حبيبي 😻عسكري😘

Part 81

💖حبيبي عسكري💖

فات للدار خبط الباب مايضويش سيرتو على كل لسان...بدل حوايجو.. وجاه اتصال
نوفل: احتراماتنا حاضرات
كولونيل: كابتان نوفل...الفيديو تاعك في الفايسبوك..راه سببلنا احراج كبير...ادارة الجامعة لوكان...ترفع عليك قضية اقتحام للحرم الجامعي وخطف احدى طالباتها.رانا نصيرو في معمعة..
نوفل: غلطت كولونيل..
كولونيل: ندبر راسي ونعمل اتصالاتي..ومن اليوم تاخذ حذرك وماتتهورش مكانتك وسمعتك هي سمعتنا كامل. وممكن اي واحد يستغلها ضدك..
نوفل: ان شاء الله حضارات.
كوبا معاه الدنيا ظلامت في وجهو..وغدوة جاية امو وهيبة واش يقولها....ومعول يحاسب منجد على عملتو تربطو يديه..تماما

بدلت حوايجها...لبست حاجة تناسب الدار وهبطت...
انفال على مكتبها..تخلط في الاوراق..وتيمو يلعب
تيمو: نورسين....اواحي هنا
نورسين: وي تيمو...
تيمو: سوفي زابتلي ماما لعبة زديدة عسكلي بسلاح
نورسين: مليح...العب به...وحافظ عليه
تيمو: سوفي..انا نحب العسكل وانت
نورسين: تفكرت نوفل : حتى انا نحبو نحبو ياتيمو...
تيمو: نتول لماما تزيبلك واحد..
يولو عندنا زوز..وتاعك وليد تاعي..انت عندك ولاد نورسين
نورسين: لالا ماعنديش
تيمو: وعلاس...ماتسريس.. كما ماما سراتني...
نورسين: تنهدت بكل قوتها..
انفال عيطتلها..راحت عندها حكاو على الخدمة..وعلى باش يبداو عند مسيو محسن...يجهزولو شركتو....
كملو خدمتهم وفاتت ترقد...قبلها تفكرت الفيديو ابي قالت عليه مروة. جبدت pcتشوف...عاودتو شحال من خطرة..تمعنت في ملامحو...في اللقطة الي هزها فوق كتفو...شافت الرومانسبة تاعو من زاوية اخرى.....عشقو ليها يخليه ينسا مكانتو..ويخاطر بكل شيء على جالها..نزلت منها دمعة. .وفاتت للفراش. .بالاك تقدر تنسى فيه همومها....

الصباح...يلبس ...وقت باش يروح لخدمتو....صونا الباب راح يفتح....
بلال: واش نسيبي لعزيز. نسيتني..
نوفل: تفضل...
قات بلال...يحوس بعينيه
بلال: ويني مرتك الي هي ختي...
نوفل: راهي عند يما...ديتها يمات تم..
بلال: ام..مالا ديني ليها حبيت نشوفها...
نوفل: راني خدام...كي نجي نروحو..
عاود صونا الباب...فتح لقاها صفية وهيبة كملت.الدعوة..
صفية: وليدي نوفل واش حوالك...ونورسين كيفاش راهي
هيبة: خويا..نوفل توحشناك...ويني نورسين...راهي هنا
بلال: في بالي راهي عند يماك..
صفية: شكون هذا نوفل
بلال: خو..نورسين .جيت نحوس على اختي قالي راهي عندك..
صفية: ماراهيش عندي. ياخاه ولدي وين ديت الطلفة
بلال: طلقها..طلقها ورماها..اليوم نسحق ختي
صفية: بوه..نوفل واش راني نسمع صح..
نوفل: ساكت..
هيبة: ماكاش منها..نوفل طلقت نورسين؟
نوفل: خلاص...خلاص..بركاوني من الهدرة...ايه طلقتها..
بلال تلاح يضربو نوفل شدلو يدو..: الصغار كي تعلمو يضربو...نكسرلك يدك
صفية: اطلقو نوفل عندو حق راهي ختو
نوفل: هذا وين تفكر ختو..علاش ماسقساش عليها...اه ولا باعها وسلك في دراهمها..سكت بلال مازادش كلمة..
نوفل: تحبو تقعدو تروحو دبرو راسكم راني خارج...
خرج وخلاهم في الف تساؤل..
بلال: ويني هذ المصيبة وين راح نلقاها...قولولي وين تقرا
هيبة: جابلي ربي راهي فالدروا..
بلال هز حوايجو وخرج
صفية: ادخلي يابنتي..نشوفو هذ الدار واش صرالها..شوفي خوك الا عندو حوايج موسخين...وهاتي كاشما نطيبولو...راه فمو يبس.
هيبة: ماعليه يما...
صونا الباب حلت هيبة
شبيلة: واش راك هيبة يما..
صفية: اه ياشبيلة بنتي رانا علينا خوك طلق مرتو
شبيلة: كيفاش طلقها. ومن وقتاش مطلقة وعلاه..حكالكم
هيبة: شبيلة...واش بيك..ماعلابانا والو ..اقعدي كيفنا كيف

