حبيبي 😻عسكري😘

Part 73

💖حبيبي عسكري💖

صوتو في الدار ...يخليها تنور..وتضحك...سمعتو يعيط ناضت تتبسم..شافت الساعة كانت 10:00عمرها مارقدت لهذ الوقت....ناضت..فاتت غسلت .لمت شعرها وخرجت...شافاتو يلعب ..ويضحك....مدام انفال في يدها سيجارة...تتفحص تلفونها .انفال: نورسين..نضتي صباح الخير
نورسين: صباح الخير مدام..
ثائر: ايه نورسين تلعبي معايا..
نورسين: اوك نلعب معاك..
انفال: تيمو ماما هز ليجو تاعك..ادخل نهضر مع نورسين شوي..
باسهم وراح..
انفال: نورسين...حبيت نتكلمو...تقولي لي واش بك..ممكن نعاونك..
نورسين هبطت راسها باش تعاود تحكي لي جاز عليها صعيب..باش تتفكر كل تفصيلة صرات..اصعب...ولكن لازمها تخرج وتقول وتحكي كل الي في خاطرها..ممكن ترتاح. ولو للحظة...تكلمت معاها على كل شيء..على تفاصيلو المملة..على ادق ماتعشق فيه..مدام انفال تسمع فيها..سيجارة ورا سيجارة ونورسين مازالت تحكي.....
العشق..هو الي خلاها تهدر..الذنب تاعها..وخوفها خلاوها تطاوع ..رغبتها وتخرج.مكبوتاتها..مدام انفال..كانها في حكاية ماشي واقع...
انفال: يا حكايتك...حزينة..وفي نفس الوقت خلاتني نعيش في عالم من الاحاسيس....انسان يعشق بطريقتو قليل تلقايه نورسين..هذا نوفل يعشق بطريقة جنونية...بتملك..وبحنان في ذات الوقت..مانقولكش غلطتي..وهو زادة مانغلطوش حطي نفسك مكانتو. الرجل عبر بغريزتو..والي هي اكبر دليل احيانا على جبروتو وقوتو فرض عليك...تحترميه بخاصية معينة...واش نقولك..انت راك عندي هنا وانا نساعدك بكل ماتحتاجي..ولكن خممي...مليح قبل اي خطوة..
نورسين: مدام راهو طلقني باعني في لحظة...في رمشة عين...انا ممكن ننسى شكوكو. اتهاماتو..اغتصابو ليا. ايه نسميه اغتصاب تعدا على انوثثي بلا مايسمحلي نتجاوب معاه....ولكن هذا في كفة وطلاقي في كفة..مدام انا مستعدة نخدمك بعيوني..وتخليني عندك..لاني محتاجة الخدمة والسكنة..
انفال: ماشي مشكل...تبداي معايا في لاجونس سكريتيرة تاعي تزوجت..تتعلمي مع الوقت الخدمة...منجد عاوني بزااف وجا وقت نردهالو..
نورسين: عندي قرايتي ونحاول نوفق بينها وبين الخدمة..
انفال: اوك...مالا يلا نوضي نخرجو نشرو شوي حوايج..باش تبداي..اوك..
تبسمت معاها وراحت....خرجو دارو شوبينغ شراتلها كل شيء حوايج..مكياج.....خلاتها على الاقل تنسى قليل من حزنها ومعاناتها فاتت بها للحفافة...بدلت لون شعرها...قصت فيه....خلاتها انثى جديدة...كسرت غلاف الحزن وعادت...

ايا شيرات تفاعلو متنساوش فوث