حبيبي 😻عسكري😘

💖💖Part 45💖💖

💖حبيبي عسكري💖

كملت شغل الدار....نظفت بيتها ورتبت حوايجها....نظفتلو بيتو...والبسمة مافارقتهاش...حوايجو لازم تشمهم .. تتنفسهم . تدخل ريحتو في جسمها......فاتت للدوش..عباتو ماء ..دوشت مليح...(اووف هدو الشعرات وقتاش ناضو.)..جابت براون سيلكي ايبيل ..نحات كل شيء. ..شافت مع روحها.عملت جام وهي تشطح..وفات للشمبرة...
دارت كريم دوكور...شيحت شعرها...(لعشية مازالت طويلة..نخير بعقلي واش نلبس..ياربي شعري واش نديرلو خممت . .مستحيل يخليني. نخرج عند لحفافة ..وين نروح وجهي ملبز..يتكسرو يديك يانوفل..لالا اللطف على حبيبي...ربي يخليهولي..احسن شيء نفوت لليوتيوب..كاشما نعمل حاجة سامبل لشعري...)...
وصلت للسبيطار...واقفة تستنى. فيه. سلم عليها...ودخلو....
نوفل يحكي مع الطبيب...وهي جازت مع الممرضة..باش توجدها للسكانير..
نوفل: دكتور...في واش راكم شاكين...بالظبط...حتى طلبتو سكانير..
الطبيب: الحقيقة التحاليل..سليمة..مبدئيا..و
السكانير فحص روتيني...ماتقلقش حظارات..
نوفل: ان شاء الله دكتور...
استناها....كانت طولت. ...في السكانير.....تفكر بلي لازم يجيب المفتاح من عند كريم....
...
خرجو من الإدارة.
خاليدة: لالاتي رهف..عمرك تحطي راسك مرة اخرى معايا نكسرهولك..
أمينة: امشي رهف...قدامي..مزية خرجت على خير..مرة اخرى مانضمنكش..علاش تخلطي روحك مع هذ الاشكال..
رهف: هي استفزتني...والله يا امينة مادرتلها حاجة...
امينة: روحي لقرايتك وردي بالك..منها....
ودعتها رهف ..ومشات .
......رهف: هذا واش خصني...خاليدة نخلط فيها..علابالي ماراحش تنساهالي..بصح والله تقرب نزيد نعطيها طريحة..
...
حياة: خاليدة..واش كيفاش فريتوها..
خاليدة: بعدي..ن**** حياة...وهذيك القحبة والله تخلصها..
حياة: وانا علاش تسبي فيا..خاليدة..كل مرة تجرحيني وساكتة..
خاليدة: ايه..واش خصني فيك...طيري الا ماعجبكش مارانيش شادة فيك..
حياة: تحاوزيني خاليدة..
خاليدة: ماحاوزتكش انت حبيتي..
حياة: راني رايحة...نقرا...الا تجي امشي
خاليد: رايحة عند منجد....توحشتو..
حياة: اوك...دبري راسك..
خاليدة: معلوم ..ندبر راسي...نزيد نشاورك..
شافت فيها حياة وراحت..نفختلها
خاليدة: نفخي. ولا روحي ني***بعضاك..زمر
....
نوفل ...جاب المفتاح من عند كريم..فات للمارشي قضا الي يلزمو....وراح للدار...
هيبة كملت..عيطتلو مايجاوبش..
زادت عيطتلو ماجاوبش..قررت تستناه ..
وصل للدار....حط كل شيء...وجدها كما يبغي. غطس تم حتى ...شاف فالساعة لقاها15:30
تفكر بلي راح الحال وطول على هيبة...
جبد تلفونو...لقا ليزابال تاعها....
عاود عيطلها....قالت لو بلي ستناتو..وراحت...عتذر منها...وكمل يشوف واش ناقصو..
وصلت خاليدة عند منجد..
كان هذاك وين خارج من لاجونس..شافاتو مع وحدة خارجين ويحكو....لابسة ميني نوار وشوميزي بيضا وفاست قصيرة...طالون نوار...وشعرها بليماش..ليس ومكياجها قااوي..كيلتها من تحت لفوق. .ووقفت تستنا..شافاتو كي وصلها لطونوبيلها..ركبها...ودعها...
راحت عندو...
خاليدة: احم...منجد..منجد
منجد: واش بيك..سمعتك تشوفي فيا طرش..
خاليدة: لالا حاشا..شكون هذ البلوندا...تعرفها؟
منجد:كليونت...حبت نجهزولها البيرو تاعها..واش جابك...
خاليدة: توحشتك..قلت نجي نشوفك..
نوفل: ارجعي منين جيتي..منيش قاعد ليك. وزيد مادام مادرتي والو في قضية نورسين..مانحبش نشوف وجهك..
راح ..ركب سيارتو.رمالها غمزة وراح..
خاليدة:ع**** ...كيفك كي غيرك....ياربي..انا واش درت في حياتي..علاش ماعنديش راجل يحبني..كلهم يبغو يفوتو وقت ويروحو..علاش مايحبنيش واحد كما نوفل...وعلاش يحبك ياخاليدة..شوفي روحك كلهم جازو عليك..شكون يسحق يحبك..
كلاكسونا عليها دورت
**: زين...نعملو دورة..ولا عندك فمن تستنى.
خاليدة شافت فيه...: هيا مقودة ..مقودة..خلي نكملها.. ..
راحت ركبت معاه...
**: وين تحبي نروحو..
خاليدة: كما تحب....انت خير
**: تجي..نسهرو
خاليدة: اوك....نسهرو..
قرب باسها .. خلاتو بينتلو راهي قابلة .ديمارا . وراحو...