حبيبي 😻عسكري😘

بااارت 16✔🌹

ا6 يذكر أن الصباح .يعلن انقشاع حداد الليل..وان القلوب التي تبيت على وجع...تنهض على ابتسامة نسمة الصباح... في فراشها تحل في عينيها.....تقعدت....اليوم ماسمعتش حس الجنود..وهوما في الساحة يتدربو..الكازيرنة لاصقة في لاسيتي...كل يوم موالفة تنوض على صوتهم... هزت بورطابلها شافت للساعة كانت 6:30 ...خرجت من فراشها ..هزت منشفة . جبدت حوايجها..حلت الباب..قابلتها بابو..كانت مسكرة...شافت فيها وكملت للدوش... بعد مدة ....خلصت دوشها لبست حوايجها.....شيحت شعرها ... وفاتت للكوزينة... حطت لفطور...وقاعدة تستنى..شافت بحذا الباب .صباط الكومبا..يعني راهو لداخل...مازال ماخرجش.... ستنات عادت 7:10 ..ماخرجش...غطات الطابلة ورجعت لبلاصتها....طلت تستنى حس لولاد كي يروحو يقراو..ماشافتهمش... تفكرت بلي اليوم الجمعة .... ضربت في راسها...وهزت تعيط لمروى... بعد مدة هزت عليها. مروة:حرام عليك يانورسين .شفتني فمنامك اليوم ويكاند..ونهار الي نرقد فيه.. نورسين: سمحيني..مروشة...مخنوقة..وقلت نعيط لك... مروة: واش بك حبيبة...خير كاشما دارلك نوفل.. شدت البكية ومع الاخر طلقتها.. نورسين: مخنوقة..في هذ الدار يامروة...من نهار جيت ضوء برا ماشفتوش....وهو يعاملني كأني ماشي موجودة...نطيب ونغسل وماعجبتوش.. مروة: هذا واش بيه..تزوج مرا ولا آلة... نورسين: قليل الي فات عليا في حياتي...وزاد هو كمل عليا...حتى كلمة واش راك مايقولهاش.. مروة: ماتبكيش نور سين. نعرفك قدها....انت خدمي الي عليك..وخليه..يجي نهار ويمل نورسين: مروة..ماتقوليش لبابا ويماك..علابالي كون يسمعو يديرولي مشاكل..وانا ماشي ناقصة...حباتكم تبعثولي..دوسياتي تاع الجامعة..نسجل هنا ونرجع نقرا..نتهنى من جدو شوية.. مروة: ان شاء الله..ماتقلقيش...روحك.. بقاتها بالسلامة وكوبات.. حست عليه خرج..مسحت دموعها. ..عدلت روحها قدام لمرايا..وخرجت..كان في الدوش...فاتت للكوزينة..عاودت سخنت لحليب..فات للشمبرة..مدة ودخل .. نوفل: صباح الخير... نورسين: صباح الخير... كلمتين قالوها وقص... حطتلو وقعدت تشرب وماشايفاش معاه.. نوفل: تحبي نخرجو اليوم...الا راك حابة.. نورسين: عادي ماعندي حتى مشكل.. نوفل: لعشية نروحو جردان..قريبة منا..فيها مناج للاولاد..ومكان للعايلات..أغلبيتهم تاع العسكر يروحولو حركت راسها...كملت فطورها..وخرجت.... راحت لشمبرتو..تعدلها...حلت الطيق باش تتهوا....خرجتلو فراشو للشمس..عاود دخل...هز تلفونو..ومفاتح سيارتو..تظاراتو..وخرج.. تلفتت ليه ..ماشايفش معاها... شنفت ودورت وجها..سمعت الباب تحلت..خرجت تطل عليه...وتجنبت باش مايشوفهاش.. (الي يشوف الحطة تاعك..يقول رايح لكاش رنديفو..ياخي حالة حتى بالجمعة وعاطي روحو طريحة).. كملت شغلها...طيبت لغذا...ومازالو ماجاش...سمعت الناس جايين من الصلاة...وهو والو...(وانا علاش نتقلق عليه...هو ماشي معبرني..اخذا الي حاب..تمتع وراح..ماعليش يانوفل اعمل وكثر ...والله نعاملك بالمثل) فاتت لعشية...وصل الليل... نورسين: هذا الي قالي نخرجو..وانا امنتو كي البهلولة... فاتت حصة من الوقت...سمعت المفتاح كي دار وقفت..قدام الباب مربعة يديها....دخل وذز الباب...طلع راسو..واقفة قدامو كي الجندي... ضحك وقالها: خير...واش كاين.. نورسين: ماكان والو...الناس تخرج تقول مارانيش راجع..ماشي تبقا لنص الليل. نوفل': قلقتك هذي.. نورسين: ماقلقتنيش...بصح كاين الي قالي نخرجو.. نوفل: طولت فالخدمة...ومبعد..ماشي شرط نخرجو اليوم...كان الف نهار.. نورسين: خدمة؟ اليوم الجمعة...وبلا كومبا نوفل: خدمتنا ماعندهاش وقت ..نخدمو في كل الايام والاوقات..وماشي لازم الكومبا باش تتم الخدمة...وخليني عيان وماحابش نهدر.. فات لشمبرتو. لحقتو نورسين : عندك حق..انا الي بين ربع حيوط..من نهار جيت هنا نشوف غير الاولاد الصغار كي يروحو يقراو..والجنود يدربو..ومرة اختك شبيلة وولادها...مسجونة أنا...مانيش عبد مانحسش.. ينحي في ساعتو...قعد على الفراش حل صباطو..يسمع فيها..حتى كملت نوفل: كملتي...خليني نبدل حوايجي.. شافت فيه: ما أبرد دمك...انت ماتحسش.. جات خارجة شدها ليه.. نوفل: ايه مانحسش...لاني تربيت هكاذا...مانحسش..تربيت مع اب قاسي..نظامو هو النظام..ممنوع تتجاوزو...تربيت على ان المشاعر اخر شيء..في حياتي...ودوكا واش تحتاجي... نورسين: ما نحتاج والو...حبيت نرجع لدارنا... نوفل: داركم تنسايها مستحيل... نورسين: وعلاه جبتني..علاش تزوجتني..وانا ماتحبش تشوف فيا.. نوفل: تزوجتك ..باش نعاونك تخرجي من داركم...تزوجتك وكنت بعد مدة راح نطلقك...ونخليك تعيشي حياتك...ولكن نوعدك نوقف معاك.. نورسين: مانحتاج منك حتى شيء...نعاون روحي..ونوقف من جديد..غدوة نخرج منا.. نوفل: ماعندك حتى خروج نورسين....انا وعدت المرحوم سامي باش نتهلافيك.. نورسين: ونعم وعدك..راك تهليت فيا مليح مليح.. خلاتو وخرجت... سمعت صوت تكسا ر..عرفاتو بلي لعبتلو على اكثر نقطة..تستفزو..هي وعدو لسامي.. فاتت لشمبرتها علامات القوة...استحضرتها..حست روحها انتصرت بعد ماخرجت كل شيء.. نورسين: انت بديت الحرب يانوفل...تحمل النتائج. . نوعدك ندمك على غرورك..وتكبرك..وعدم مسؤليتك..والايام الجابة تشوف نورسين جديدة