امي جات لقتني قاعدة في الارض والورق مشتت حواليني والدموع في عيوني😪قالت لي ي بتي اتفقنا انك م حتضعفي صح؟انا سميتك امل عشان دايما يكون عندك امل في ربنا وفي الحياة عشان كل مرة تسمعي فيها اسمك تكون عندك قوة تواجهي اي حاجة بتقيف في طريقك🙂وبعدين كل حاجة بتحصل معانا لي خير ان شاء الله💜،،قلت ليها فعلا ي ماما معاك حق😪💜،،،مسحت دموعي وقلت ليها بوعدك اني م اضعف تاني وم اخلي حاجة تاثر فيني😊،،قالت لي ايوة دي بتي الحلوة❤
خليك قوية كدا دايما والظلم مهما طول ي بتي مصيرو ينتهي والظالم مصيرو يتعاقب نحنا ربنا عالم بي حالنا ي بتي وعارف انو نحنا م عندنا قوة نواجه بيها ابوك ومرتو وولدو بس ربنا م بيضيع حق زول😪،،قلت ليها ونعم بالله🙂،،
العصر كدا كنت قاعدة في غرفتي جاتني بت عمي رانية ،،جات لقتني برسم في فستان قالت لي واي ي امل الفستان رهيب😍قلت ليها للاسف بس مصيرو يبقى ع الورق دا😪قالت لي حبيبتي م تزعلي ان شاء الله ربنا يحقق ليك احلامك😢قلت ليها ان شاء الله😊قالت لي م كلمتك طبعا عرسي بعد يومين،،قلت ليها هسع ي رانية انتي م صغيرة ع موضوع العرس دا؟قالت لي لا صغيرة ولا غيرو مدرسة وم عايزة اقراها اخير اتزوج عن حب بدل ابوي يجبرني ع زول تاني
قلت ليها فعلا احسن ليك بس انا الشكلي حاعرس غصب عني😢 قالت لي ي بت اوعك توافقي ليهم وبعدين خالتو زينب م حتسمح ليهم بكدا ،،قلت ليها ان شاء الله😊قعدت اتونست معاي مسافة بعدها طلعت،،امي جات قالت لي رانية دي قالو عرسها بعد يومين قلت ليها ايوة ،،قالت لي ومرة ابوك بتزن لي ابوك انو يعرسو ليك معاها،، قلت ليها شنو؟يعرسو لي؟؟وحيعرسو لي منو ان شاء الله؟قالت لي محسن ود عمك😪،،قلت ليها والله لو بقى اخر راجل ي امي م بعرسو😭وطوالي جريت نزلت ليهم تحت وكوركت باعلى صوت ي الاسمك سارة انتي لو مفتكرة انك حتقدري تعرسي لي غصب عنك والله تكوني بتحلمي قلت ليكم عرس م بعرسو😪،،احمد قال لي وطي صوتك ي قليلة الادب😡،،ابوي قال لي هسه ي امل محسن ود عمك دا مالو عيبيهو لي؟ زول محترم وعندو قروش وحيعيشك احسن عيشة ،،قلت ليهو عيبو انو كبير ي ابوي عيبو انو ممكن يلداني بي بساطة المشكلة م في القروش المشكلة فيهو هو واني م بحبو وم عايزاهو😊،،فجاة ابوي اداني كف قال لي حب ي تافهة ي قليلة الادب اها وبتحبي منو كمان 😡،،احمد قال ليهو قلت ليك دي قليلة ادب ي ابوي خليها انا بربيها ،،احمد جا جراني من شعري وبقى يضربني بالحزام😭وامي بتكورك ،،ضربني مسافة بعدها جدعني تحت رجول ابوي😭،،ابوي قال لي امي لمي بتك دي وعقليها والا حتموت ع يدي المرة الجاية،،امي كانت بتبكي قالت ليهم حسبي الله ونعم الوكيل حتمشو من ربكم وين 😭💔
اقتباس
يقولون ان بعد العسر يسرا وبعد الظلام نور ،،انر حياتي ي الله ويسر امري فاني لا ملجا لي الا انت 🚶🏻♀💜🖇
يتبـــع.......................................
