اسامه رجع بيته تعبان جدا ومش قادر ياخد نفسه... ولما خبط فتحتله هند وكانت لابسه بيجاما ومسيبة شعرها الأسود الطويل..... فدخل الأوضة ومنطقش ولا كلمة وغير هدومه وعلى استعداد تام للنوم لكن هند جت ومديتلوش فرصة
هند: حبيبى انا آسفة.....ارجوك سامحنى.... انا كنت خايفه عليك مش اكتر...
اسامه: محصلش حاجة ( واخدها فى حضنه) ممكن تسيبينى انام بقى...
هند: بس انت كنت فين امبارح؟
اسامه: اه بدأنا تانى...ياهند يا حبيبتى ابوس ايدك خلينى اريح انا مش قادر اتكلم...
هند ضحكت وطلعت وقفلت الباب عليه وفى خلال لحظات هند دخلت عليه بتصرخ
اسامه بفزع: في ايه؟
هند بعياط: بابا يا اسامه... بابا تعبان اوى وهو فى المستشفى ( خبت راسها فى ايدها)
اسامه قام وضمها.... ولبس بسرعة وهى لبست وجريوا على المستشفى وهناك لقوا شريف قاعد قدام الاوضة وبيعيط واول ماهند شافته جريت عليه ومسكت ايده وقعدت فى الأرض
هند: فى ايه يا شريف؟
شريف مردش ومستمر ف العياط وهند بدأت تستوعب ونزلت اول دمعة
هند زعقت: شريف قولى فى ايه؟
هنا شريف رفع راسه من الأرض وبص لهند وقال بعياط شديد: اتأخرتى اوى هند فهمت واسامه فهم وهند بدأت تعيط ودموعها غرقت هدومها وبعد كده قامت وجريت زى المجنونة ودخلت لابوها اللى كانه مغطيين وشه وزعقت بصوت زلزل المكان: لااااااااااااااااااااااااااا
وصوت عياطها مالى المستشفى كلها
اسامه عاجز عن فعل اى شئ واقف وبس... اشك انه بيشوف او بيسمع دلوقتى...
اسامه مكانش متعلق بحماه قد كده... علشان كده وفاته مفرقتش معاه قد ما فرقت معاه حاله هند فى اللحظة دى....
هو عارف انها هتعيش ايام وجع بس الوجع بالنسباله كان اكبر وهو شايفها موجوعة.... هو مبيقدرش يستحمل دمعة تنزل من عنيها...
ما بالكم بشلال......
طبعا ريماندا رجعت جورجيا هى وبنتها وريماندا كانت كويسه جدا....
ودانييل كعادته بيحاول يعكنن عليها بس هى مستحملاه...
واضح جدا ان دانييل بيموت فيها بس هى مش شايفاه.... هى شايفاه انسان او بلاش نقول انسان هى شايفاه كائن مبيحبش غير انه يكره الناس فى عشيتهم وبس...
شريف كمان انهار عصبيا لأنه جاى من كام شهر وملحقش يشبع من اهله.... بس اهو....
اسامه بيحاول يهدى هند: هند...انا عارف ان انتى مضايقه.... ده اكيد.. بس دى اقدار وكله ربنا هيفتكره اكيد واكيد هى فترة حزن وانا مبقلكيش متزعليش بس هتعدى.... لازم تكونى عارفه ان ربنا كاتب حياتنا قبل ما نشوفها..... وكل حاجة هتحصل ف اوانها
هند بعياط: انا عارفه كويس اللى انت بتقوله بس ده مش هيغير حاجه يا اسامه ده ابويا وانا مش متقبلة فكرة انى اعيش من غيره
اسامه: بس هتتقبلى عاجلا ام آجلا
هند اتنفضت: انت عايزنى اعمل ايه؟ اقوم اتحزم وارقص ولا اقوم اروح كباريه؟ ولا اتصل بصحابى واقولهم يالا نخرج ونلعب ونهيص ونضحك ونعمل ما بدالنا؟
اسامه: هند انا مش قص....
قاطعته: ارجوك يا اسامه سيبنى لوحدى.... انا مش ناقصه كلامك ده
اسامه انسحب من غير ما ينطق وطلع بره الڤيلا كلها وكعادته لما بيتضايق بيروح يقعد على البحر.... البحر هو صديقه الوحيد فى الأوقات دى على الأقل البحر هيسمعه.....
♡♡♡♡♡♡♡♡ يتبع ♡♡♡♡♡♡♡♡♡♡♡♡♡♡♡♡♡♡♡
... فوت...
... كومنت...
... شير...
أنت تقرأ
فرق طبقات الجزء الثاني
Science Fictionمن منا لم يخطئ، كل بنى آدم خطاء بس المهم نتعلم من غلطنا ونسامح بعض مش يمكن ظالمين؟!!
