طريقنا نحو الجنة

التعامل بين الرجل والمرأة

⛵ سلسلة اركب معنا ⛵

🌅 إصلاحات قبل شهر الرحمات 🌅

          🔅الحلقة الأخيرة 🔅

_ تنزل الكلية تلاقي شلة ولاد على بنات عمالين يلعبوا ويضحكوا ومقضينها كركر ومرمر 😱😏وتسألهم إنتوا ايه اللى بيربطكم ببعض يقولك عاتى احنا زمايل😯 ..

*تروح مكان شغل تلاقي غالبية الناس اللى بتشتغل فـ المكان شباب على بنات واخدين على بعض جداََ وتسأل طيب إزاى كده ؟! يقولك عاتى زمايل

*تلاقي برده البنت الفيس عندها مبدور شوباب وتسألها ليه كده يا #خالتى تقولك زمايل شغل زمايل دراسه او ناس عادى يعنى بحترمهم وبيعجبنى كلامهم😯 وتجرى على البوستات تلقى هئ ومئ وطبلة وشخليلة طيب ده كلام يا راجل يرضي مين ده..

👌شوفوا بقي خلاصة الكلام  التعامل بين الرجل والمرأة #ربنا وضع له إطار معين ونظام معين لازم نمشي عليه  مش معنى إن المجتمع بيبح حاجات وخلاها عادية إن ده الصح لآ الدنيا مش ماشية زى ما كل واحد فينا عاوز يمشيها إحنا كلنا ماشيين باللي ربنا #أمرنا بيه وبـــــس..

👈اللى ربنا أمرنا بيه إنه لا يجوز الكلام بين رجل وامرأة إلا #لحاجة يعنى ضرورة  يبقي قبل ما تتعاملوا ما بعض اسألوا نفسكم كده احنا زمايل دراسه هل في ضرورة نتكلم ولا لآ زى مثلاََ مشروع لازم ننفذه سوا أو حاجه بتحتمها علينا الدراسة ؟!
👈لو في ضرورة توكل على الله واقضي حاجتك ونفذ المطلوب منك وانجزززز مفيش ضرورة يبقى فكك واقفل على نفسك باب من أبواب الشيطان..

👈أنتوا زمايل شغل هل ليكم شغل بيجمعكم سوا ولا لآ ؟ لو في ضرورة قضي شغلك واتكلموا سوا في حدود الشغل وبس لا أكتر ولا أقل و #انجزززز برده..

👈قرايب !! نفس الموضوع يا معلم في حدود القرابة ومن خلال الاسرتين مع بعض وأنتى يا ست الكل مش جمعيه تعاونية هى وكل اللى يبعتلك ادد تقبليه -_- يابت خافي على نفسك الله يهديكي 😏

👈وأنت يا #عمونا حبيبك النبي صلى الله عليه وسلم قالها صراحة كده " مَا تَرَكْتُ بَعْدِي فِتْنَةً أَضَرَّ عَلَى أُمَّتِي مِنَ النِّسَاءِ عَلَى الرِّجَالِ..

👌خاف على نفسك واقفل أبواب الشيطان اللى منهم #الفيس  هتبتديها فـ الآول احنا زمايل عاتى وإحنا قرايب عاتى وإحنا محترمين مع بعض وبنتكلم بحدود عاتى لما قرفتنى ف عيشتى ب #عاتى بتاعتك دى😏
👈بس صدقنى دى بداية وخطوة من خطوات الشيطان قال الله تعالى : (يا أيها الذين آمنوا لا تتبعوا خطوات الشيطان، ومن يتبع خطوات الشيطان فإنه يأمر #بالفحشاء و #المنكر) .[ النور: 21].

😏شوفوا كنت هنسي  مفرقتش كتير يا برنس وانتى يا مزموزيل بين تليفون او شات كلــــــــه كلام هه 😢
👈ربنا لما قال : ( إن اتقيتن فلا #تخضعن بالقول فيطمع الذي في قلبه مرض وقلن قولا معروفا ) ده معناه أى كلام بأى طريقه بقي سواء سمع صوتك أو قرأ كلامك اخدالى بالك انتي
👈 يعنى يا بت فلان مش هينفع لما نقابل وجه كريم ولا انت يا عم فلانة هتنفعك :☺️ فوقوا الله يرضي عليكم.فوتكم بالعافية السلام عليكم ^_^

🌹ارجوا من الله ان تكون قلوبنا قد تطهرت قبل دخول رمضان لنستعد لاعظم موسم في العام كله..
وأسأل الله تعالي القبول..

🎁وانتظرونا في سلاسل جديدة ان شاء الله تعالي..
➖➖➖➖➖
#اركب_معنا
#حياتي_دعوة