حبيبي 😻عسكري😘

Part 62

💖حبيبي عسكري💖

راقدة في حضنو....ماشي حاسين بالعالم....على يدو الشمال راقدة قريبة لقلبو...داخلة يديه قد الكشمة بينهم...
تتبسم. مقابلة صدرو....تلعب بصوابعها الصغار فيه..حسها تتحرك في حضنو..وتلعب في صدرو..
هبط راسو..كانت مخبية...عندو...تبسم معاها..
نوفل: صباحي ..حبيبي
نورسين:صباح الخير..
خرجت من حضنو...وشافت معاه...
نوفل يتكسل....تقعد على الفراش...شافها ...تخبي في روحها في اللحاف..
قرب عندها لم رجليه ...وهزها لحجرو.
نورسين: نوفل خليني.....راح عليك الحال على الخدمة..
نوفل: اليوم جمعة..ماكاش خدمة..وزيد عندي 15 يوم فالدار..ومارحتش نخدم..
تهربي مني نورسين
نورسين: وعلاش نهرب...
نوفل: وهذا اللحاف واش يدير بين يديك..
نورسين هبطت راسها.: البرد...
جبتو نغطي به
نوفل: قرب سنيه...ونحاه
عاودت ردتو ..احشم نوفل راني مالبسة والو..
نوفل: ماشي قلت ماعدتش نحشم.
نورسين: كي نكون معاك مانحشمش..ومبعد خلاص تجي الحشمة..خليني نوض..
زربت ناضت من حجرو..خايفة يشدها...مرة اخرى. شافت عينيه حمارو .ونفسو قوا..
طول لشمبرتها...لبست...عليها...وعدلت شعرها وفاتت تغسل....
كي العادة..توجد لفطور...وتحط غذاهم يطيب........تداويلو جرحو....لعشية يقعدو يحكو شوي..يتعشاو...ويرقدو....
فاتو يومين....عاديين....قربو فيهم من بعض اكثر...وعودهم كبرت...واحلامهم توحدت. ..
اليوم نورسين باش ترجع تقرا . ناضت على ريحتو...تتبسم....شافتو...كمل يلبس....شافت فيه مليح وناضت مخلوعة..
نورسين: نوفل وين رايح؟
نوفل': الناس تصبح...ومبعد تسقسي
نورسين: صباح الخير..وهد الروايح ..والحطة وين..
نوفل: نورسين بطلي غيرتك..وشكوكك..رايح للطبيب اليوم..كنترول
نورسين ناضت فايتة لشمبرتها تدي حوايجها. ورايحة للدوش كملت تهدر: والي رايح للطبيب لازم هذ الحطة والروايح..
نوفل طل عليها من باب الشمبرا: اخر مرة.. غيرتك رماتني بالرصاص المرة الجاية..مانعرف واش يصير..نورسين اركحي. .واعقلي...خرجت قابلاتو..ماردتش عليه زعافها وصل لسما...فاتت دوشت..وخرجت....المنشفة عليها.. .وتشيح في شعرها. .
لقاتو خطفها.. فاتت فالحيط..
نوفل يشم في شعرها ...ويعض من رقبتها: انا عندي غير انت..ونوعد ك ماتخافيش وعمري مانخونك....واليوم الي نخونك فيه....اعرفي بلي هذاك ماهوش انا....
نورسين تشوف في عينيه..تتاملو وهو يهدر( ماشي خايفة..تخوني..مانتحملش وحدة تشوف معاك...ولاعين تتحط عليك...هذي طريقتي في عشقك)
كمل يهدر: فهمتي نورسين
.نورسين: نفوت نلبس وصلني في طريقك..للجامعة. اليوم اول يوم ماشي حابة نتوخر...
نوفل: روحي...نفطر وانت البسي.
هربت من بين يديه فاتت تلبس...خرجت...هز مفاتحو....بورطابلو..ومشاو