طريقنا نحو الجنة

انت كـ بنت.....!!

أنتِ كـ بِنت!
-صور الرجال عندك متنفعش نهائيًا!
تامرحُسني زي عمر دياب..زي الشيخ محمد حسين يعقوب ..زي المُقدّم..زي الشهداء!
وده عشان!👇
- احنا مُكلّفين بغض البصر :"))فالمفروض تغُضي بصرك وتساعدي البنات اللي حواليكِ علىٰ ده 😉

استني النقطة دي مخلصتش!
يندرج تحت ده صور أخوكِ وعمك وخالك ووالدك وزوجك ..آه ينفع تُطلقي بصرك معاهم 😄 لكن!صحابك لأ!😃

طب وخطيبك!🤔
ده بقى لا أنتِ ولا خالتك ولا طنط جارتكم ولا صاحبتك ينفع تشوفوه!😂👌
آه والله ..
مادام حدثت ألفة ورضىٰ في الرؤية الشرعية!😄
يبقىٰ بس خلاص علىٰ كدة 😂👌
تتقابلوا إن شاء الله في أول نظرة بعد العَقد 💙😂 🙊

طول ما أنتم في فترة الخِطبة ممنوع تُطلقي نظرك ..احفظي قلبك يا طيبة 💙🌸

- صور المنتقبة والمُلتحي الي عندك علىٰ صفحتك دول 🤔
عارفة أنهم مش بتوعك!بس دول بتوع بشر غيرك،وده برده علىٰ فكرة مينفعش تبصي عليه 😂
ومش عاوزة أصدمك وأقولك أنك مينفعش تشوفي المنظر ده وأنت سنجوله 😄

- أنتِ كـ بنت!
مينفعش تنزلي تقولي كلمات غير لائقة!زي الكلمات الي بنسمعها كتير ولا داعِ نهائيا أني أقولها 🐸
خلّي لسانك رَطِب بذكر الله 💙

- أنتِ كـ بنت!
مينفعش وأنت بتتكلمي في الشارع تعلّي صوتك!ومينفعش تترققي خالص عشان أصلًا البنات رقيقه بالفطرة 😃 فكفاية الله يباركلك الرّقة الربّانية الي فيكِ 😎 شبابنا مش ناقصين فِتن 😒
استرجلي كدة واتكلمي بخشونة -بس متنسيش أنك بنت!-

-أنتِ كـ بنت!
مينفعش مينفعش تدخلي علىٰ أكونت حد مشهور!وتشكري فيه وتتكلمي بقىٰ وتتكلمي وإيه مشبرقة الكومنت إيموشنات لڤلڤة 🐸😁

- أنتِ كـ بنت!
مينفعش نهائيًا تشتركي في اتحاد ٱلكلية ما دُمتِ عارفة أنه ولاد وأنه كلّه اختلاط!😅

- أنتِ كـ بنت!
مينفعش تبقِي في المواصلات وتفضلي طول الطريق بتتكلمي مع عطيّات صاحبتك وتحكي قصة حياتك ويومك وليلك!وجنبك شاب!يتفتن بجمال حكاويكِ وصوتك الناعم الرقيق!😒🐸(يجي يشوفك وأنت هتبلعي أخوكِ عشان الشيكولاتة الي أكلها)🌚

-أنتِ كـ بنت!
مينفعش أبدًا تتكلمي عن أخواتك الولاد وخطيبك أو زوجك!
قدام صحابك!عشان القلوب ضعيفة وممكن صاحبتك تتعلق قدامك من كلامك!😀

- أنتِ كـ زوجة!
مينفعش تقعدي تحكي لزوجك عن صاحبتك المثالية وأنها ملتزمة بقى و..و...و...!
معلش يعني بس هيبقى مركز معاكِ أوي وهيبدأ يقارن بينكم!🐸

- أنتِ كـ بنت!
مينفعش أبدًا تحكي عن رقّة وحلاوة صاحبتك توتو وسوسو ولولو قدام أخوكِ الأعزب يا عيني الي عايش مع كائن ذُكوري في البيت!😂🐸
عشان هيقع في دباديبها ويتفتن وسنتكم هتبقىٰ لبن 😒

- أنتِ كـ بنت!
مينفعش أبدًا شاب يناولك الأُجرة في المواصلات وتاخديها منه ويلمس إيدك!لأ افتحي إيدك وقوليله سيب لو سمحت!😒

- أنتِ كـ بنت!
لازم تحافظي ع نفسك يا قمر ⁦♥️⁩😌