عاينت ليها وسكت وم رديت عليها عملت العصير وشلتو لي امي في الغرفة،،قالت لي امل قلت ليها ايوة قالت لي اسمعي كلامي دا كويس ي بتي،انا لو حصلت لي اي حاجة م تقعدي مع الناس ديل ي بتي ديل م مضمونين اوعي تقعدي معاهم ي بتي اشردي من هنا امشي الخرطوم بقولو انها كبيرة وحتلقي فيها اي شي اشتغلي وكوني نفسك وعيشي بس خلي بالك من نفسك ي بتي ومن اولاد الحرام😢،،قلت ليها دا شنو الكلام دا ي امي ربنا يطول في عمرك😭،،قالت لي ي بتي قدر ربنا دا م بيد زول اوعي تبكي وتتاثري حضنتها مسافة قالت لي قومي افتحي الدولاب بتلقي صندوق جيبيهو وتعالي،،مشيت وطلعت الصندوق وجبتو ليها فتحتو كان فيهو اساور دهب وسلسل وخاتم،،وشوية قروش،،قالت لي ي امل الصندوق دا م توريهو زول بس لو حصل لي اي شي اشردي من هنا طوالي،،قلت ليها ي امي ياخ خلينا من السيرة دي قالت لي سمح ي بتي بس وحياة غلاوتي عندك م تقعدي للناس دي واوعك تعرسي محسن ود عمك دا، ،قلت ليها حاضر ي امي ونمت في حضنها والليل كلو افكر في كلامها والعبرة خنقتني لحد م نمت😢
عدا كذا يوم وانا ملاحظة لي امي بتتعب كل يوم اكتر من التاني وقدر م قلت ليها نمشي الدكتور كانت بتقول لي مجرد تعب بس م في شي،،وابوي ملاحظ ليها ولا حتى كلف نفسو وقال اوديها مستشفى 💔،،لحد م في يوم ونحنا نازلين بالسلم امي جات واقعة💔،،صرخت باعلى صوت عندي،،والمرة دي امي ابت تقوم رشيناها بي موية وشممناها ريحة ودا كلو ابت تقوم😭،،قعدت اصرخ فيهم امي م عايزة تصحى وانتو واقفين بتتفرجو حرام عليكم ياخ😭،،حتى بعدها ابوي وداها المستشفى،،دخلوها عشان الدكتور يكشف عليها جا طالع وقال لينا المريضة عندها كانسر في الدم(سرطان 💔)والمرحلة متاخرة شديد ادعو ليها،،انا قعدت في الارض وبقيت ببكي باعلى حس عندي والباقين واقفين وبعاينو لي حتى ابوي م فكر يواسيني💔بعد مسافة الدكتور جا وقال لينا البركة فيكم المريضة اتوفت💔
انا صرخت صرخة وحدة م وعيت الا وانا راقدة في غرفة ومركبين لي درب،،فكيت سير الدرب من يدي وبقيت بصرخ امي جيبو لي امي😭،،امي انا م عندي غيرك ي امي ليه مشيتي ليه😭عليك الله ارجعي ي امي ياخ اعيش كيف من بعدك انا ي امي😭الممرضة جات جارية قالت لي اهدي اهدي،،لم زدت في البكا والكواريك ضربت لي حقنة منومة 💔،،بعد صحيت مشينا البيت واعمامي جو ورانية كمان جات،،غسلو امي وكفنوها وخلاص شالوها عشان يدفنوها انا في اللحظة دي انهرت تماما بكيت باعلى صوت 😭ورانية كانت حاضناني، ،عدو كذا يوم ع موت امي💔بقيت كئيبة شديد وطول الوقت ببكي،،في يوم انا قاعدة في الغرفة ابوي جا قال لي كفاك بكا وحزن ع امك ايامها وانتهت حتعيش عمر غيرها يعني، ،اتوقعو الاسلوب ياخ حتى م اتاثر ولا اتغير بعد م امي ماتت💔،،كنت ساكتة والدموع في عيوني، ،قال لي وعرسك من محسن ود عمك حيكون بكرة💔
م ابديت ردة فعل كنت اكتر من عادية💔ابوي نزل خلاني،،تاني يوم بدو يجهزو للعرس وكدا،،رانية جاتني تبكي قالت لي اوعك توافقي ي امل اوعك😢،،قلت ليها م في شي فارق معاي ي رانية🙂،،قالت لي لا لازم يفرق معاك لازم ي امل اتذكري خالتو زينب لو كانت حية م كانت حترضى بي كدا😢،،اتذكرت كلام امي لم حلفتني م اقعد هنا لو حصلت ليها حاجة😭،،بقيت ابكي قلت ليها طيب اعمل شنو ي رانية امشي وين😭،،قالت لي اشردي ي امل اوعك تقعدي، ،ونحنا قاعدين كدا جات سارة مرة ابوي وجابت لي توب ومعاهو حاجات قالت لي قومي البسي خلي البكا😏،،بعد طلعت طوالي فتحت الدولاب وطلعت الصندوق،،وطلعت شنطتي ولميت فيها هدومي،،رانية قالت لي انا حاكلم سامي يساعدنا (دا راجلا) وفعلا جوني بالشباك ونزلو شنطي وحاجاتي،،وانا لبست لي عباية وربطت الملاية في الشباك ونزلت بيها ،،رانية ودعتني وبقت تبكي وراجلا اداني تلفون ربيكة عشان اطمنهم علي،،مشيت لحد موقف الباصات وركبت الباص المتحرك ع الخرطوم وانا
م عارفة الراجيني شنو 💔
اقتباس
ثم اني لم اعد اعلم م يخباه لي القدر ولا اعلم م النهاية فرفقا ي الله بقلبي فاني قد انهكني الوجع💔
يتبع.......................................
