حبيبي 😻عسكري😘

✨🖇بااارت 24🎈💮

4 سمعتو حل الباب...خرجت عندو شادة كرشها... نورسين: نوفل..طولت باش جيت والصباح مالقيتكش تقلقت.. نوفل: علاش تتقلقي هذي خدمتنا...الوقت ماشي لينا... نورسين: نحطلك تتغذا. نوفل: اوك نغسل ونجي... حطتلو غداه...شوية ودخل.. نوفل: واش بيك تكشي نورسين..كاشما وجعك.. نورسين: كرشي..وجاع كبير فيها.. نوفل ناض من بلاصتو..وين وريني نشوف.. حشمت وبدات تبدلو في الهدرة.. نورسين: خلاص راحت....شوية برك..فات وراح.. رجع يقعد في بلاصتو. قابلتوو كل واحد في صحنو.. نورسين: حقا جاء ولد عمك منجد وجابلي وراقيا.. حط المغرف من يدو.. نوفل: وين جا هنا؟؟ نورسين: ايه حطيتك انت..حليتلو الباب لقيتو واحد مانعرفوش.. نوفل خبط الطابلة: ربو هذا قتلو جيبهملي للكازيرنة.. وانت قابلتيه هك.. نورسين: لالا بعدت روحي خليت غير وجهي.. نوفل: نورسين ماتكدبيش عليا..قوليلي قابلتيه هك... نورسين حطت راسها في الارض.. نوفل: من اليوم رب االباب ماتفتحيهاش.. وهو نعرف شغلي معاه الكلب... نورسين: قالي بلي عيطلك وماشدكش... نوفل: الكلب يكذب ماعيطش خلاص..نعرف نيتو خايبة وداخلو أسود.. قرب منها كانت تتنفس بقوة الخوف في عينيها.. نوفل: شوفي نورسين نخرج من رب الباب مايتحلش فهمتي...حتى كون ينوض بابا من لقبر..راح وخلاها في حيرتها( وهذا كي يعرف ولد عمو مايسواش علاش يقولي جيبلي حوايجي. اووف ياخي حالة)..عاودت شدت كرشها..وقعدت فالطابلة..شافاتو حط الكاسكيط. خبط الباب وخرج... هبط في الدروج....صونا تلفونو... ركب في سيارتو.. نوفل: وي سيليا.واش تسحقي. سيليا: لازم نشوفك نوفل. لازم نحكو.. نوفل: وين راكي...اوك راني جاي.. ديماراالغبار خلاه وراه..... ... هي ماقدرتش تنوض..لوجاع زاد عليها.... (زعمة يكونو ليراغل راح يجوني..بدات تحسب اخر مرة جاتها...اووف راهي فاتت الوقت..وعلابيها دارتلي وجاع نشرب تيزانة.بالاك تهبط) فاتت للكوزينة...تحوس مالقاتش تيزانة....شافت دوا تاع السخانة شربتو....في بالها يهبطها.. وراحت تكات