رايحة للخدمة...دخلت طول...للمكتب..عدلتو...وغاصت في الدوسيات تخدم..طبطب الباب..
نورسين: تفضل.
محسن: صباح الخير...مدموزال
نورسين: مسيو محسن فوت..
مدام انفال مازال ماجات
محسن: راني جيت على جالك...
نورسين: مافهمتش.. كيفاش على جالي...
محسن: شوفي ندخلك في الموضوع ديراكت...انا عندي شركة..تصوير وانتاج....نحوس على وجه اعلاني للماركة تاعي...
نورسين: وانا واش يخصني في الموضوع
محسن: حبيتك مودل..لهذ الماركة
نورسين: كيفاش...مودل
محسن: وي وبالسعر الي تحبيه
نورسين: او لالا مسيو محسن راك غالط..مستحيل نوري وجهي...
محسن: خممي..ورديلي بالخبر كارت فيزيت تاعي..
خلاها وخرج..قعدت تتبسم مع روحها وتعاود في هدرتو..
تلاقا مدام انفال جاية سلم عليها عرضاتو عندها ماحبش يروح فهمها بلي جا على جال نورسين...
بلال فالجامعة يحوس عليها ويسقسي....استناها طول النهار حتى لعشية....
خاليدة سمعت بلي يحوس غلى نورسين راحت عندو..
خاليدة: مسا الخير..
بلال: مساء النور..
خاليدة: راك تحوس على نورسين...
بلال: ايه تعرفيها..
خاليدة: وي كانت صاحبتي
شاف معاها بلال من تحت لفوق...هذي صاحبتك يانورسين ماعليش...
بلال: تعرفي وين راهي..
خاليدة: معلوم راهي تخدم في اجونس تاع ولد عم راجلها
بلال: وعلاش تخدم عندو..
خاليدة: شكون انت باش نقدر نهدر براحتي
بلال: خوها..
خاليدة: ام...علاش ماحكاولكش..
بلال: علابالي طلقها .
خاليدة(نورسين تطلقت): ايه صح...تطلقت خاطر خانت راجلها مع ولد عمو...
بلال: الرحمة تاعها..نقتلها..هابخصت بيا..
اختي ربي يسجيك وين هذ لاجونس...
خاليدة: هاي لادريس في هذ الكارت
بلال: ميرسي اختي..
خاليدة: بلامزية في الخدمة دايما..راحت تضحك وفرحانة...المهم تنتقم من نورسين..نوفل ومنجد...
....
منجد يتفرج في الفيديو: والله وتعرفلها ولد عمي.. بصحتك...
دخلت انفال: منجد...نمشو عند محسن...راه الخدامة وحدهم باش نطلو على واش عملوه..
منجد: شفتوالصباح هنا..علاش
انفال: قال جا على جال نورسين..
منجد: معول يعني..
انفال: واش كاين..
منجد: حبها تكون مودل لماركة اعلانية
انفال: ..اووو ..يامحسن...عرفت تخير...
منجد جبدها عندو: وانا عرفت نخيرك..باش تكوني معايا
انفال: هبط يدك منجد..قلت لك مانيش من عاهراتك..تمسني وقت ماتحب ..
منجد: هبطناه...مووح رمالها بوسة وخرج...
خرجت وراه ...عيطت لنورسين..
وراحو