تاني يوم الصباح صحيت بدري استحميت وجيت صليت وقريت شوية قران،،ودعيت لي امي😪ودعيت انو ربنا يوفقني ويسهل طريقي عشان احقق الحاجة الفي بالي😪❤،،هبة كانت نايمة معاي في نفس الغرفة ولسه م صحت ومزن وفاطمة برضو م صحو،،دخلت المطبخ عملت الشاي ورجعت نمت تاني،،صحيت بصوت هبة لم صحت،،قالت لي صباح الخير😍،،قلت ليها صباحك نور❤،،طلعنا ولقينا مزن وفطومة صحو صبحنا عليهم وقعدنا نشرب الشاي سوا💜،،بعدها هبة قالت لي اجهزي ي امل عشان نمشي مع بعض،،قلت ليها كويس،،ومزن وفاطمة كان عندهم شغل في كوافير،،انا وهبة لبسنا عباياتنا وطلعنا ،،ركبنا المواصلات هبة نزلت قبلي وسجلت لي رقمها قالت لي انتي محلك قدام شوية وادتني العنوان،،بعد مسافة كدا وصلت المحل ونزلت،،مشيت البيت الوصفتو لي هبة وضربت الجرس،،جات الشغالة فتحت لي الباب،،البيت كان فخم شديد ومبالغة في الجمال😍،،،دخلت جات مرة كدا كبير في العمر بس روحها شبابية😂❤،،قالت لي اهلين اتفضلي،،قلت ليها انا الجيت عشان النضافة ،،قالت لي ايوة ،،نادت الشغالة عشان توريني اعمل شنو،،طلعت بي سلالم كدة وكان في كذا غرفة في الجانب دا نضفتهم ومسحتهم ونضفت صالتين والمطبخ💔،،تعبت شديد لاني م متعودة لانو في بيتنا كان في شغالة بتعمل كل حاجة😪
بعد خلصت وجيت طالعة كنت قالعة عبايتي ولابسة بنطلون اسود وتي شيرت اسود🖤المرة كانت بتعاين لي مسافة قالت لي ي بتي تعالي،،مشيت ليها قالت لي اقعدي جنبي،،قالت لي اسمك منو؟!قلت ليها امل،،قالت لي ي بتي انتي صغيرة وم شاء الله عليك حلووة شديد💜،،وظاهر عليك ومن لبسك انك بت ناس الجابرك علي الشغل دا شنو؟قلت ليها مجبورة ي خالة😪،،،قالت لي فعلا الظروف مرات بتجبر الزول ع حاجات هو م عايزة💔وبعدين خالة شنو قولي لي حبوبة😂،،قلت ليها حاضر ي حبوبة ...؟قالت لي ثريا😊قلت ليها حاضر ي حبوبة ثريا ❤،،قالت لي خلصتي شغل صح؟قلت ليها ايوة،،نادت الشغالة وقالت ليها تعمل لينا قهوة،،الشغالة جابت لينا القهوة ،،والمرة بقت تتونس معاي❤ولم جيت عشان اطلع قالت لي اديني رقمك،،اديتو ليها وحاسبتني وطلعت كنت مبسوطة شديد ❤اتصلت لي هبة وقلت ليها اني خلصت قالت لي تمام انا هسع قربت اصل البيت قلت ليها انا ماشة ع المواصلات،،ركبت المواصلات ووصلت البيت ،،وقبل ادخل مشيت الدكان واشتريت حاجات للبيت ،،ورجعت دخلت لقيتهم كلهم قاعدين
سلمت عليهم وسالوني من اول يوم في الشغل وكدا،،وقالو لي ليه متعبة نفسك والكلام دا😂،،قلت ليهم عازماكم ع اول قروش باخدا💜،،جهزنا الاكل وقعدنا ناكل وحكيت ليهم عن المرة الاسمها ثريا وعن العملتو معاي❤هبة قالت لي حظك والله م كل الناس زي المرة دي❤اتونسنا مسافة كدا بعدها كل زول رقد نام😴❤
يتبــع........................................
