ريماندا كلفت ايڤا بإنها تدور عليه فى كل مكان ولو لقته تتصل بيها فورا وايڤا نفذت وراحت تدور عليه فى كل مكان وقلبت عليه الدنيا بس ملهوش اى اثر فى البلد
ورجعت لامها بعد ٦ ساعات
ريماندا: يعنى ايه ملقيتيهوش
ايڤا: يا ماما انا مسبتش خرم ابره مدورتش فيه... فص ملح وداب
ريماندا زعقت: يعنى ايه؟؟ يعنى انا مكتوبلى الاقيه ومشفهوش ويختفى تانى؟
ايڤا: بجد انا آسفة بس مفيش حاجة بايدينا
وفجأة تليفون ريماندا رن
ريماندا: الو..
بعد جواز اسامه وهند قرروا يعدوا كام شهر هنا قبل شهر العسل وفعلا قضوا خمس شهور فى مصر
اسامه: تحبى تقضى شهر عسلك فين يا قمر...
هند: ايه رأيك نروح اميريكا
اسامه: انتى عايزه تروحى
هند بطفولة: اه
اسامه ضحك: خلاص قشطه
قد ايه بيحب برائتها وضحكتها وطفولتها وكل حاجة فيها؟... قد ايه بيعشق عنيها ونظرتها البريئة ليه؟
اسامه حجز تذكرتين لاول طيارة لاميريكا وهو مروح لقى نفسه لف الدريكسيون ووقف قدام مول...
بعد شوية رجع البيت وكان عامل مفاجأة لحبيبته... دخل لقاها قاعدة على السرير بتقرأ كتاب فقعد جمبها
اسامه: بتقرأى ايه؟
هند: ملكش دعوة
حاول يشد منها الكتاب وهى بتزقه وقعدوا يلعبوا ويضحكوا...
اسامه: انا عاملك مفاجأة
هند: ايه هى؟
اسامه: ميبقاش اسمها مفاجأة
هند: اممممممم.... علفكره
اسامه: ايه
هند: انا كمان عملالك مفاجأة
اسامه: بجد... بصرة
ضربوا كفهم وقعدوا يضحكوا.... اسامه حضنها حضن خرج فيه كل مشاعره حبه وعشقه ليها ولبرائتها حضن فى كل معانى الحب... اه لو فى كلمات اكبر من كلمات الحب!
اسامه راح بليل مشوار ورجع خبط على الباب وفتحتله هند وملحقش يشوفها لانها حطت ايدها على عنيه ودخلته وهو مش فاهم حاجة...
اسامه: هو فيه ايه
هند: الصبر
دخلته وشالت ايديها وهو اتفاجئ بالصالة اللى مليانة شموع وورد ولما بص وراه لقى مراته وحبيبته وعشيقته لابسه فستان احمر جننه اكتر ما هو مجنون
كانت زى القمر احلى حاجة في حياته.... وفى آخر الصالة طربيزه صغيرة جميله اوى وكرسين... التربيزه عليها ورود وشمعتين واكل كتير وكاسين...
بص لمراته بابتسامه وهى مسكت ايده وراحوا على التربيزه وقعدوا وكل واحد بيأكل التانى ومبسوطين جدا....
وبعد ما خلصوا اكل
اسامه: اوريكى انا مفاجئتى
هزت راسها بنعم بابتسامه
واسامه نزل جاب حاجة من عربيته وادهالها.... كانت شنطة سفر لونها كاشمير شكلها تحفه عجبت هند جدا
هند: واووو
اسامه ابتسم: افتحيها
هند بصتله وفتحتها واتفاجئت جدا
الشنطة مليانه فساتين جديدة تحفه من احدث صيحات الموضه
هند: زوقك جاحد
وهى بتقلب فى الهدوم لقت علبة صغيرة فتحتها وكان جواها ايفون 11 برو ماكس..
هند اتنططت من الفرحه ونطت فى حضن اسامه
هند: علفكرة بقى مش هى دى مفاجئتى
اسامه استغرب
هند: انا حامل
♡♡♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡♡
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
