طريقنا نحو الجنة

الأغاني 4

احنا 3 انواع ..

النوع الأول .. عارفين ان الأغاني حرام .. وبيجاهدوا نفسهم💚 .
النوع الثاني .. عارفين ان الأغاني حرام .. بس الشيطان غالبهم .
النوع الثالث بقي .. دول اللي مش مقتنعين انها حرام اصلاً 😂💔 !!
طيب..
الأغاني دي .. متقسمة لحاجتين ..
"موسيقي" و " كلمات "🌸 .

الموسيقي دي حرام .. قولاً واحداً لا فِصال فيه!!
طب ليه ؟! اقنعيني هي ليه حرام ؟!
عيوني .. اقنعك هي ليه حرام .. ^^ 💚

- لمّا بتسمع الأغاني .. أو حتي الموسيقي وأنت في وقت فراغ كده ، اللي هو اصلاً وقت خلوة مع نفسك .. او بمعني أوصّح تكون خلوة مع الله 💔

محدش بينظرلك في الوقت ده غير الله ..
تقوم انت مطلع الفون بتاعك .. وتجيب موسيقي او أغاني
الناس النكديه هيجيبوا أغاني حزينه وتقعد تعيط وأنتى تقعدى تعيطى وتتشحتفي .. 😂💔
لييه يابنى كده ليه يا بنتى كده 😂💚.

و الناس الفرفوشة بقي.. هيجيبوا اغاني فرفوشة زيهم عشان يفرفشوا 😂💔

طيب نتكلم جد بقي 😌💚.

وأنت بتسمعها وأنتى بتتشحتفي من العياط او بتفرفشي.

مش هتكلم عن إنك لَم تستحي من الله .. و هو شايفك .. و استهونت انه ناظر إليك :"")
بس هتكلم بعد ماسمعتها .. ارتحت ؟!
شيطانك هِدي خلاص ؟!
ياتري وانت بتسمع كان عداد الحسنات
ولا السيئات هو اللي شغال ؟!
المصيبة إنك عارفة أنه عداد السيئات هو اللي شغال .. 💔
طيب بلاش دي
تفتكري ربنا بيحب الأغاني ؟!
أو حتي الموسيقي ؟!
إنتي بتحبي ربنا مش كده ؟!
لما بنحّب حد بنعمل اللي بيحبه وبنتجنَب نعمل الحاجة اللي تضايقه او تزعله علشان فعلًا بنحبه
مهو حب ربنا مش كلام يا طيبة :")) 💙
بتحبيه يبقي حِبي أوامره وطاعته .. 💚

الموسيقي والاغاني .. بيُلهيكِ عن عبادة ربنا ..
و ده اللي الشيطان عايزه .. مش اللي ربنا عايزه ..

معقولة بعد كل ده تبقي بتطيع الشيطان ؟!! 💔
عارف الشيطان اللي سمعت كلامه لحظة شوقك للمعصية ده هيقول لربنا ايه عنك ؟!
هيقوله " ربنا ما أطغَيتُه وَ لكنه كانَ في ضَلالٍ بعيد " 💔
يا الله !! 💔
يعني هيتبري مني وهو كل مصايبي كانت من وسوسته :"))
ساعتها ربنا هيقول ايه " لا تختصموا لَدّيّ وَ قد قدَّمتُ إليكم بالوَعيد "
يعني خلاص.. جاية تتخانق وتجادل مع الشيطان دلوقتي ؟!!
ما كان في ايدك تجاهد نفسك في الدنيا
" ما يُبّدّل القولُ لديّ وَ ما أنا بِظلامٍ للعبيد " 💔

ربنا عز وجل مظلمناش .. وحاشاااه ان يظلمنا ..
احنا اللي ظلمنا نفسنا بحزننا و انتصار شهواتنا علينا ..
يعني ..

1 - الاغاني بتصرف قلبك عن الطاعة .. وبتخليها تقيله عليكِ ..
هاتلى واحدة بتسمع أغاني و بتصلى الخمس فروض في أوقاتها ، او لسانها دائم علي ذكر الله ؟!!
مستحييل ..

2- فيها فتنة ..
البنت عموماً عاطفتها قوية .. بتتأثر بصوت الأخ اللي بيغني ده و شكله وصوره يعني مش هننسي أيام تامر حسني واللي البنات كانت بتعمله وقتها 😒 !!

خلاص سودتها في وشوشنا 😂 .. هندخل النار يعني ؟!

- اولاً محدش فينا بيستهوّن بعذاب النار أعاذنا الله وَ اياكُم ..
ربنا أرحَم بينا من أُم برضيعها 💙.

ما هو كل يوم البحر والارض بيقولوا لربنا خلينا نطبِق عليهم انهم افسدوا في الارض !!

بس ربنا علشان رحيم بينا بيقولهم ..
" لو كُنتم خلقتموهم لرحمتموهم " 💚.

في الآيه " قُل يا عِباديّ الذين أسرفوا علي أنفسهم لا تقنطوا من رحمة الله ان الله يغفر الذنوب جميعاً "..
ربنا لسه بيقولنا ياعبادي :")) 💜
لسه رغم المعاصي والبلاوي اللي عملناها بيقولنا عبادي 💔!

معقوله يارب !! لسه بتنسبنا ليك رغم المعاصي وتقصيرنا في حقك!

عايزك تمشي بشعار في حياتك " أحبه إليكَ أحبّه إليّ " 💙

أي يارب ما تُحبه وترضاه، انا أحبه وَ ارضاه 🌸💚

قوم اتوضي وصلي ركعتين توبة وعيطله وقوله ساعدني ابطّل اغاني، انويها وانت بتقرأ
هو لو شاف صدق توبتك هيساعدك صدقنى^^