قال لي كمان حايمة مع الاولاد ي تافهة😡،،وجا عايز يضربني بس ليث مسك يدو❤،،،وجراني وقفني وراهو،،احمد قال ليهو البت دي اختي وانا عايز اسوقا،،يكون احسن ليك م تقيف في طريقي😠،،،ليث قال ليهو وانا م حاسمح ليك تسوقا،،،احمد ضرب ليث،،وليث رجع ليهو الضربة،،وبقو يضاربو وانا كنت بصرخ وابكي😪،،والناس اتلمت احمد لم شاف الناس كترت طلع سكين وجرح ليث في ايدو وجرا ركب عربيتو،،،انا كنت ببكي ليث انت كويس😭،،قال لي حبيبي روقي انا كويس وطوالي وقع😭لانو كان مضروب شديد ويدو كمان كانت بتنزف😭،،،بقيت ببكي وقفت لي بتاع عربية شال ليث معاي ووديناهو المستشفى،،ضمدو ليهو الجرح وادوهو دربات،،دخلت ليهو وكنت ببكي،،قال لي حبيبي عارفاني م بحب دموعك دي صح😪،،قلت ليهو بس،،قال لي هسسسس انا كويس ومسك يدي وحضنا عليهو❤،،،بعد الدرب خلص وقفنا ركشة واتحركنا ع البيت،،اول م دخلنا حبوبة ثريا قالت ليث مالك😳،،ومنال اتخلعت وبقت تقول ليهو في شنو العمل فيك كدا منو😳
قال ليهم اهدو ي جماعة انا كويس،،انا قعدت وحكيت ليهم كل الحصل،،،حبوبة ثريا قالت لي حمد لله ع سلامتكم ي بتي،،انتي كويسة قلت ليها اي،،،قامت منال بقت تكورك يعني كل من تحت راسك انتي😡م كفاك انو بعاملوك كانك وحدة منهم ،،كمان عايزة تقتلي لي ولدي😡،،ليث قال ليها امي امل م عندها دخل،،،قالت ليهو وانتو دايما بتحامو ليها ليه وبعدين ي ليث انت البدخلك في مشاكلا شنو مالك ومالا انت عشان تدافع عنها،،،قال ليها لاني بحبها ي امي بحبها😡،،،قالت ليهو شنو؟قال ليها زي م سمعتي انا بحب امل💗،،منال قالت ليها شفتي ي امي جبتيها وقعدتيها معاك،،والشاطرة لعبت ع ولدي مبسوطة كدة😡،،،حبوبة ثريا قالت ليها منال روقي وم تعلي صوتك😡وبعدين فيها شنو لو الاولاد حبو بعض؟ممكن تخلي تفكيرك السطحي دا وتكوني واعية شوية،،،قالت ليها واعية واعية شنو ي امي،،وانا ولدي بحب خدامة عايزة يعرس خدامها ويجيبها لي😠،،حبوبة قالت ليها منال للمرة الالف امل م خدامة تمام ولو م عجبك امشي ارجعي السعودية وعيشي حياتك،،وليث حيفضل معاي انا
انا طوالي م قدرت اقيف طلعت وخليتهم جايطين م قدرت احصل المواصلات وقفت ركشة. ورجعت البيت كنت ببكي بصورة مبالغة😭،،البنات اتهجمو لم شافوني،،جو سندوني ودخلوني جوا،،،قعدت احكي ليهم وانا ببكي😭،،،هبة قالت لي يعني احمد وصل هنا يعني ممكن يرجع ليك تاني؟حياتك في خطر ي امل،،قلت ليها انا اصلا حياتي انتهت خلاص ليث طلع منها😪،،فاطمة قالت لي انتي مجنونة كيف تخليهو يعني؟قلت ليها م ينفع كان حيموت بي سببي،،مزن قالت لي يعني انتي حتصدقي كلام امو المخرفة دي😪،،قلت ليها كان ممكن يفقد حياتو بي سببي ولو احمد رجع تاني،،حياة ليث حتكون في خطر م حاقدر كدا😪💔،،،عدا كذا يوم وانا غيرت رقمي،،وخليت الشغل عند حبوبة ثريا كنت مواصلة في الكورس وليث كم مرة جاني وحاول يتكلم معاي بس كنت بتفاداهو،،،خلصت الكورس وكنت عايزة افتح محل صغير،،بس القروش المعاي م كفت،،اضطريت اني ابيع دهب امي😪،،فتحت محل صغير وبديت ابيع تصاميمي وكنا بستقبل طلبات كتيرة والمحل كان بجيب قروش كويسة بس برضو م بالشهرة الانا عايزاها
