حبيبي 😻عسكري😘

Part 85

💖حبيبي عسكري 💖

رجعت انفال للدار...عينيها طايرين..وضحكتها ماتعطيها لحد.....فاتت طول لشمبرتها تحت الدوش تعاود فالشي الي صرا معاها....
طول الطريق يتبسم معقول في لحظة فاتت كيانو...نسا بها كل النسا الي فحياتو...انفال تستاهل..مرا خدامة...ولاباس بها واي واحد يتمناها.....
...
صباح اخر....ونفس القلوب المتعطشة للحياة..للقاء حبيب...او لعيش تجربة جديدة...

نورسين وتيمو يفطرو.....هابطة ...ماشي عادتها تتوخر فالنوم...
انفال: صباح الخير..عليكم..
باستهم..راحت تقعد تدندن..(يادي المشاعر..يادي يادي يادي يا..يادي يادي يادي المشاعر يادي يادي يا )....
نورسين وثائر شايفين مع بعض ماشي فاهمين...
انفال: واش بيكم..ماعجبكمش صوتي..تفلقو بالضحك
نورسين: لالا شباب...يهبل..
انفال: ثائر وليدو..واش كاين غدوة..
ثائر: ماما ماعلاباليس.
انفال: جوايو زاني فارسير...
ثائر: ايه عيد ميلادي ماما...رايحة تديريلي...وي
نورسين: ياعمري..تيمو...كل عام وانت بخير
تيمو: نولسين هديتي لعسكلي لكبير تزيبيه ولا نزعف مانديلس عيد الميلاد..
انفال: نورسين..غيرك نفذي تيمو الا زعف..خلاص..
نورسين: ههه اوك..
شافت مع انفال..
سقساتها براسها شكون لعسكري لكبير...نورسين همستها نوفل..
ضحكت مدام انفال...وقالتلها تفكرها توجهلو دعوة والا تيمو...ماتفراش معاه...
انفال: خلصو ومشو...يلا نروحو شوبينع للحفلة اليوم ماكاش خدمة
تيمو ونورسين: وي..حفلة..

خاليدة سمعت تطبطيب فالباب تاع الشمبرة
خاليدة: وي واش تسحقي..
**؛ بعتوهالك من الادارة خاليدة..
شدتها قفلت الباب تقرا فيه؛ واشنو..طرد من لاسيتي.
لبست حوايجها ديراكت.. للادارة..فهموها بلي البنات شكاو من تصرفاتها وسمعتها...
عرفتو هو..عيطتلو...
راقد على كرشو....عريان من فوق....سمع التلفون..تقعد
منجد تبسم على جنب': وي واش تسحقي...
خاليدة: تلفوني من لاسيتي انت قلت لهم..
منجد: تستاهلي قلت لك ماتدوريش بيا وبنورسين حقا نزيدلك...ويحاوزوك من القراية ماكالاه تشقاي للجامعة..
كوبا عليها وخلاها تغلي.....بعد لغطا عليه..وناض...
..
قاعد في البيرو...مقابل الخدمة تلفونو صونا
نوفل شاف اسمها لمعو عينيه
نوفل: وي نورسين...
نورسين: نوفل...واش راك
نوفل: متوحشك ..وكي ااعادة نخمم فيك...وحابك معايا
نورسين: نوفل ماشي وقتها راني عيطتلك..نطلب منك حاجة
نوفل: عيوني اطلبي ...
نورسين: غدوة عيد ميلاد ولد مدام انفال راهي وجهتلك دعوة..بصح راني حايباتك تلبس الكومبا كي تجي
نوفل: علاش ..عيد الميلاد يلبسولو الكومبا...
نورسين؛ من فضلك نوفل ماتردنيش
نوفل: اوك حبيبي .....مانردكش...
كوبات عليه...قعد يبوس فالتلفون: اه يانورسين شحال متوحشك..اخ طيرتي عقلي. ياصغيرة قلبي...

رهف ولبنات يشوفو مع خاليدة وحياة يلمو في حوايجهم
خاليدة: طيرو منا سينما تاعكم...
رهف: تستاهل..اشح تفكينا منها..
امشو امشو لبنات...
كملت لمو حوايجهم جا واحد راحو معاه..
.....
رجعو للدار كانوا شراو كل شيء...حتى نورسين وانفال شراو ديغوب للحفلة..ومكياج واكسسوارات.....
فاتت نورسين تقيس وانفال عيطت لمحسن تعرضو..وزادت لمنجد

انفال: مساء الخير منجد
منجد: مساء النور يا احلى مافي حياتي
انفال: صح. منجد انا احلى مافي حياتك..
منجد: الا عندك شك..نجي دوك نخطفك...ونروحو....
انفال: خلاص..المهم غدوة عيد ميلاد تيمو حبيتك تجي..
منجد: اكيد...نجي......بقاتو بالسلامة وكوبات...
بلال رجع للدار...وحكا ليماه وباباه بلي نورسين راهي مع راجلها ا..وحكاية الطلاق كذبة ..والي فالفيديو تشبهلها برك..هذا كل باش يدي دراهم ليه وحدو. ..ومايقسمش مع خليل