_الأغاني💜_
صلي على النبي يا غالية🌸
تعالي الأول نشوف الأدلة اللي تثبت ان الأغاني حرام وبعدين بإذن الله هقولك تبعدي عنها ازاي💜
"وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ (6)" لقمان
ابن كثير وابن مسعود وكذة واحد فسروا الآية دي على انها خاصة بالغناء
وبالنسبة للي هيقولوا لأ ربنا مكانش بيتكلم هنا عن الغناء
طيب بالله عليكي هو اللي احنا بنسمعه فعلا فى كل مكان دا مش لهو حديث؟!
لما تسمعي مهرجان بيقولك الشيطان قمور دا مش لهو حديث؟!
بالمناسبة "كلمة الشيطان قمور دي للأسف سمعتها من اختي الصغيرة اللي عندها 8 سنين..بالصدفة قالتها قدامي فبقول لها ايه دا يا ملك مينفعش تقولي على الشيطان كدة..
لقيتها بتقول لي والله مش انا دي الأغنية..
"وانا كنت قايلة لها قبل كدة ان الأغاني حرام علشان لما تسمعها من حد متفضلش تغني وكدة لاني عارفة انها أكيد هتسمع أغاني من حد"..
فالمهم قولتلها شوفتي بقى يا ملك ان الأغاني فعلا حرام..
هو ينفع نقول على الشيطان اللي ربنا بيلعنه وبيكرهه انه قمور؟!..
قالتلي لأ
قولتلها طيب يعني احنا كدة مينفعش أبدا نفضل نردد فى كلام لمجرد انه أغنية أو مهرجان
اعتبريني برضو بقول الكلام دا بالظبط ليكي لانك زي اختي بجد وربنا يعلم وحقيقي نفسي كلنا نمنعها ونبطل نشجعهم لان كل الملايين اللي بياخدوها دي بتكون بسببنا للأسف فبيتشجعوا ويستمروا
عموما ممكن مثلا يكون لسة عندك شك فهتقوليلي انا مش بسمع مهرجانات وبسمع حاجات رومانسية لشيرين واليسا وعادي يعني مش بيبقى فيها كلام وحش
هقولك هو انتي لما بتسمعي اغنية ليهم مليانة كلام حب وموسيقى جميلة بتتخيلي ايه؟!
ربنا وحده اللي عالم انتي بتتخيلي ايه وبالله عليكي بلاش تضحكي على نفسك لان فعلا مشاعرك بتتحرك وأفكارك بتروح لحاجات مش كويسة ودا طبيعي يحصل وهسيب ضميرك يأنبك شوية وتندمي على اللي فات وتستغفري
_كل الأغاني اللي فيها موسيقى وبمعازف وهكذا فهي حرام ودي مفيهاش جدال ماعدا الدف وبنستعمله فى الافراح والمناسبات وبيبقى بين النساء وبعضهم👇🏻💜
قال رسول الله صلى الله عليه وسلم : "ليكونن من أمتي أقوام يستحلون الخمر، والحر، والحرير، والمعازف"
أخرجه البخاري تعليقاً بصيغة الجزم، فهو صحيح.
ولفظ (المعازف) عام يشمل جميع آلات اللهو، فتحرم إلا ما ورد الدليل باستثنائه كالدف فهو مباح.
يعني الحديث دا الحمدلله صحيح لان في شيوخ طلعت قالت انه ضعيف وان الأغاني حلال وجابوا مطربين معاهم كمان وربنا يهدينا جميعا..
فاحنا مش عايزين نسمع كلام أي حد ونصدقه غير لما نتأكد لان للأسف مش كل الناس كلامها بيبقى صح
أنت تقرأ
طريقنا نحو الجنة
Spiritualلتقوية الإيمان ودعوة للتفاؤل والأمل.. قصص الصحابيات تفسير اذكار ادعية احاديث قصص وعبر ،كله منقول هدفي أن آخذ بآيديكم نحو الجنة ،اللهم إنا نسألك الصلاح والفلاح وحسن الختام يارب 💙
