حبيبي 😻عسكري😘

Part 63

Dzl twalt3likoum menb3d n3wadkoum fihem

طول الطريق مركبة شنوفتها...ميت عليها ضحك...ماحبش يهدر معاها علابالو راهي ضيقتلها...

قربو يوصلو..

نورسين: نزلني هنا..

نوفل: مازال ماوصلنا..

نورسين: نمشي شوية نكسل رجليا..

نوفل: امم...كما تحبي

علابالو ماحاباش يمشي معاها لقدام الجامعة....عملها خاطرها...حطها..نزلت وراحت.....

كمل طريقو...للسبيطار....

دخلت تايهة..ماتعرف وين تروح..تسقسي هذا...وتزيد هذي..حتى شدتها من يدها..

رهف: نورسين...

نورسين: رهف مزية لقيتك

سلمو على بعض..تحكاو....هدرو على نهار جا نوفل يحوس عليها...حكاتلها كل شيء...وراتلها منين تقرا....فاتت نورسين....تقرا. صحيح متوخرة...لكنها قررت باش تحط بالها مع قرايتها...وتتلها بمستقبلها....

كمل من السبيطار....وراجع للدار...مازال في كونجي.....دخل...حسها غايب..وتوحش الجو الي تعملو معاه...فات يبدل حوايجو...

كملت ليكور تاعها....خارجة في الباب...جات عينيهم في بعض..

خاليدة: نورسين.....راك هنا..

نورسين ردت عليها ببرود: ايه اليوم بديت...

خاليدة:وين قاعدة...

نورسين: رجعت عند راجلي..

خاليدة: امم مليح...المهم خلينا نشوفوكم..

تبسمت معاها نورسين تبسيمة..صفرة وراحت..

عيطلها نوفل...كلمها الا يجي يجيبها..قالتلو مازالها كور...كي تكمل تعيطلو.

فات يتسطح...

دخلو .للكور ستناو..ستناو البروف ماجاش..هزت روحها ...باش تروح..عيطتلو مايجاوبش...

نورسين: اكيد راقد..خلي نروح نركب في busوخلاص

خرجت...باب برا سقسات على جهة bus...وصلوها ليها...قالولها مشا...وكاين وحد على الربعة..قررت تستناه وخلاص.

سمعتو يعيط..دارت عندو..

منجد: نورسين....واش راك

نورسين: لاباس...الهدرة معاه ماشي مكترتها..

منجد: راكي تقراي...

نورسين: ايه بديت اليوم...

منجد: اوو مليح..وواش تستناي هنا

نورسين: مروحة..قالولي busمايجيش...حتى للربعة

منجد: وانت تستناي حتى للربعة..

نورسين: ايه..واش ندير لازم نستنى..

منجد: طلعي..طلعي نوصلك...تبقاي هنا يطيح عليك الليل...ومايجيش..

شافت الحالةغيمت ..والضلام بدا يطيح...علابالها كون يسمع نوفل يزعف..بصح لازمها تروح معاه...

ركبت معاه....عدلها لاسانتور..حستو لصق فيها جبدت روحها..شاف فيها وتبسم...

ماراهيش مرتاحة وندمت علي طلعت...شافاتو يخزر معاها بطريقة غريية..ماتحملتهاش

نورسين: نزلني منجد..نعيط لنوفل يجي يديني..

منجد: واش بك نورسين...رانا قريب نوصلو..

نورسين: قلت لك نزلني من فضلك..

منجد: اوك..اوك ماتقلقيش لقدام شوي ونزلك...

...مشا شوية..ونزلها

.. عيطت مايهزش...

منجد: ماهزش عليك..؟

نورسين: ماشي شغلك...

خلاتو ومشات لحقها...شدها من يدها

منجد: نورسين...شفتي ماهوش مقيمك..نوفل مايعرفش يحب...واذا حب يخليك تتعذبي سقسيني..انا نعرفو شحال عذب بنات..

نورسين: طلقني. .ماشي انت لي تتدخل في حياتي ومانسمحلكش..

منجد..قربها منو...باسها من شفافها..تقاوم فيه ماقدرتلوش...يبوس فيها بعنف...وهي ماقدرتش تردو..

بسيف بعداتو...

نورسين: بعدني...كلب ..حيوان

تمسح في شفافها..وتبكي..

منجد: عمرك...نورسين تفكري تسبيني..تدير فيك الي ماتتخيليهش..

نورسين: كلب ايه..

عطاها كف جات للارض..

راح عندها...شدها من شعرها..قادر هنا نمحيك...ندي الي نحب..وندفنك..بصح انا ماتديرهاش...انت تجي عندي برجليك...

رمالها بوسة في الهوا وراح....ركب في الطونوبيل تاعو..عاود رجع لعندها..: مازال ونتلقاو..لعميرة..

ناضت تبكي..تمسح في دموعها..الشتا تطيح والظلام قوا...

شافت طاكسي فايتة ..حبستها..

نورسين عطاتو العنوان. .وصلها...خلصاتو ودخلت