حبيبي 😻عسكري😘

Part 78

💖حبيبي عسكري💖

ماراهيش في وضع يسمحلها تزيد تسألو...ساكتة تشوف في العقدة راكبة وجهو.....لحقو لكافي صغير...نزل. وطلب منها تنزل..نزلت تنفخ..فاتت قبلو...وراها يتفحص في مشيتها...الي تبدلت زادت في دلالها...وتعلمت كيفاش تمشي بلا ماتخاف ..تطيح. .لحقها
نوفل: حبسي ..ندخلو مع بعض...سمطتو...دخلو كيف كيف..شاف طابلة. .في كوانا ...شدها من يدها حتى لحقو...
نوفل: ودوك ماراحش تفهمنيني هذ التمسخير الي راك فيه..
نورسين: كاش تمسخير انت دايرو...تهجمت عليا في نص الكور...وماعلاباليش واش تسحق مني..
نوفل: نسحق تقولي لي كل شيء..علاش راك مع هذ المراة وشكون هي..وكيفاش عرفتيها..
نورسين: واش يهم نوفل ياك انت حاوزتني .طلقتني...وماحوستش عليا..مع انك علابالك غريبة على المدينة وماعندي حتى واحد هنا..
نوفل: حبيت نشربك من نفس الكاس..خيانتك مرة..نورسين...نعلمك بلي تغلطي تخلصي...من قبل هدرنا فيها ووعدتيني ماتزيديش تغلطي..ومنجد مادوريش بيه..رحتي معاه...وعملتي عملتك..
نورسين: مازالك يانوفل في شكك..مازالك في طبايعك...راك غالط...كاينة حاجة اسمها نحكو ونتفاهمو ونوضحو..قبل مانحاسبو...
نوفل: اوك...راني هنا وجاهز نسمعك ونوعدك..مهما يكون...راني مسامح خيانتك ومستعد نبدا من جديد
نورسين: كيفاش..تسامح خيانتي..حتى تكون خيانة ومبعد سامح...المفاهمة معاك مستحيلة خليني نروح.
ناضت ذزت الكرسي..
نوفل: اقعدي..مازال ماكملت هظرتي.اركحي...عاودت قعدت..الناس تدور ليهم...
نوفل: احكي..راني نسمع..
نورسين: نهار ستنيتك توصلني..وانت مارفدتش تلفونك...كنت رايحة نشد busونولي...مالقيتو غير خرج قدامي..الشتا بدات الطيح وظلمت الحالة..و..وهو
نوفل: كملي..وهو واشن
نورسين: قالي الا نوصلك..راح تظلي هنا...ومايجيش bus..ركبت معاه..وفي نص الطريق قتلتو يحبسلي.. خاطر مارتحتلوش..عاودت عيطلتك نفس الشي ماتجوبنيش...
هجم عليا...و..

نوفل: الكلب. وانت خليتيه وتجاوبتي معاه..اه قولي
نوفل: راك تغلط قلت لي حكيلي راني نحكيلك...مازالك تتهمني واش ندير....زير على يديا وماخلانيش نقدر نقاومو... .
نوفل: حسابو معايا الكلب..لموسخ..
نورسين: ماكنتش نقدر نحط عيني في عينك كلما نكون معاك تجي تصويرتو قدامي..حاولت يانوفل نكون معاك...حاولت بكل قوتي...وعشقي ليك..وحبي...لكن الخوف كلاني..وتملكني...ونهار الي كنت راجعة نقولك على كل شيء..انت ماعلاباليش كيفاش عرفت...وعملت عملتك وطلقتني...هدرتها مخلطة مع البكا....انكسارها..وانهزام روحها...اليوم عاود حسو نوفل. كل مظهرها الخارجي...مجرد قناع...وراه كانت براءتها هي الي تحكي...
نوفل: نوضي..امشي نروحو..اليوم ترجعي معايا
نورسين:عمرك تظن حكيتلك باش ترجعني...انا حكيت لاني علابالي مازال تخمم خنتك....وانا عمري فكرت او نفكر نشوف مع غيرك...الي تكسر يتلم..ولكن مايرجعش كما كان..
نوفل زير على فكو ...
نوفل: وين راك قاعدة..
نورسين: عند مدام انفال ..نخدم عندها وساكنة معاها..
نوفل: راجلها تم..
نورسين(اووف هذا واش همك ..الا كاين راجل معانا): لالا راجلها مات..عندها ولدها صغير..
نوفل: كيفاش عرفتيها ..
نورسين سكتت..
نوفل: راني نسال كيفاش عرفتيها
نورسين: كنت باش نحاسب منجد على عملتو..تلاقيتها تم هي شريكتو..وداتني عندها. كي شافت وضعي شفقت عليا..
نوفل: تم رحتي لو...وزيد هي تخدم معاه تم تتلقايه..
نورسين: نوفل راك مريض...عندك مرض اسمو الشك...وانا مستحيل نرجعلك..اذا تبقى بهاذ العقلية..
ناضت...هزت ساكها وخرجت....اامرة هذي مامنعهاش...مازال كلامها الاول يدور في بالو...اعترافها ببراءتها والي شافها قبل مايحسها....ظلمو ليها ممكن..كما خلاهاش تحكيلو من الاول .طلقها ورماها. .واليوم..يعرض فيها ترجعلو..كيانو حب يخطفها. ويخبيها بعيد على كل الناس...يتمنى يمحي حياتها مع سامي هو متاكد انو الوحيد بينهم الاثنين الي عمرو ماخلاها تبكي....كل مرة يحس فيها تحاسبو علاش جا ليها..وعلاش خلف بوعدو..وبكاها وكسرها...
دورت شافاتو مازال قاعد وغارق في تخمام..كبير..
حبست طاكسي وراحت....تحبو ايه...تعشقو...تعبد ..روحو ومستعدة تسامحو...وتغفر كل اللحظات...ولكن...هو مازل باش يخمم بنفس العقلية..تاع اللوم ..وعلاش هكذا..وتخاف يجي يوم خطأ بسيط تلقا روحها تتحاسب بنفس الطريقة..مرة يضربها ومرة يغتصبها ..المرة الجاية واش يدير ....الحب هذا تحول الى تملك..وسيطرة....ونوفل اذا ماخرجش من هذ الحالة نورسين مستحيل تخمم انها تغفرلو.....وتنسى كل العشق...الي تحسو ليه. ...