،،،،بس حصلت حاجة وغيرت كل حياتي❤،،،،،في يوم وانا قاعدة لقيت منشور في الفيس انو في مسابقة لاجمل فستان والحيفوز حيوقع مع شركة امريكية ويفتح فرع في امريكا💗،،،اتحمست شديد وكلمت البنات ووافقو وكنت حادخل المسابقة بي الفستان الاتخلعت لم رسمتو لو متذكرين؟🌚،،،بديت اشتغل في الفستان وم كنت بنوم الا ساعتين في اليوم،،،لانو الفستان تصميمو كان صعب شديد،،،جا يوم المسابقة ودخلت بعد خلصت الفستان كنت خايفة شديد😪،،بس الحمد لله فزت ووقعت العقد مع الشركة الامريكية💗،،وحياتنا انا والبنات اتغيرت ورحلنا في بيت حلو وكبير شديد،،،ودا كلو وانا م عارفة عن ليث حاجة 😪،،،اضطريت اني اسافر لي امريكا عشان افتح فرع هناك،،والبنات كانو بيديرو الفرع الفي السودان،،،،مشيت امريكا وعملت فرع وحقق ارباح عالية😍،،،يلا بم اني في امريكا وكدا استغليت الفرصة وغيرت من استايلي❤
بقيت بلبس بناطلين واسعة نظام البتكون شك دي،،ومرات فساتين وكدا،،وقصيت شعري لحد اكتافي،،،بعد 3سنين خلاص الفرع حقق ارباح كويسة كنت راجعة السودان وم كلمت البنات اني راجعة،،،وصلت المطار وكنت لابسة فستان ابيض فيهو فيونكة ونقط بالاسود وجزمة كعب سودا🖤،،وكنت لابسة نضارات شمسية،،وصلت المطار ولقيت تيم الشغل بتاعي واقف سلمت عليهم وجابو لي عربيتي واتحركت ع البيت😍❤
اول م وصلت هبة فتحت لي الباب،،قالت لي انتي منو؟بقيت بضحك قلعت ليها النضارة😂،،قالت لي امل؟؟ووواااي م بصدق😂❤❤❤،،،حو مزن وفطومة جارين لم سمعو اسمي،،كلهم اتشعلقو فيني،،بعد خلصنا سلام دخلنا جوة،،هبة قالت لي طبعا م عرفتك قبيل والله 😂،،،مزن قالت ليها ليك حق اتغيرت شديد😍،،،فاطمة قالت لي بس مزززززة😘،،،قلت ليهم انتو المزز والله،،،دخلت الغرفة وغيرت ملابسي وجيت قعدنا اتونسنا مع بعض،،بعدها دخلت غرفتي وشغلت المكيف ونمت😴❤
م صحيت الا المغرب،،نزلت تحت لقيتهم كلهم نايمين،،مشيت المطبخ فتحت التلاجة وطلعت نوتيلا وقعدت اكل❤،،بعدها البنات صحو،،عملنا اندومي وقعدنا ناكل🤤❤،،،تاني يوم الصباح مشيت لي محل السائق ورجعت دهب امي البعتو❤،،،عدت الايام وكنت مشغولة شديد وفتحت فرع في دبي كمان❤،،،وزاد الشغل علي،،،وكنت دايما بتصدق وبتبرع بي اسم امي❤،،وفي يوم كان عندي عرض للمجموعة بتاعتي،،وكنا متعاقدين مع شركة كانت راعية لي الحفل دا
صحيت الصباح زي الساعة 6 كدا نزلت وعملت رياضة نص ساعة بعدها رجعت ولبست بنطلون كبدي واسع ومعاهو قميص لحمي شك،،وجزمة كعب كبدية وشلت شنطة لحمية ولبست نضاراتي وركبت عربيتي واتحركت ع الشركة عشان اقابل المدير،،،السكرتيرة دخلتني غرفة الاجتماعات والكل كانو موجودين والمدير اتاخر شوية وانا كنت شغالة بي تلفوني،،اول م المدير جا خاشي وعيوني وقعت عليهو كانت الصدمة،،دا ليث اي ياهو زاتو نفس عيونو النعسانة نفس حلاقتو نفس لحيتو واي شي فيهو😪❤عاين لي بي صدمة كدا ،،سرحنا في بعض مسافة،،بعدها انتبهنا ع نفسنا وبدينا الاجتماع وبعد كل شوية ليث كان بعاين لي😪بعد الاجتماع خلص،،ليث عاين لي وطوالي طلع،،،انا طلعت وركبت عربيتي وبقيت ببكي،،3 سنين وهو لسه زي م هو،،اشتقت ليهو اشتقت لي كل شي فيهو😭،،،رجعت البيت وطوالي دخلت غرفتي نمت بي هدومي،،،وهبة ومزن وفاطمة كانو في المعرض،،جو صحوني للغدا غيرت ونزلت ليهم،،قلت ليهم الليلة لاقيت ليث،،مزن قالت لي كضابة😳،،،قلت ليها والله،،فاطمة قالت لي شفتيهو وين؟قلت ليها هو مدير الشركة المتعاقدين معاها،،،هبة قالت لي صدفة حلوة❤
