الاشياء الجميلة ❤.تأتي كالحلم..على قدر روعتها.لاتناسب واقعنا...والأشياء السيئة تقبع في ذاكرتنا رغم السنين... كانت تشوف مع الارض .مركزة فيها..تفكرت نهار راحت معاه عروسة👰..اول نظرة بينهم...نهار جرحت صبعها ونحا تريكو دبو باش يربطلها يدها...اول قبلة ليها معاه....ليلتهم..الأولى .تفكرت كل لحظاتهم....توحشت ريحتو....ونظراتو..دمعتها هبطت..... دخلت عليها صفية.🙍.وهيبة..🙎.سلمو عليها حكاو معاها شوية...وخرجو.. صفية: شبيلة بنتي..مرت خوك اليوم تخرج..هزيها عندك للدار.. شبيلة: وعلاش نهزها عندي خلي ترجع لدارها.. صفية: يابنتي لمرا ماشي قادرة تنوض على حيلها..هزيها عندك حتى تبرا.. هيبة: يما مادام جينا خليني نروح نجيب ليزاناليز تاعي.. صفية: روحي بنتي وماطوليش... قابلهم نوفل جاي.....وجهو يبان عيان...لحيتو ناضت في وجهو.... صفية: نوفل ولدي مالك عامل روحك..هك..راهي لاباس نوفل: شفتوها.. صفية: ايه..ادخل ليها..تشوفها هاي اليوم تخرج..قلت لشبيلة تديها معاها...تريح شوي .. بعد مدة جات هيبة...وجها مبدل.. صفية: بنيتي جبتيهم امشي🏃 نروحو.. هيبة: ايه يما..نمشو..ياربي مانوصلو.. شبيلة: هيبة..راك مليحة... هيبة: اه...ايه راني بيا... دات امها وراحت......شبيلة عيطت لراجلها باش يجي يخرجو نورسين... بعد مدة....جا كريم...دخل عندهم... لقاها لابسة ومعاها شبيلة.قاعدة على حافة السرير..وكابتها قدامها.. كريم: واجدين نمشو... نورسين: حبيت نمشي لدارنا... شبيلة: يزي نورسين..راك مريضة تروحي عندي للدار..تريحي ومبعد يعملها ربي طريق.. شاف فيها كريم وعضلها شفتو تاع اسكتي على لمرا... ناضت ....ومشات معاهم...خرجوها حتى لبرا.دورت عينيها(تحوسي عليه..اكيد ماراحش يجي...) دخلت فالطونوبيل..كان واقف بعيد يتفرج فيها... نوفل( لازم تسمحيلي. وترجعي نورسين..محال نفرط فيك...نعشقك..وانا كنت غافل على احساسي..بعدتك بما فيه الكفاية وجرحتك...لكن خلاص كل شيء خلاص)... ديمارا كريم.....طول للدار بعد عشرين دقيقة وصلو..... نزلت...دورت وجها للبلوك منين تسكن....ورجعت مشات معاهم.. طلعو....حلت كاميليا الباب...سلمت عليهم ودخلو.. شبيلة: كامي بنتي خدي مرت خالك لبيتك...نوجدها بيون ونجي... كاميليا: هكا تونسيني نورسين. راني وحدي فالشمبرا.. تبسمتلها وراحت معاها... دخلت لشمبرت كاميليا..كانت لونها زهري...معمرة العاب.تناسب طفلة في عمرها...قعدت فوق السرير.. حبت تبدل حوايجهم.....جبدت بيجاما لبستها....تفكرت لازمها تعيط لمروة...حوست على تلفونها مالقاتوش....اكيد خلاتو فالدار...ناضت لبست تريكو طويل فوق البيجاما عدلت شعرها...وخرجت
أنت تقرأ
حبيبي 😻عسكري😘
Fiksi Remaja#كرونيك روعة..🔞🔞🔥🔥🔥 معمر #حب كلها #تشويق 😘#شغف..🔥🔥#عشق 😍🔞🔞#شهرة..🌟🌟 ✨#طلاق.💔💔 #غيرة💢💢❤️
