اثناء م انا جارية ضربتني عربية💔،،وقعت في الظلط ويدي اتجرحت😢،،ومن شدة الخوف والرعب الكان جواي حتى م قدرت اقيف ولا اشوف الضربني منو كنت جارية بس وم عارفة انا حامشي وين😪،،جريت مسافة لحد م نفسي قام،،لقيت زي مطعم كدا وكنت جعانة شديد اشتريت سندوتش طعمية وقعدت في الارض وبقيت باكل💔(كنت زي اللاجئة او المشردة يعني البشوفني م بقول اني عندي عيلة او اهل نهائي😪 ) ،،الوقت اتاخر وبتاع المطعم جا يقفل قال لي ي بتي الوقت اتاخر وانا حاقفل المحل دا بعد كدا،،قلت ليهو ي عمو الله يخليك خليني انوم هنا الليلة بس لحد الصباح الله يخليك😭،،قال لي ي بتي كيف الكلام دا كيف تبيتي هنا يعني وين اهلك انتي وين بيتكم؟قلت ليهو بس انا م عندي اهل🙂وجديدة في البلد دي،،قال لي لا حولا ولا قوة الا بالله،،خلاص ي بتي نومي هنا الليلة وانا حاقفلك من برة،،قلت ليهو طيب💔،،فعلا بتاع المحل قفلني من برة وطلع،،وانا قمت نضفت المحل عشان اقدر انوم فيهو😪وفرشت مفرش في الارض وجيت عايزة ارقد كدة التلفون المعاي ضرب،،رديت لقيتا دي رانية،،قالت لي امل كيفك ووصلتي كيف،،مسكت دموعي بالغصب وقلت ليها انا كويسة الحمد لله ،،قالت لي قاعدة وين انتي هسع؟حكيت ليها اني في المطعم وكدا،،قالت لي واي حبيبتي ياخ م تستاهلي😪💔
قلت ليها الله يجازي الكان السبب بس🙂 ،،قالت لي م شفتي ابوك ومرتو واخوك راسهم شطب وابوك دا يتجاري يمين وشمال عشان يفتشك ولا العجب محسن هاج وقلب الدنيا،،والحلة كلها تتكلم في الموضوع،،قلت ليها يستاهلو ي رانية خليهم يتفضحو بين الناس العملو فيني انا وامي م شوية🙂،،قالت لي فعلا حبيبتي اصلا ربنا م بخلي حق زول يلا خلي بالك من نفسك،،قفلت من رانية وكان في احساس جواي م مفهموم كنت مبسوطة لم عرفت انو ابوي اتكسر قدام الحلة كلها وطبعا ناس الريف بزيدو في المواضيع وبكبروها وعندهم انو بت تشرد من بيتهم دا خلاص اهلها يعيشو مذلولين باقي عمرهم🙂،،بقيت بتذكر في كلام امي لم بتقول لي انا سميتك امل عشان دايما يكون عندك امل في الحياة وتكوني متفائلة،،كنت متفائلة بي بداية طريقي الانا واثقة اني حاتعب واتمرمط كتير عشان اصل ليهو،،بس ثقتي واملي في ربنا وفي نفسي كانت كبيرة🙂❤
نمت وصحيت الصباح بدري ،،بعد مسافة كدا سيد المطعم فتح الباب وجا خاشي،،قال لي صباح الخير ي بتي ،،قلت ليهو صباح النور ي عمو🙂،،قال لي كيف اصبحتي قلت ليهو كويسة الحمد لله،،وكنت عايزة اطلع،،قال لي هسه ي بتي حتمشي وين؟قلت ليهو م عارفة الله كريم،،قال لي ونعم بالله بس ي بتي البلد دي م ينفع بت صغيرة زيك كدا تكون فيها براها،،قلت ليهو الظروف ي عم🙂،،قال لي بس شكلك بت طيبة وبت حلال انا حاحاول اساعدك،،قلت ليهو بس انا عايزة شغل عايزة حاجة اطلع منها قروش،،قال لي طيب ي بتي تعرفي تعملي شاي؟
يتبـــع................................................
