اسامه: الو
شريف: ايوه يا اسامه بقولك
اسامه: اتكلم
شريف: كنت عايزك تيجى معايا بكره وانا بطلب ايد هيام
اسامه: انت لسه هتطلب ده انا اخوك يلا... خلاص قشطه
شريف: والله ما فى اجدع منك يا صاحبى...اشوفك بكره سلام
اسامه: بالسلامه
شريف قفل الخط وفجأة حس ان هو عايز يتنطط ويفرح ويزقطط ويهيص ويزغرط ويعمل كل حاجة هو محروم منها من ايام طفولته...
للعلم ان طفولة شريف كانت قاسية جدا...
وفعلا شريف قعد يتنطط ويضحك لحد ما تعب...
فى اليوم التانى دانييل كلم اسامه
دانييل: اسامه اظن انك سمعت انا قولت ايه لامك
اسامه: سمعت
دانييل: وبعدين
اسامه: دانييل معلش مش سامعك كويس الشبكة زى الزفت... توت توت توت توت
اسامه قفل الخط وقعد يضحك
دانييل: ماله ده؟
اسامه بيحاول يتفادى دانييل وبيختلق اى عذر علشان ميكلموش او ميبقوش لوحدهم بس اكيد لانه مش عايزه يتجوز امه... ده لأنه عامله مفاجأة هنعرفها فى الآخر
اسامه كلم شريف
اسامه: كنت عايز اخد رأيك في حاجه؟
شريف: سامعك
اسامه: بص يا سيدى ايه رأيك لو ★★★★★★★★★★★★★
شريف: فكرة.... مش بطالة...والله عجبنى تفكيرك
اسامه: قشطه جهز انت بس مراتك ورسيها ع الحوار وانا هظبط الدنيا
شريف: تمام
شريف قفل وكلم هيام
شريف: انتى عرفتى الحجة ان احنا هنتجوز علطول.... البيت جاهز وكل حاجة تمام... وانا وانتى نعرف بعض عز المعرفة يعنى مفيش اى داعى للخطوبة
هيام: والله يا شريف بحاول افتح معاها الموضوع بس هى بتقفلنى
شريف: معلش استحملي بس لازم تكون عارفه انهارده قبل بكره
هيام: خلاص هحاول
شريف: بقولك كنت عايز اشوفك انهارده لو تقدرى تيجى دلوقتى
هيام: هقول ماما ايه يا شريف؟
شريف: اى حاجة ياستى المهم تجيلى حالا
هيام: ماشى سلام
شريف: سلام
شوية وهيام وصلت وشريف فتحلها
شريف ضحك: قولتلها ايه يا موكوسة؟
هيام: مش مهم فكك
شريف قعد يضحك بكل صوته
هيام: شرييييييف اخلص عايزنى ف ايه؟
شريف: اه صح... اسامه كان عارض عليا فكرة كده وقالى اخد رأيك فيها الصراحة عجبتنى
هيام: قول
شريف: اللى هيحصل هو ★★★★★★★★★★★★★★★★
هيام: وربنا حلوه
شريف: هيا ايه؟
هيام: الفكره يا شريف فى ايه؟
شريف: اه بحسب
هيام قعدت تضحك وبعد كده استأذنت وروحت...
فى اليوم التانى اسامه جهز وراح خد شريف وراحوا يطلبوا ايد هيام
مامتها فتحتلهم واستقبلتهم احسن استقبال وقعدت تتكلم معاهم
روفيدة: اهلا اهلا نورتونا
شريف: بنورك يا طنط
اسامه: ندخل فى الموضوع؟
روفيدة: ياريت يابنى
اسامه: تمام.... احنا جايين نطلب ايد الآنسة هيام لاخو مراتى شريف... واوعدك مش هتلاقى احسن منه لبنت حضرتك
روفيدة: انت بتشتغل ايه يا ابنى... هيام بنتى قالتلى ان انتوا عارفين بعض كويس
شريف:اولا انا عندى شركة عربيات واه نعرف بعض كويس لأن هيام تبقى صديقة اختى...
اسامه: نقرا الفاتحه بقى
قرأوا الفتح وشريف مبسوط جدا وروحوا... اسامه خد شريف بيته علشان يقول لأخته ووصلوا وهند فتحتلهم الباب.....
شريف ضم هند جامد
هند: استنى بس قولى عملتوا ايه؟
شريف: وربنا ماشوفت اجدع من الراجل ده ( وشاور على اسامه)
هند: ولا انا
اسامه ضحك وضم هند وريماندا جت وعرفت الموضوع وزغرطت
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
