حبيبي 😻عسكري😘

💖Part 44👇👇

💖حبيبي عسكري💖

رايح لسيارتو..شاف كريم ولاود خارجين..
فات عندهم
كاميليا: خالو..صباح الخير..قربت بساتو
نوفل: اهلا الشابة تاع خالها.
طابس لاحمد وامين باسهم..
كريم: واش كابتان..اليوم الضحكة راهي تبان..
نوفل جبدو شوية بعيد على لولاد
كريم: اسمع كريم حبيت منك حاجة..وراني حاشم.
كريم: هههه مابيناتناش حظرات.
نوفل: بركانا من الرسميات.قولي تقدر تعطيني المفتاح تاع دارك ..الي..فل
كريم:ام خلاص..خلاص هذي برك..راه فالبيرو نلحقو نجيبهولك..
نوفل: ربي يخليك خويا لعزيز..
اسمع ماذابيك ماتقولش لشبيلة..راك تعرفها ماتشدش فمها وزيد تسمع نورسين كلمات ماشي ملاح..
نوفل: خليها عليها..وماتخممش مانقولش .
نوفل: نجوز مع هيبة للسبيطار قالولها لازمها سكانير..ونجي..راني نعيط للكولونيل .باش مايحوسش عليا..
كريم: غير الخير..واش بها هيبة..
نوفل: والله ماعلابالي ياك دارت تحاليل نهار راحو للسبيطار مع يما وشبيلة..وعيطتلي قالت لي طلبو عليها سكانير..
كريم: ان شاء الله مايكون غير الخير..
نوفل: ان شاء الله تهلا كريم...
خلاه وراح يركب في سيارتو..
....
خاليدة: حبسي نهدر معاك..
رهف: انا...
خاليدة: نظن رانا غير انا وياك هنا..
رهف: نعم خاليدة واش تسحقي..
خاليدة حصرتها في الحيط...وقفلت باب الطواليت..
شفتك مع نوفل واقفة .منين تعرفيه..انطقي ولا نقتلك وندفنك هنا..
رهف: مانعرفوش...هو جاء يحوس على نورسين..تلاقاني..
خاليدة : هههه وهو من السماء يوحي بلي انت تعرفي نورسين..انطقي يالفايحة..
رهف:بعديني...ماعندو مادخلك فيا..
خاليدة: نمحيك...يارهف..وتشوفي..
عطاتها كف...رهف طاحت للارض..ومبعد ناضت بداو يتضاربو...سمعو لبنات الحس...
طبطبو بسيف كسرو الباب ليزاجون وخرجوهم...
خاليدة: نقتلها خلوني...
يسكتو فيها....ورهف تبكي مسكينة..
**: تمشو للادارة انت وياها
خاليدة: هبط يدك مني نعرف نمشي وحدي..
رهف هدرت مع طفلة تم : تعيشي روحي قولي لامينة تاع اتحاد الطلبة تجي..علابالي اليوم يحاوزوني..
داهم لاجون للادارة..