حبيبي 😻عسكري😘

البارت 37

فاتت للجامعة....دخلت مكتب التسجيلات .....بقات تستنا..وصلت خاليدة..وحياة..
نورسين: واش هدر معاكم...تعيشو عرفكم..سقساكم عليا
خاليدة: هدني روحك نورسين..طمني ماعرفناش..ومسقساش بقا شوية وراح..راني وصيت الي فالباب مايخلوهش يدخل..
نورسين: طمنتيني..
حياة: علاش راك هاربة منو نورسين؟
خاليدة: بلعي حياة ماش وقتها..ادخلي ...نورسين..هزي بطاقة الطالب. باش نروحو على الخدمة..
نورسين: اوك..زعمة سجلوني خلاص؟
خاليدة: نلعبو حنا نورسين..ورانا الصحاح...
نورسين رجعت لكلام رهف..( ياربي واش راني ندير...اكيد رهف عندها الحق...قدرت خاليدة في دقيقة تسجلني...نلقا الخدمة..ونزرب نكري لازم نبعد عليهم)..
في مكتبو..حاط المسدس قدامو..يحرك فيه بصباعو..يتفكر في ضحكتها...جات في بالو نهار عاونها نحات لاروب..ولصقت في شعرها...اول مرة باساتو من رقبتو..
قاطع تفكيرو كريم
كريم: واش نوفل لقيتها...
نوفل : ماعرف وين راحت....ويني ياكريم راح نهبل...
كريم شاف المسدس الي على الطابلة..علابالو نوفل الا حط حاجة في بالو يديرها..
كريم: نوفل...المسدس علاه.
نوفل: نلقا ربها نقتلها..وجتثها نعلقها في باب دارهم..
كريم: تخمامكم صغير يانوفل..ادعي تكون بخير ..وان شاء الله نلقاوها..
** حضارات الكولونيل طلبك..
نوفل: روح راني جاي..
ناض خبا المسدس في القجر..
...
نوفل يطبطب في الباب
كولونيل: فوت كابتان نوفل..
نوفل: احتراماتنا حضارات..
كولونيل: كابتان نوفل...لاكريش الي درناها الاولى عجبت الكل..نتمنى الي راك تخدم عليها تكون كما هذي..
نوفل: بلا مزيتي حضارات...ان شاء الله تكون كما يلزم..
كولونيل: في اقرب وقت..نحبك تصورلي اللمسات الاخيرة لاكريش....مفهوم..
نوفل: تحت امرك..حضارات..
كولونيل: انصراف كابتان.
...
خاليدة : حياة..انت ارجعي..وانا ونورسين نروحو..على الخدمة...
حياة..: اوك..موفقة نورسين..
نورسين: ميرسي حياة...
...
قارات طونوبيل اخر عيطا قدامهم ...زجاج فيمي...
خاليدة: اركبي نورسين...
نورسين مترددة...رجعت شعرها وراها
خاليدة: نورسين السيد يستنا..اذا ماعينك نعيطلو نقولو بطلت
شافت فيها وركبت..
سلمت خاليدة على هذاك الجون...دور لمراية شاف في نورسين..
خاليدة: عينيك. هنا ..دورهم..
...: قلت نشللهم بالزين..هذا..
منين هذ الكعبة..خلود
خاليدة: مايخصكش..سوق رانا توخرنا...
نورسين مسندة على الزجاج...توحشت مروة..وخاوتها...قداش ماعيطتلهاش...وماكلمتش تطمن عليها...
نوفل في البيرو صونا تلفونو..
نوفل: وي هيبة. الحمد لله...وانت ويما.....اوك...نكمل على 12:00 نجي...بالسلامة..

                                                                                                                                                              

           شبيلة: كاش مابان على نورسين كريم..

كريم: والله والو..راه نوفل كي المجنون يحوس من بلاصة لبلاصة...
شبيلة: بالاك رجعت لدارهم...
كريم: ممكن...وفي نفس الوقت..ممكن لا..
شبيلة: ربي يهديها بخصت بنا كاش مرا تهرب من دارها..
لوكان جيت انا نقتلها...
كريم: حطي لغذا راني ميت بالشر...
....
خاليدة: من فضلك عندنا موعد مع المدير ..
سكريتيرة: اوك..تفضلي...
دخلت هي وخاليدة..قاعد على الكرسي...هز راسو..
جات عينو فيها..
نورسين: منجد؟
منجد: اوو اليوم نهار شباب..نورسين هذي انت..
خاليدة: تعرفو..بعضاكم...
نورسين تبسمت..وحركت راسها..
منجد: ايه..نعرفها..مرت ولد عمي...
نورسين: سمحلي منجد لازمني نروح...
منجد: علاش نورسين واش كاين..
خاليدة: راهي هاربة من راجلها..وخايفة يعرف بلاصتها
منجد: تهدني نورسين ماراحش نقولو وينك..
نورسين: لالا نروح..
ناضت قعدتها خاليدة: نورسين..راه قالك مايقولوش واش بيك..
منجد: شوفي نورسين..ماتخافيش ماراحش نخبر نوفل..وزيد مانظغطش عليك...وقت ماتحبي بلاصتك راهي محفوظة..ومدابيا نعاونك..
ناضت ..بزربة وخرجت..
منجد: اسمعي خلي عينك عليها...واطانسيون تغيب لحظة بلغيني بكل شيء..ونوفل لازم يبعد عليها فهمتي.
خاليدة: تهنا بوص...تعرف بلي راك تقتل اليوم قربت منو خطفت البوسة من شواربو .
منجد: روحي خاليدة قلت لك ماتحطيش رب شواربك عليا..فهمتي ياقحبة..
خاليدة: وليت مانعجبكش .اه..ماعليه يامنجد..
جبد رزمة دراهم حطهملها على الطابلة هزتهم ومشات...
....
خرجت تتسحب مع الحيط...الدموع ينزلو.. حالتها في الويل( واش راك تعملي يانورسين....راك غلطتي بزاف ..هربتي....منو..وجاية عند ولد عمو....ماشي انت يانورسين الي تديري هك....)
مشات وماشي علابالها وين..بدات الشتا تطيح....
نوفل..خارج من البيرو..ركب سيارتو....الشتا قوات ...والسيركيلاسيون....بلعت الطريق...
وقت غذا والكل مروح.....
صونا تلفونو....
نوفل: وي...
***: من فضلك..نحتاجو..الطالبة نورسين..عمراني
نوفل: شكون معايا..
** : من ادارة الجامعة..الطالبة ماسنياتش وراق تخص طلب الاقامة...الا تقدر تبلغها تجينا..لان هذ الرقم كان مسجل في الملف..
نوفل: اوك....ان شاء الله..
نوفل: هكذا يانورسين...سجلتي واقامة ثاني..نستعرف بك خرجو لقرون...
تسرحت طريق ديمارا طول للجامعة..