اسامه صحى الصبح وراح للمكان اللى اتفقوا عليه هو والمخرج
واتفقوا انهم يعملوا حفلة صغيرة بمناسبة نجاح اول فيلم لاسامه وقاله ان هيبقى في صحفين كتير اوى فى الحفلة والاسئلة هتنزل عليه زى الرز واسامه رحب بالفكرة جدا وبعدها روح بس ملقاش هند قعد يدور عليها ولقى ورقة على التربيزه فتحها وكان ده نص الرساله:
حبيبى انا نزلت الشركة.... كنت مستنياك علشان اقولك بس انت اتأخرت وياريت اول ما تشوف الرسالة دى تتصل بيا وتقولى ايه اللى حصل اوكى بيبى سى يو
اسامه فعلا اتصل بيها
هند: ايوه يا حبيبى عملت ايه؟
اسامه: مفيش اتفق معايا على حفلة صغيرة بالليل...
هند: اه تمام.. اكيد هتاخدنى معاك
اسامه: ده انتى عنصر اساسى ياحبيبتي
هند: اه عارفه
اسامه ضحك وهند ضحكت معاه وبعد كده قفل الخط وقرر ينام لحد معاد الحفلة...
ريماندا مع الأيام حالتها بتتحسن اكتر وايڤا مبتفارقهاش وبتنفذلها كل طلباتها وفى يوم
ريماندا: ايڤا
ايڤا: نعم يا ماما
ريماندا: ايه رأيك نرجع جورجيا
ايڤا: ايه اللى انتى بتقوليه ده؟
ريماندا: انا آسفه يابنتى بس انا فعلا عايزه ارجع انا مش مرتاحة هنا
ايڤا: طب واسامه يا ماما ده احنا مصدقنا لاقيناه
ريماندا: يا بنتى انا عرفت انه متجوز قريب وان هم فى شهر العسل مينفعش دلوقتى يا بنتى واكيد هنرجع تانى
ايڤا: اللى تشوفيه يا ماما
فعلا ريماندا رتبت لسفرهم وحجزت التذاكر وسافروا...
هند رجعت من الشغل ولقت جوزها نايم فقربت منه وباسته على خده وفجأة حست بحاجة غريبة وراحت ترجع ونامت هيا كمان... وبعد تلات ساعات صحيوا على صوت المنبه وهند قامت تحضر الغداء واسامه بدأ يرتب للحفلة... طبعا دى اول مره ليه وهو متوتر جدا
هند: متقلقش يا حبيبى ان شاء الله كله هيبقى كويس... ادعى بس انت وبإذن الله اليوم هيعدى زى مانت عايز وزيادة قول يارب
اسامه بهزار: يارب ياختي يارب
هند ضحكت: مش كده
اسامه حط ايده على بطنها: حبيب بابا الصغير عامل ايه؟
هند: تاعبنى والله ياخويا
اسامه ضحك وهند قالتله ان الغدا جاهز وفعلا اتغدوا وخلصوا ولبسوا طبعا لازم اوصفلكم اشكالهم علشان كانوا زى القمر...
اولا اسامه.... كالعادة هو كان لابس بدلة سودة وقميص ابيض وكوتشى لانه مبيحبش الجزم وظبط شعره وكان آخر جنتله....
اما هند بقى واللى تألقت فى اليوم ده... فكانت لابسه فستان دهبى باكمام تول شفافه... ضيق من فوق وواسع من تحت... ومليان جليتر دهبى وطبعا كعب اسود رائع... و فردت شعرها مع ميكب خفيف جدا ( للعلم هند مش من الناس اللى بتحب الميكب هى جميلة من غير حاجة)
المهم جهزوا وفعلا ركبوا عربيه فخمة وراحو الحفلة... اسامه نزل من العربية وفتح الباب بتاع هند ومسك ايديها ونزلها وطبعا مقدرش اوصفلكم كمية الكاميرات والاضواء اللى كانت حواليهم.... واول ما مشيو فى الطرقة اللى مليانه ورد احمر سيل من الاسئلة من اليمين ومن الشمال... هند كانت متوترة جدا...
واسامه لاحظ ان لما حد بيسألة سؤال وهو بيبقى على وشك انه يجاوب عليه الا ان هند بتسبقه وبتجاوب على كل الاسئلة بطريقة غير مباشرة وبتحاول تلم الموضوع وتمنع الاسئلة ومش مدياله فرصة يتكلم ابدا...
طبعا اسامه اتضايق جدا بس محبش يتكلم....
قابلوا المخرج وسلموا عليه ومضوا مع بعض الشيك واسامه استلمه وقعدوا شوية فى الحفلة وشربوا وروحوا....
♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡♡♡♡
... فوت...
... كومنت...
... شير...
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
