حبيبي 😻عسكري😘

🖇❤باارت 21 🖇✨

الحلقة21 دخلت تلبس ...جبدت كامل حوايجها تحس في حاجة تزيرلها على عروقها ودقة في صدرها..شافت روب سالوبات عنابي..لبست تحتها بودي بيض دومي مونش وزادتها... طلقت شعرها..وحطت عوز كلار في شواربها رشت برفان(kenzo) خفيفة..ومواتية للنهار... حست به كي دخل....دور المفتاح نحا صباطو....وفات للشمبرة..بعد مدة يطبطب عليها.. نوفل: وين راك نورسين... حلت الباب..شافها لابسة وعادلة..تبسم كملتي... نورسين: ايه نجيب ساكي ونجي...كملت لبست في رجلها سبادري بيض باقي يشوف فيها.طلعت عينيها لقاتو يشوف وحاجبو طالع.. نوفل:كملتي... نورسين: ايه.. خرجو..قفل الباب...هبطو ركبو في لطونوبيل ..حط نظاراتو وديمارا... فرحانة تتلفت ...وتشوف مع الطرق..كانها كانت في حبس وخرجت.. نوفل: واش عمرك ماشفتي برا.. نورسين: عندي قداش من لي نسيت عليه... نوفل: اليوم نحوسو شوية.. نورسين: ياي... نوفل: راك شابة..وبرفانك.كلاس.. نورسين: ميرسي.. غمزها (يايما هذا غمزتو تشل..ناوي يخليني نهجم عليه ولاكيفاش..اصلا من نهار البوسة تاع رقبتو فالكوزينة..وتبهديلة الاخرة مانزيدش نضعف).. وصلو لريسطوران كبيرة..قارا قدامها نزلت معاه... حلت الباب ودخلو.. شاف طابلة للاخرة في كوانا..قعدو فيها... المكان حطة...ونظيف..والبنات عينيهم مانحاوهمش منو...شادة على فمها..راح تنطق..شافها نوفل': ماعجبكش المكان..نبدلوه نورسين: لالا عجبني..عبادو ماعجبونيش.. نوفل ضحك وهبط راسو نوفل: واش دخلك في عبادو... نورسين: انت ثاني كون راك مغطي ذرعيك..وماشي مزير صدرك...مايشوفوش معاك... نوفل: نورسين..تادبي في كلامك معايا..فهمتي... خلينا منهم واش تاكلي.. نورسين(الرهج): ناكل ليباني..شاورما..بصوص ميزون..وبيغ بارجر.. نوفل' احم ماشاالله شهيتك..وزعافك متناقضين.. نورسين: هذيك كرشي ماعندو ماخصها في موضوع زعافي... نوفل: اوك...طلب السارفور..خدا طلباتهم... نوفل: نورسين تغيري.. نورسين: من واش.. نوفل: من لبنات الي يشوفو معنا.. نورسين:( ياربي السيد داهة في روحو) لا مانغيرش قلقوني برك..مانحبش نقعد والناس تبلق في عينيها فينا.. نوفل: اوك..خلاص.. نورسين من اخر واش صرا بينا ماحكيناش... نورسين: واش تقصد صراو بينا حاجات بزااف.. نوفل: نورسين..ماشي وقت غبائك.. نورسين: ومالا كي تعرفني غبية..ادخل في الموضوع ديراكت.. نوفل: اوك تحبي الديراكت...نهار رقدتي معايا وخسرتك... نورسين(هذا وجهو صحيح): ايه واش بيها.. نوفل: ماحكيناش في الموضوع.. نورسين: جبتني باش نحكو فيه..هذا شيء عادي يصرا بين اي زوجين..وماسمهاش خسرتتي..خاطر عملت علاقة مع راجلي . نوفل: افهميني نورسين..زواجنا ماشي كما الناس..انا مانعرفكش وانت زادة...ومانعرف غير اسمك..حتى حاجة عليك مانعرفهاش..هواياتك..ميولاتك ثقافتك..كيفاش تربيتي واش تحبي..ونفس الشي انا بالنسبة ليك عامل مجهول نورسين:( السيد دخص خلاص ولا يهدر بالرياضيات): اسمعني نوفل...اذا انت تشوف فلي صرا بينا غلطة..انا ماحسابتكش..وماطلبتش منك اكثر بالعكس حبيت نرجع لدارنا وانت منعتني... نوفل: خلاص نورسين قفلي على الموضوع.. نورسين( انا مقفلة شكون جبدو..انا ولا انت يابو عظلات..ياربي مال امها تخزر هذي القحبة). جابلهم السارفور لغذا.. نوفل: تفضلي ماتكليش.. نورسين: لالا ناكل واش جيت ندير..جبتك تقابل هذ البناويت مثلا.. نوفل تبسم..: انت وحدك صح.. جابلو هو غذاه نورسين: هذا هو غذاك...؟؟ نوفل: علاش ..كاشما فيه. نورسين: سلاطة لوكان راني درتهالك في الدار.. نوفل: لالا نحب تاعهم متكاملة..حسيت روحي لازمني شوي خضار..قداش ماجريتش. نورسين:(يابقرا...بركاي من الماكلة شوفي الراجل..كرشو لاصقة ظهرو ويقولك ناكل خضار..وانت اعلفي وسمني وربي الكرش).. كملو كلاو....ناض خلص...وخرجو...ديمارا لحقو قدام حديقة....ألعاب ومنتزه صغير فيه غابة وباركينغ.... نزلو...خلص فالدخلة..وفاتو.. نورسين: ياي حابة نركب فالبابور..نوفل تعيش ركبني..ركبني.. نوفل: بهدلتي بيا ...اركحي راكي مرا... نورسين: لالا نركب دبر راسك.. نوفل: اصبري نشري التكيات ونجي... راح شراهم ورجع.. نوفل: هيا أطلعي.. نورسين: نخاف وحدي..نوفل اطلع ماعايا.... نوفل: مريضة..واش ندير في البابور.. نورسين بدات تبكي الناس تشوف فيها.. نوفل: اربي واش درت في حياتي...هذي مرا متزوجة هذي ولا بز صغير.. طلع معاها... بدا البابور يروح ويجي بلعقل... الركاب يعيطو..قفلت عينيها شدت في يدو....وبدات تعيط. نورسين: ننزل..ياربي ننزل..نوفل يعيشك نزلني.. نوفل: ههه طلعتي مالش النزول تستاهلي.. تبكي دموعها ساحو في الهواء غمضت عينيها..دخلت راسها فيه.. وتعيط...شدها ليه مليح..راسها في صدرو...ودموعها زادو.. نوفل: وكي عدتي خوافة علاه طالعة.... نورسين ناضت وقربت عندو قعدت في حجرو...كما الطفلة تبكي...حطت يديها في ظهرو. فجاة طلقتهم .وسكتت.. شوية بدا البابور ينقص فس سرعتو...حتى هدا.. نوفل: نورسين..خلاص هيا نهبطو. راح حبس.. نورسين فيقي رقدتي...هزلها راسها كانت مغاشية... هزها بين يديه. .ونزل بها...يجري قعدها على كرسي...رشلها الماء في وجها.. نوفل: نورسين..افطني..خلاص نورسين... فطنت تحل في عينيها شافاتو قدامها...غمتها نفسها عاودت ردت... نوفل: ياربي ...نورسين واش صرالك.. كملت ترد..عطاها الماء شللت فمها وشربت وناضت متكية عليه..يجر فيها لحقو للطونوبيل🚗...ركبها..وديمارا نورسين فمها مشرك😂😂😄