اخدها ودخلوا جوه وهو دخل اخد دوش وطلع لقى هند ماسكه تليفونه ومصدومة....
اسامه بقلق: فيه ايه؟
شاورت على التليفون: ايه ده يا اسامه؟
اسامه راح ومسك تليفونه ولقى رسالة من سليم النعمانى وده نص الرسالة:
حمد لله على سلامة الغالى.... احب اقولك انك جيت فى وقتك استعد للانتقام
هند كانت هتعيط: ايه ده؟
اسامه: حبيبتى متقلقيش ( ضمها) مفيش حاجة ده راجل مجنون... سيبك منه
هند: انا خايفه اوى
اسامه: ايه ياهند... هنتهز احنا من كلمتين فى رسالة؟
هند: اه
اسامه: عييب...هنتهز؟
هند: لا يا اسامه مش هنتهز....
اسامه ضحك وهى ضحكت وراه وضمته بقوة
هند: اسامه فيه حاجة لازم تعرفها
اسامه: سامعك
وفجأة الباب خبط
اسامه راح فتح وكان شريف
شريف: اهلا بالعصافير... عاملين ايه؟
اسامه: انت عارف ان انت فصيل
شريف بهزار: ليه بس كده يا اسامه....ازعل منك
اسامه ضحك على منظره ودخله
اسامه: جاى ليه يا فصيل؟
شريف: لا بقولك ايه ده بيت اختى وانا آجى وقت ما احب
اسامه: عارفها؟
شريف: هى مين؟
اسامه: ام ترتر
شريف ضحك جدا واسامه ضحك معاه
شريف: ياهند...يادودو....يادندن
اسامه: ايه كل ده اهدى شوية
هند جت: خير يا شوشو
اسامه بص لشريف وانفجر من ضحك
شريف بيجز على سنانه: كان لازم يعنى شوشو دى قدام جوزك
هند كمان ضحكت وشريف ضحك معاهم...
شريف: بس ضحك بقى... انا كنت جاى اخد رأيكم فى موضوع مهم
هند: اتكلم
شريف: انا بإذن الله كده قررت اكمل نص دينى
هند فرحت اوى: والله.... فى حد معين
شريف: يعنى
هند: مين مين مين مين مين مين؟
اسامه: اهدى يا بنتى الله يا اما تخشى جوه
هند ضحكت: لا خلاص هسكت ( وحطت ايدها على بقها بحركة طفوليه)
اسامه بصلها وابتسم من كمية الرقه والبراءة اللى فيها....
شريف: اسامه... يا اسامه....( زعق) اساااااااامه
اسامه فاق من توهانه وضياعه فى بحور ابتسامة هند
اسامه: مش قولتلك فصيل
شريف: انت محسسنى ان انت مش عايش معاها فى بيت واحد..... مش وقته
اسامه جز على سنانه
هند مش فاهمه حاجه: انتوا بتكلموا فى ايه؟
اسامه: لا ولا حاجة يا حبيبتى....كنت جاى ليه يا شريف؟
شريف ضحك على اسامه
شريف: امال صح فين الواد منصور
هند: منصور نايم
اسامه: على حظك
هند: بطلوا تتخانقوا بقى مقولتليش برضه مين اللى فى بالك.... واحدة نعرفها؟
شريف: عز المعرفة
هند: مين؟
شريف: عايزه الصراحه؟
اسامه: ما انت يا تقول يا تمشى هو حل من الاتنين
شريف ضحك: خلاص ياعم هقول.... الصراحه كده......هيام
هند حطت ايدها على بقها: بجد ( وقفت على الكنبه) قول والله
اسامه: انزلى يا هبلة انزلى
هند نزلت
اسامه: اختيار موفق
هند: استنى بس انت وهو.... هيام عارفه؟
شريف: يعنى لمحتلها... المهم انتى ايه رأيك؟
هند فضلت شوية ساكتة وتعابير وشها سابتة لا فرح ولا زعل وشريف كان خلاص هيفقد الامل بس هى ضحكت: متقلقش انا هظبتهالك
شريف صوت من كتر الفرحة ومسك ايد هند وبيتنططوا واسامه واقف باصص عليهم ومبتسم...
اسامه بيستفز شريف: وهى هتلاقى احسن من شوشو فين؟
هند ضحكت اوى وشريف باصصلها بنظرة غضب وهى ميته على نفسها من الضحك واسامه بدأ يضحك
شريف: ماااااااشى يا جوز اختى.....ماااااشى يا غالية
وهم بيضحكوا...
شريف ضحك معاهم واستأذنهم ومشى....
هند بقى كانت هتموت من الفرحة وجريت تتصل بهيام...
♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡♡♡♡
...فوت...
...كومنت...
...شير...
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
