عديت كذا اسبوع في الشغل واتعودت عليهو شديد😊وكذا مرة مشيت مع البنات الكوفير واتعلمت الميك اب والحاجات دي وطلعت خطيرة شديد فيها 😍 وكان كل يوم ناس بتتصل لي عشان عايزين نضافة او غيرو،،وبقيت بطلع قروش كويسة شديد وبدفع مع البنات الايجار،،بقو لي اكتر من عيلة وسند بقو هم محور حياتي❤اليوم كلو بنكون شغالين وفي الليل بعد نرجع بنقعد نتونس ونضحك❤وشافو تصاميمي وقالو لي انو انا مبدعة وتصاميمي حلوة🤤❤،،وفي يوم المرة الاسمها ثريا ديك اتصلت لي وقالت لي انو عايزاني امشي ليها ضروري ،،مشيت ليها وكانت عايزة نضافة وكدا نضفت ليها،،ونفس المرة الفات قعدت تتونس معاي،،وقالت لي ي بتي لو م حاضايقك وكدا ممكن تحكي لي قصتك؟نزلت راسي ودموعي جات جارية،،قالت لي ي بتي م قصدي والله لو حتضايقي م تحكي😢،،قلت ليها ي حبوبة،،وقعدت احكي ليها كل الحصل معاي 💔بقت تبكي وحضنتني عليها،،حسيت بي الامان الكنت بحسو في حضن امي واتحرمت منو😪💔،،قالت لي م تبكي ي بتي ربنا م بيسيب المظلوم ،،ربنا حياخد بحقك وينتقم من ابوك وكل الاذوك😪قلت ليها ونعم بالله😊،،قالت لي طيب ي بتي انا قاعدة في البيت الكبير دا براي اولادي كلهم مغتربين،،عايزاك تقعدي معاي وتساعديني بي مرتب كويس كمان وتخلي الشغل في البيوت دا لانو م بشبهك🙂،،قلت ليها بس ي حبوبة انا قاعدة مع بنات وم بقدر اخليهم،،قالت لي خلاص اقعدي معاي وترجعي بالليل انا زولة كبيرة وعيانة وعايزة زول ينظم لي اكلي وادويتي😪،،قلت ليها خلاص ي حبوبة😊
قالت لي بس م اشوفك اشتغلتي في بيت تاني🙂،،قلت ليها حاضر،،مشيت جهزت ليها الفطور وقالت لي الا تقعدي تاكلي معاي،،قعدت اكلت معاها وعملت ليها عصير واديتا الحبوب بتاعتا❤اتصلت لي هبة وكلمتها اني حاتاخر،،قعدت مع حبوبة ثريا ونفس الشي جهزت ليها الفطور والعشاء،،بالليل كدا قلت ليها يلا ي حبوبة انا حامشي بعد كدا،،قالت لي ي بتي خلي بالك من نفسك،،قلت ليها حاضر وطلعت،،مشيت البيت وحكيت للبنات بالحصل،،فاطمة قالت لي ي بت والله طوالي كان توافقي،،قلت ليها ي بت مستحيل اخليكم براكم☹،،وبعدين وافقت انو اقعد معاها لحد بالليل واجي راجعة،،مزن قالت لي ي بت م جادة انتي زول يلقى النعمة دي ويخليها😪،،هبة قالت لي ي بت والله كان تفكري في نفسك🙂،،قلت ليها لا حافكر فينا كلنا م في نفسي❤،،كلهم جو حضنوني وقعدو يبكو،،بكيت معاهم بعدها قلت ليهم بطلو نكد🐸،،بقو يضحكو ،،مشيت شلت ورقي وقعدت ارسم هبة جابت لينا شاي بي بسكويت😋،،بعد خلصت من الفستان انا زاتي انبهرت بيهو كان مبالغة شديد❤مزن قالت لي واااي الفستان دا ابداع🥺،،فاطمة قالت لي دمااااار😩،،هبة قالت لي يبت انتي م لازم تقعدي انتي مبدعةعديل😍،،قلت ليها ان شاء الله حاصل لي الحاجة العايزاها وحنعيش احلا عيشة😴❤
يتبـــع.......................
اقتباسة:،
تفائل دوما مهما عصفت بك رياح الحياة فانت وحدك من تستطيع رسم مسارك❤💫
