟
اسامه: ما علشان مهووس بيكى بعديلك غلطاتك وانا مغمض وده يخليكى تسوقى فيها....
هند احاسيسها متلخبطة مش عارفه تفرح ولا تزعل ولا ايه بالظبط
هند: انا اعتذرتلك وكم.........
اسامه حط ايده على بقها: ارجوكى يا هند مش وقته كلام.... بس يارب يكون كلامى اثر فيكى وميبقاش زى قلته...
مشى شوية فهند وقفته: قصدك ايه؟
اسامه: قصدى ان مش كل حاجة بده ( شاور على قلبها) حاولى تفكرى فى الحاجه اللى انتى هتعمليها قبل ما تعمليها.... لان بسبب ده ( شاور على قلبها تانى) انا ببات بره البيت كل يوم... هند ارجوكى حاولى توفقى بين قلبك وعقلك لأن لو شغلتى واحد بس فيهم هتغرقى وهتغرقى كل اللى حواليكى..... اتمنى تفكرى فى الكلام اللى قولتهولك...( مشى شوية) بده ( شاور على دماغها) مش بده ( شاور على قلبها)

اسامه دخل نام وهى قعدت تفكر فى الكلام اللى هو قاله هى فعلا غبية... والاهم من انها غبيه هو انها هوائية جدا....
الكلام اثر فيها جدا... ولأنها مش عايزه تخسر حبيبها قررت تشتغل على نفسها وتعدل فيها بس ده طبعا هيحتاج وقت....

الصبح اسامه صحى وراح الشركة ( هند اديتله شركة من شركاتها علشان يديرها) ورجع البيت منهك جدا ودخل خد شاور سخن ريحله اعصابه شوية واتمنى فعلا تكون هند اتعلمت وقدرت تتحكم فى هواءيتها دى..... لأنها كل ما تلاقى فرصة تقدر تمشى بيها اسامه من البيت مبتضيعهاش ابدا....
المهم خلص الشاور بتاعه وطلع كانوا العصر تقريبا هند اعتذرتله مره تانيه على غبائها وهو خلاص مبقتش فارقه معاه تتأسف او لا لأن مهما تغلط مش هيقدر يفضل مخاصمها لان بمعنى اصح هوسه بيها عاميه....

المهم دقيقتين بالظبط..... والباب خبط اسامه راح فتح وكان عارى الصدر ورابط فوطه على وسطه واتفاجئ بهيام.... هيام اول لما شافته وشها احمر وبصت الناحيه التانيه لحد ما اسامه دخل... بس منكرش انها كانت معجبة بيه جدا...

هند جت ودخلت هيام
هيام: جوزك ماله؟
هند: ماله؟
هيام بخبث: مز كده ليه؟؟؟
هند زعقت: احترمى نفسك والا وربنا اكون قاطعة علاقتى بيكى حالا
هيام ضحكت على منظرها ووشها الى كان بيغلى مش هقولكوا بقى... نار الغيرة......
ما علينا هند قالت: والله لوريك يا اسامه
هيام: يا بت في ايه هو الراجل كان يعرف مين اللى ع الباب؟
هند: انتى هبلة يا هيام... هو حد يفتح الباب بالمنظر ده ايا كان اللى بره؟
هيام: والله عندك حق بس ما علينا اتخانقوا بعدين... كنت جايالك فى موضوع مهم...
( حكتلها الموضوع بس مش مهم فهنعديه)

هيام خلصت ومشيت وهند داخله تعاتب اسامه....
اسامه: اه قولى بقى انك جايه تزعقيلى والكلام الفارغ ده... وده معناه انك مفكرتيش فى كلامى....
هند: علفكرة انا مكلمتش انت اللى قررت ان انا جايه ازعقلك
اسامه: والنبى ما تحاولى تنكرى علشان شكلك اهبل... يابت ده انا عارفك اكتر منك...
هند: طب وسع بقى علشان عايزه انام
اسامه كان لسه هيمسكها استخبت تحت الغطى
اسامه بلغة الفلاحين: قسما بالله لننزل تحت الغطى معاكى
ونزل وراها وحصل اللى حصل 😜🙈

♡♡♡♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡

...فوت...

...كومنت...

...شير...