حبيبي 😻عسكري😘

Part 40

بون شيغات حطيتلكم بزاف دي بارت حنغيب عليكم يامات ونرجع 

            ادا لقيت تفاعلات بزااف غدي نحطلكم برتي جديد 

             

حبيبي عسكري💖

مهما بلغ نصاب حبي لك...سادفع زكاته..ضعفا. لأني أطمع في مغفرة..لعصياني.. واليوم وغدا..وبعد كل رمشة من عينك..تذكر أني أحببتك..بذات الصدق...
..حلت عينيها.....رجعت لحياتها .تسمع في صوت الجنود..في الساحة.. سندت روحها....وناضت ..حلت الباب. تمشي على مهلها...طلت لشمبرتو الباب مفتوح...راقد في فراشو...كي عادتو..لابس شورت ومن فوق عريان. .منظرو مغري...وجسو أكثر.. ..
توحشتو.....وعلابالها غلطت كي خلاتو....كملت للدوش بسيف وصلت غسلت عليها. شافت في المرايا وجها معمر ضربات. يديها ورجليها. ..جات خارجة ..طلعت راسها لقاتو قدامها...
نوفل: علاش نضتي...كون قلت لي نجيبلك واش تحتاجي
نوريسين:( جيبلي التواليت للفراش ولا روح بول في بلاصتي): نوضت نغسل..
نوفل: نجوز ندوش...ونخرج نجيبلك فطور...ماتسناينيش رايح نشوف هيبة.
خلاتو ومشات.....فات دوش...خرج. لبس....سمعت الباب تقفلت عرفاتو..راح...
عاودت دخلت شمبرتو...رقدت في فراشو...توحشت ترقد فيه كما كل صبااح...لازمها تشم ريحتو......حست بالباب تحل..زربت ناضت..عملت روحها تعدل فيه...
عيطلها جاوبت من بيتو..
نوفل':نورسين واش راك تديري..
نورسين:جيت..نعدلك فراشك..
نوفل: خلي عليك راني عدلتو..هاك تفطري. راني رايح...
نورسين:( شفت علاش ماحبيتش نرجع معاك..رجعتلك برودتك...علابالي...فيك متقلب اليوم..عاصف بالحنانة غدوة..بارد جليد)...
نورسين: حوايجي قعدو..فلاسيتي عند هذيك خاليدة..
نوفل: نجيبهملك كي نكمل لخدمة...
خلاها وخرج..راحت للكوزينة تحط تفطر.....
شوية وصونا الباب...
ناضت تفتح....
شبيلة: يا نورسين..راكي هنا..وقتاش لقاوك..في بالي هاملة..
نورسين: البارح جيت مع نوفل .
شبيلة: واش بيك. شكون فسدلك خليقتك..
نورسين( هذي كيفاش مستحملها راجلها.. كلمة حنانة ماكاش)
شبيلة: ام.نوفل تستاهلي. لعبتي بيه...وخليتيه كي المهبول يحوس عليك..وين كنتي اربي
نورسين: مانيش قادرة نرد عليك شبيلة تعبانة رايحة نرقد..
وقفتلها في الطريق.
شبيلة: سمعيني نورسين..نوفل عقليتو صعيبة...وباش تكسبيه. مستحيل. .التمثيلية الي دارها عندي..نهار حب يرجعك ماتامنيهاش...شوفي خليقتك. في ساع نسا كل شيء وديفورمالك وجهك...حنين يوم..وجافي عشرة..
لحت خمارها على راسها وخرجت...
نورسين( عندك حق شبيلة هذا هو نوفل...يوم يطلعني للسحاب ..وثانيها يرجعني للرض..)..
نزلت دمعتها...تفكرتو نهار قالها شهوة وخرجتها معاك...
شافت في شمبرتو...تحسرت وعاودت دخلت فراشها