حبيبي 😻عسكري😘

بارت 3😋😍

... بعد أمل كبير في انها تتملص من هذ الزواج...تحطمت كل امانيها....اليوم راح تقرا فاتحتها..ويكتب العقد..وتمشي مع انسان ماتعرفوش... قاعدة في بيتها كي العادة..جاتها مروة ختها تقرا فالباك.. مروى: هذا منظر وحدة رايحة عروسة.. نورسين: بعديني مروى..بركاي ماتتمسخريش..مانيش عروسة..راني وحدة رايحة للاعدام... مروى: بعيد الشر عليك اختي.. اسمعي بالاك هذ اازواج راح ينسيك الي عشتيه من قبل... نورسين: واحد مايقدر ينسيني في سامي...راه محفور هنا..في قلبي.. مروى: علابالي يا اختي..بصح شوفي للمعنى الايجابي في القصة. راح تتهناي من بابا ويما...وزيد بلال وعمايلو...وزيدي هذا نوفل يبان راجل تاع الصح..ياوتشوفيه طويل وكتافو عراض .وشعرو اكحل..واسمر ياعمري يهبل زي نجوم بوليود.. نورسين: تزوجيه انت مالا . مروى: ياريت جا خطبني انا ..اه من الحب نورسين: ههههه تغازلي في راجلي قدامي.. مروى: باش نضحكك برك ..ياعمري على الضحكة الي توحشتها..اسمعي قلت راجلي؟؟ نورسين فاقت مع روحها.: لالا في سياق الهدرة برك...ودوك اخرجي خليني نلبس... مروى: اصبري..دورتها للمرايا قبل ماتلبسي لازمك خدمة ياجدك... نورسين مسلمة امرها لمروى.. دارتلها قوماج..وماسك..ولقطتلها حطلتها مكياج خفيف ..ولمتلها شعرها شداتو بفلور بيضا..ولبست روب بيضا سامبل فيها بيرلات..من فوق.. مروى: ياعمري اختي تقتل... نورسين شافت روحها فالمرايا من نهار موت سامي ماعدلتش هكذا( سامحني سامي...سامحني..غصب عني ياحبي...دمروني ..ودمرو ذكرياتي...حبيبي نوعدك نخلصلك..) مروى:وقت الدموع..ايا مسحيهم عليا.... مسحت دموعها ..لبست عباية فالابيض وزادت خمار فوقو..رماتو برك على شعرها.. دخل خليل يخرجها...هبطت راسها....ودخلت للصالون... واقف في وسط الصالون ..لابس كلاسيك نوار وشوميزي بيضا..حل قفالات الشوميزي من فوق... مهبطة راسها ماشافتش معاه...حضنت خاوتها..شافت في باباها وبلال....نظرة حقد...وكره ماليتها...مرت باباها تزغرت....وقفت قدامو...حتى هو ماشافش عندها.... نوفل: بون..عمي خليل لازم نروحو...ياربي مانوصلو...فات قدامها...خلا ريحتو تدخل انفها..ريحة باينة غالية...هبطت راسها ولحقتو...لقاتو قدام باب الطونوبيل..هبطتها مروى..تلاحت تبكي في حضنها باستها ومشاو...ركبت قدام...ركبت السانتور...ماشي شايفة معاه..ولا هو شايف معاها..ديمرا....السكات بينهم....ماعلابالهاش وين رايحة....ماتعرفش وجهتها...علابالها ماشية لولاية غير ولايتها...لناس ومعتقدات تجهلها...لحضن راجل تعرف غير اسمو.....فاتو نص الطريق وهوما على نفس الحالة

دزولي هدا اابارت قصير 😅😐