طريقنا نحو الجنة

المجاهرة بالذنب مش شيء هين

المجاهرة بالذنب مش شئ هيّن .. اللي هو
- مش كفاية اني بسمع أغاني .. لا دا أنا بشيّرها
- مش كفاية إني مش بغض بصري .. لا دا أنا بشير صور بنات أو شباب
- مش كفاية إني بقرأ الأبراج .. لا دا أنا بشيرها
- مش كفاية إني بكلم بنات / شباب .. لا دا أنا بنزل بوستات أحب فيهم في العلن ، وهكذا
الموضوع مش بسيط ..
عايز بس اللي بيعمل كده يركز في السطرين دول
حديث رسول الله عليه الصلاة والسلام حين قال : '' كل أمتي معافى إلا المجاهرين ... '' 💔
اللي هو اتخيل كده انك يوم القيامة خلاص ربنا هيعفو عنك وهيدخلك الجنة وفرحان وفجأة تلاقي نفسك اتحرمت من العفو دا .. ليه عشان مش مجرد انك عصيته لا .. دا انت كمان جاهرت بالمعصية ولا كأن فيه ذرة احساس بالندم عليها...
الآية اللي ربنا قال فيها '' وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ ''
كل واحد شاف البوست بتاعك عن الاغنيه الجميلة فراح سمعها أو البنت اللي صورتها تهبل فما غضش بصره وهكذا وهكذا .. كل دا في ميزان سيئاتك 💔..!
يعني يا جماعة هو الواحد قادر علي ذنوبه لما هيقدر علي ذنوب غيره؟
*انشروا قرآن وحاجات تخدوا من وراها حسنات🖤*