طريقنا نحو الجنة

البسوا واسع

*النصيحه ليا قبل ما تكون ليكوا انا مش كامله وبغلط وبرجع لربنا وارتكب ذنوب واستغفر عنها لسه موصلتش لدرجه الالتزام الكامل لكن بجاهد نفسي وقررت انسي حياتي اللي فاتت وابدا حياه جديده كل هدفي فيها ربناورضا ربنا*
امابعد
البسوا واسع يابنات😌💙

بنات كتير نفسها تاخد خطوة وتلبس واسع وطويل لكن بتخاف وبتحتاج اللي حواليها يشجعوها ...💜!

بس إحنا ف الحقيقة مش محتاجين تشجيع لإن اللبس الواسع زي الصلاة بالظبط ربنا فرض علينا خمس صلوات ف اليوم وفرض علينا كمان إننا نلبس واسع لأن ربنا سبحانه وتعالىٰ قال في سورة النور:
"وليضربن بخُمرهن علىٰ جيوبهن" 💙

لازم نكون فخورين إننا مسلمين ونلبس اللي يظهر ويميز إسلامنا نلبس لبس أهل الجنة
تفتكري بنات الرسول وزوجاته كانوا بيلبسوا بناطيل ولبس ضيق ف الشارع وهما خارجين؟؟

يكفي إنك لما تلبسي واسع إن شاء الله هتمشي ف الشارع هتحسي إنك مميزة ف وسط مليون بنت لابسه ضيق ومتزينه وملفتة واللي مبينه شعرها وانتِ اللهم بارِك ماشية واثقة فى نفسك ومتاكده إن ربنا راضى عنك مايهمكيش نظرات إعجاب الشباب هيهمك رضا الله عنك..💜⁦♥️⁩

كوني مختلفة كوني غريبة ..فطوبىٰ للغُربَاء💜

وطبعًا هتقابلي كلام يحبطك زي إيه دا الطرحة الطويلة أو الخمار أو النقاب أو اللبس الواسع مكبرك أوي 😂! فا انتِ تردي بكل ثقة تقوليلها اها مخليني كبيرة لكن عند ربنا والحمد لله 😌🖤
وهتقابلي كلام يشجعك هتلاقي بنات كتير اخدتك قُدوة وهتقلدك وهذا لو تعلمين له أجر عظيم بإذن الله🌍⁦♥️⁩

هتقابلي ربنا لوحدك مش بكلام الناس محدش هيفيدك يوم القيامة ولا هينجيكي غير ربنا اللي هيرضي عنك بإذن الله🖤⁦♥️⁩

- خدي الخطوة ومتخافيش، رمضان قرب ودي فرصة كبيره جدًا للتغيير؛ متضيعهاش 🌸

- الفساتين بتخلي البنات ملكات جمال البسوا فساتين وانسوا البناطيل خالص😌💜

- وحققى مواصفات الحجاب الشرعى أما تلبسى واسع يعنى مش تبقى لابسه فستان بس ضيق مثلا .. لازم تحققى كل مواصفات الحجاب الشرعى 🌸💜

ها .. هتاخدى القرار أمتى وتلبسى واسع .. مستنية إيه .. محدش ضامن عمرة ممكن فى لحظة كل الدنيا دى تنتهى ساعتها مفيش رجوع ...💔
البسى واسع عشان الجنة وكل متوسعى أكتر درجتك فى الجنة تزيد 🌻⁦♥️⁩

- أنتِ قُدوة ياملكة🌸.

- لو خلصتى قولي"اللهم ارزقنى الحجاب حقاً"⁦♥️⁩🌸

*ادعولي كتير بحسن الختام*