حبيبي 😻عسكري😘

Part 58

Dzl twalt bzeef 3likoum 

💖حبيبي عسكري💖

فاتت سمانة....اليوم صفية وهيبة مروحين..ناضو الصباح تقهواو..سلمو على نوفل..وراحو.. خارجة من .الكوزينة وهو .خارج للطواليت..شافها..جات عينهم في بعض..من نهار تضرب بالرصاص ماشافهاش..
خزر معاها راح تنطق..
نورسين: نوفل..
عملها بيدو اسكتي...
فات للدوش..
.مدة وخرج.. واقفة تسنا فيه خبط باب الشمبرة في وجها...
)علاش يانوفل..علاش حبيبي راني محروقة عليك..توحشتك)
خرجت بعد ما شبعت بكا...هزت بلاطو دارتلو فيه لغدا وفاتت عندو..
قاعد متكسل يخدم بالبيسي عريان من فوق..ويدو مربوط...
نوفل: واش تسحقي..
نورسين: جبتلك غذاك..
نوفل: حطيه وخرجي...
نورسين: نوفل جرحك نلازم يداوى..
نوفل: قلت لك اخرجي..الجرح الي في روحي منك أقوى من هذا ..
نورسين: سامحني ماشي قصدي نهربلك. لقيتهم في وجهي وشدوني..
نوفل ناض عندها شدها من يدها: مانيش نهدر على الحكاية تاع المول...ست ايام فالسبيطار ماشفتش وجهك...وزيد يقولولي راحت مع منجد
قلت لك ماتدوريش به.
نورسين: نوفل...انا..
نوفل: اخرجي قلت لك اخرجي..
شافت عصبيتو...خرجت تجري..
سمعاتو قلب لبلاطو تاع الماكلة ....
............
دخلت لشمبرتها وماخرجتش...
لعشية...كي خرجت شافاتو فاعد قدام لمرايا.يحاول يعقم جرحو..ماوصلش لبلاصة...
يدور عند لمراية ومالحقش....
قربت منو شدت لقطن من يدو...
نوفل: ماتمسينيش..
نورسين: ماراحش نمسك...اعطيني لقطن...
عطاها لقطن...حطتلو الدوا..عينها في عينو...دخلت في صدرو ونزلت راسها ورا ضهرو...
غمض عينيه يشم ريحتها..توحشها حب يشدها ويحضنها...وكي يتفكر واش دارتلو يتراجع..كملت جبدت روحها...شافت فيه..وراحت...
...
خرجت وراحت للكوزينة تبكي( اصل اليك ولا استطيع لمسك..أي احتضار هذا على فراش عشقك)