طريقنا نحو الجنة

حديثْ شريف 10

محتاجين نقف وقفة كبيرة أوي قدام الحديث ده .. 🌸

محتاجين نقرأه مرة واتنين وتلاتة .. 💚
محتاجين نركز في كل كلمة فيه .. ونفكر فيها..!

عن أبي هريرة رضي الله عنه : أن رسول الله صلى الله عليه وسلم ، قال:

( من دعا إلى هدى، كان له من الأجر مثل أجور من تبعه، لا ينقص ذلك من أجورهم شيئًا ، ومن دعا إلى ضلالة، كان عليه من الإثم مثل آثام من تبعه، لا ينقص ذلك من آثامهم شيئًا ) . رواه مسلم.

عارفين يعني إيه الكلام ده ؟

يعني ممكن كل كلمة بتقولها ، وكل فعل بتعمله ، يكون على سبيل الدعوة إلى الهدى ، وتفضل تاخد في حسنات كتييير وإنتَ مش واخد بالك .. 🌸

مثلًا : نصيحة تقولها لصاحبك .. معلومة جديدة تعرفها لجارك .. آية أو حديث تنشرها على أي موقع .. فعل كويس تعمله وحد يقلدك فيه .. الخ 💜

#وعلى_الجانب_الآخر ..

ممكن كلمة تقولها ، أو فعل تعمله ، يكون على سبيل الدعوة إلى الضلال .. وتاخد جبل ذنوب وإنتَ متعرفش 💔

#مثلًـا : موقع مش كويس عرفته لصاحبك .. أفعال محرمة علمتها لجارك .. أسماء أفلام ومسلسلات وأغاني نشرتها على المواقع وشجعت الناس عليها .. الخ

تصدق ..
الموضوع طلع كبير 😓

تخيل معايا كده ..

نزلت مثلًا منشور هادف .. ومفيش غير 5 شافوه .. فأنت قولت إن ملوش لازمة .. ونسيته !

بس واحد من الخمسة دول اتأثر بيه وبدأ ينفذه .. ونشره كمان في أكتر من مكان .. والخمسة اللي أنت فاكر إنهم شافوه بقوا 20 و 50 وممكن 100 كمان ..

كل دي حسنات عمالة تتحط في ميزاتك وهتبقى في منتهى السعادة لما تتفاجيء بيها يوم القيامة ..

#طيب_ولو_العكس ؟

أكيد إنتَ عارف 💔

فاطلع كده تاني بص على الحديث وإقرأه بهدوء .. وبعدها فكر في أفعالك كويس قوي ..

وأخر حاجة خد قرارك واشتغل على نفسك علشان تتقل ميزان حسناتك ..

وربنا معاك يا بطل .. 💙