امي قالت ليهم حسبي الله ونعم الوكيل حتمشو من ربكم وين😭دخلنا غرفتنا كالعادة انا قعدت في الارض وكنت برجف كلي😪وجسمي كلو جروح واثر ضرب😭امي بقت تبكي وجات قعدت جنبي وبقت حاضناني وقعدت تقرا لي في القران لحد م هديت حبة ساقتني الحمام وغسلت لي وشي ويديني بقيت بصرخ من الالم😭وامي كانت بتبكي معاي💔 مشت جابت موية ملح وعملت لي في محل الجروح وانا كنت ببكي بطريقة مبالغة💔
امي قعدت تهدي فيني لحد م نمت 😪،،مرو يومين وانا محبوسة في الغرفة م بطلع منها نهاي لحد م امي جات قالت لي الليلة عرس رانية قومي البسي قلت ليها م عايزة امشي😪قالت لي ي بتي كيف الكلام دا قومي البسي عشان خاطر رانية هي بتحبك شديد،،قلت ليها كويس
قمت مشيت استحميت ولبست فستان بيجي سادة وطرحة وجزمة كبدي💜(اوصف ليكم نفسي انا سنفورة كدا صحتي حلوة،،عيوني واسعة ولونهم اسود🖤،،شعري وسط لحد اكتافي كدا،،سمراوية كدا خشمي صغير ملامحي حلوة شديد 💜)لبست وطلعنا انا وامي وركبنا العربية مع الباقين🙂(يعني رغم وضع. ابوي الكويس دا عمرو م حسسني انو نحنا عندنا قروش او وضعنا كويس دايما بعاملني كعب وحرمني من قرايتي كمان😪) وصلنا بيت ناس عمي وكانو خلاص عقدو وبدو يجهزو الاكل،،انا دخلت لي رانية لقيتها لابسة وقاعدة باركت ليها وقعدت معاها،،لحد م جا راجلها عشان يسوقا وطبعا مافي نظام حفلات وكدا لانو نحنا في الريف م في كلام زي دا(نحنا محلنا في ريف كدا قريب للخرطوم)
رانية راجلها جا وساقا واصلا هو بيتهم قريب ليهم في نفس الحي،،لما خلاص راجعيين البيت لاقاني محسن ود عمي قال لي عروستي،،قلت ليهو اولا انا م عروستك ثانيا لو بقيت اخر راجل في الدنيا انا م حاعرسك 😊،،قال لي كيف تتكلمي معاي بالطريقة دي😡وعموما انا كلامي مع عمي،،وصلنا البيت وجريت ع غرفتي وانفجرت بالبكاء😭(ليه يحصل معاي دا كلو ي رب ليه بس كل حاجة عايزاها م بتحصل وحياتي كلها ماشة بالعكس ليه ي رب دا كلو ليه😭)انا قاعدة في الغرفة وببكي فجاة امي جات داخلة ووقعت،،بقيت بصرخ امي 😳
مشيت قعدت في الارض وبقيت شغالة ليها امي قومي عليك الله قومي😭ابت تصحى جريت نزلت تحت لقيتهم قاعدين وبحضرو في التلفزيون💔بقيت بقول ليهم امي امي وقعت 😭سارة قالت لي وحنعمل ليها شنو يعني شوية وحتقوم براها😏قلت ليها انتي مجنونة بقول ليك امي داخت😡،،احمد قال لي فهمنا براحة،، طلعو معاي فوق وامي لسه كانت دايخة رفعوها في السرير وابوي رشاها بي موية لحد م صحت،،قال لي هدي امك كويسة يلا بتكوركي لينا من قبيل ساي 💔
(يعني حتى ولا سالا كيفك ولا مالك ولا حتى قال نوديها للدكتور😭💔)قلت ليها امي انتي كويسة؟قالت لي اي ي بتي شوية تعب بس😪،،قلت ليها لازم تمشي للدكتور ي ماما الناس ديل مجانين ولا شنو😭قالت لي ي بتي انا كويسة م في داعي وبعدين بطلي بكا😊 قلت ليها كويس😪 ،،نزلت تحت اعمل ليها عصير،،سارة قالت لي كنتي حتقتليني قبل شوية امي امي م هدي ليها نصيحة هسه😏
اقتباس
قل لمن ظلموك (ان الله يمهل ولا يهمل) وكفى بربك نصيرا❤
