وصلت البيت وسلمت ع حبوبة ثريا،،ومشيت عملت ليها القهوة زي كل يوم❤،،قالت لي امل اعملي لي ليث دا عصير ودخليهو ليهو في غرفتو هو طلع يتريض شوية ويجي،،قلت ليها كويس،،مشيت عملت العصير ودخلت غرفتو ختيتو،،كان في ريحة عطر مميزة عاينت لقيتو قاعد في التوليت مشيت وشميتو وطوالي عملت منو😂،،تاني كان في نظام مكتبة كدا كلها كتب لمحت لي كتاب كدا فيهو قلب بالاحمر،،الفضول كتلني بس انا قصيرة شديد وم بلحق😢،،مشيت جبت الكرسي وطلعت بيهو😁،،لقيت الكتاب عن روميو وجولييت❤،،اثناء م انا ماسكة الكتاب سمعت الصوت بي وراي،،بتعملي شنو انتي؟من الخلعة لمن قربت اقع بس جا ومسكني،، مسكني شنو دا شالني،عديل😂،،قال لي حبوبة م كلمتك اني م بحب زول يخش غرفتي😒لا وكمان بتفتشي في كتبي ودقيقة دقيقة عاملة من عطري صح؟دا كلو وهو لسه شايلني😂،،قلت ليهو ممكن تنزلني ي استاذ بعدين نتفاهم😒،،طوالي نزلني قال لي وانتي قايلة نفسك خفيفة يعني🙄،،قلت ليهو اعتقد انا م طلبت منك تشيلني😒👊🏻،،جيت عايزة امشي مسكني من يدي وجراني عليهو بقى شبه حاضني لانو طويل وانا سنفورة جنبو😂😭،،عاين لي في عيوني مسافة بعدها قال لي تاني مرة لم تجي غرفتي حاولي م تمدي يدك ع حاجة،،سحبت يدي منو ومشيت،،حبوبة قالت لي مالك اتاخرتي؟قلت ليها اااا. الغرفة كانت مكركبة كنت برتب فيها،،قالت لي ليث دا اصلا لو م كركب الدنيا م بقدر 😂
قعدت مع حبوبة وبقيت بحضر التلفزيون،،ليث جا نازل،،كان لابس بنطلون جينز وقميص اسود وجزمة سوداء والساعة زاتها سوداء🖤،،اوصفو ليكم؟!(هو طويل كدا لونو قمحي،،عيونو ناعسة كدا لونهم ع بني،،شعرو غزير حالقو نيمار🤤،،عندو سكسوكة كدا دمااااار😭❤)جا وقال ليها حبوبة انا طالع الجامعة،،قالت ليهو كويس حبيبي،،حمر لي لويت ليهو خشمي وطلع😂،،بعد الفطور حبوبة قالت لي اعمل كذا صنف عشان ليث🙄،،دخلت المطبخ عملت دجاج ومحشي وبطاطس وصلطات وعملت تحلية،،واتمليت بالدقيق،،وانا طالعة من المطبخ كدا اتضربت بي زول رفعت راسي لقيتو ليث واتملا دقيق في وشو وقميصو😂،،قال لي ي زفتة م بتشوفي انتي😡،،قلت ليهو وانت لو بتشوف م كنت جيت قدامي😒،،قال لي متخلفة😡وطلع
انا زاتي طلعت ونمت صحيت رصيت الغدا وصحيت حبوبة قالت لي امشي صحي ليث قلت ليها كويس،،مشيت وانا مغيوظة منو😡،،دقيت ليهو الباب م ردا، دخلت لقيتو نايم بقيت بصحي فيهو وهو شغال لي امممم شوية بس😴قلت ليهو ليث قوم الغدا،،جراني من يدي وحضني عليهو قال لي خليك انتي زاتك نومي😴قلت ليهو ليث ليث فكني،،قال لي لا كدا مرتاح❤،،بعد تعب وطلوع روح حتى فتح عيونو لم لقى انو حاضني وانا قاعدة جنبو اتخلع وقام قال لي ااا اسف😳،،قلت ليهو اااا ولا يهك بس تعال نازل الغدا،،وطوالي نزلت كنت متوترة شديد،،ليث قال دا شنو الحصل دا😳،،وليه انا كنت مرتاح معاها كدا؟وليه كل م اعاين في عيون البت دي بحس بي حاجة غريبة😪،،جا نازل للغدا وكان بعاين لي،،قعدنا اتغدينا،،بعدها لميت الصفرة ودخلت عشان اعمل العصير ليث جا وراي،،قال لي ي انتي،،قلت ليهو خير😒،،قال لي اسف ع الموقف،،وقبل يتم كلامو قلت ليهو م حصل شي اصلا م تاخد في بالك،،قال لي طلعتي بتفهمي ي سنفورة،،قلت ليهو احسن من انو اكون عمود كهربا ،،قال لي لسانك اطول منك بكتير🌚،،قلت ليهو انت م تغلط علي عشان م يطول عليك☺،،،قرب علي شديد وانا رجعت لي ورا لم وصلني طوالي غمضت عيوني،،بقى يضحك وقال لي خوافة وطلع ،،قلت دا شنو المتخلف دا🙄،،بالليل جهزت العشاء لي حبوبة وليث م كان في البيت، ،،طلعت وركبت المواصلات
وصلت البيت،،قعدنا نتعشى مع بعض،،سالوني من ليث وكدا،،حكيت ليهم الحصل،،بقو يضحكو ،،هبة قالت لي شليقة انتي لكين😂،،بعدها طلعت الورق وبديت اتم الفستان الم تميتو،،وانا برسم كدا جا ليث في بالي،،قلت بسم الله دا شنو😳،،خلصت الفستان ورقدت نمت😴
يتبـــــع............ ..........................