قلت ليها بس م اتكلم معاي واضح انو زعلان مني،،هبة قالت لي عندو حق يزعل ي امل انتي خليتيهو ومشيتي وم حاولتي ترجعي ليهو تاني،،قلت ليها بس انتو عارفين انو غصبا عني 😪،،قالت لي طيب صالحيهو،،قلت ليها طيب❤،،،ويوم الحفل بتاعي لبست فستانبترولي غامق مع الجسم فيهو حزام بالاوف وايت ولبست جزمة كعب اوف وايت،،وعملت ميك اب خفيف ومشينا الصالة بتاعت العرض،،،اول م وصلت عيوني وقعت ع ليث،،مشيت ووقفت جنبو،،سلم علي وسكت،،،الحفلة بدت وانا وليث واقفين جنب بعض،،،في الاخير ليث طلع في المنصة وكان شايل الميدالية بتاعتي المكرمني بيها،،،طلعت واستلمتها منو،،بعد خلصنا قلت لي ليث تعال معاي،،،قال لي وين؟قلت ليهو بس تعال،،،قال لي بس م عايز اتكلم معاك انا،،قلت ليهو بس تعال معاي وبعدها لو عايز م حاوريك وشي تاني،،قال لي كويس،،مشينا ركبنا العربية واتحركناوصلنا مطعم كدا اول م دخلنا الانوار انطفت،،بقيت بتكلم مع ليث قلت ليهو عارفة انك زعلان مني اسفة بس كنت مجبورة م كنت بقدر اواصل في حبنا وامك رافضاني بالطريقة ديك،،سامحني لاني والله اشتقت ليك،،الانوار ولعت جيت وقفت قدام ليث،،طوالي حضني😪،،حسيت وكانو روحي رجعت لي❤،،،حضنتو شديد،،قال لي اشتقت ليك شديد حبيبي😭،،قلت ليهو وانا اكتر يقلبي😪،،،قال لي انتي اتغيرتي كتير بس حلوة شديد😍،،،قلت ليهو وانت لسه زي م انت حلو شديد😪❤،،قال لي بس انا م حاستحمل اكتر من كدا حنعرس طوالي،،قلت ليهو طيب❤،،،ساقني ومشيت البيت حبوبة ثريا اول م شافتني بقت تبكي،،مشيت حضنتها وقلت ليها م تبكي ي حبوبة😭،،قالت لي اشتقت ليك ي بتي😪قلت ليها وانا كمان والله❤قالت لي بس خلاص حتعرسو طوالي وتجو تعيشو معاي❤منال ام ليث اول م شافتني اتصدمت وم عرفت تقول شنو ،،سلمت عليها وحددنا عرسنا بعد شهر❤بدينا التجهيزات وكدا،،،وفي يوم العرس انا وليث دخلنا الصالة بي اغنية عم بعشق انا عم اخلق من اول وجديد❤والعرس كان فخم وحلو شديد،،وانا وليث اثنااء م بنرقص الموسيقى وقفت وانا بقيت بغني كان لقانا احلى صدفة ي اللي جمبك ببقى عارفة
انك انت جيت حياتي تملا كل سنيني فرح❤،،ربنا يخليك لقلبي تبقى طول العمر جمبي كل م اسمع حاجة عنك بعرف اني اخترت صح❤✨،،،(بتاعت كارمن سليمان❤)،،،،،خلصت الحفلة وسافرنا محلات كتيرة،،مشينا تركيا وماليزيا وفرنسا❤،،،بعد شهرين من عرسنا يوم وانا قاعدة اتصل لي رقم غريب،،لم رديت لقيتا رانية سلمت علي وقالت شالت رقمي من مجلة وكدا،بعدها قالت لي ابوك عيان،،قلت ليها مالو؟قالت لي انهم افلسو والضرائب حجزت ع املاكهم كلها،،،وحاليا عيان وم عندو قروش يتعالج بيها😪،،،حنيت عليهو واتذكرت امي😪،،حكيت لي ليث ومشينا الحي بتاعناوكان معانا حرس،،سارة مرة ابوي واحمد كانو بعاينو لي من فوق لي تحت،،خشيت لي ابوي حالتو كانت تعبانة شديد💔،،،طوالي وديناهو اكبر مستشفى في الحي بتاعنا الدكتور قال لينا انو عندو جلطة قلبية وحالتو صعبة شديد،،وطلب يشوفني دخلت ليهو قعد يبكي قال لي ي بتي سامحيني عارف اني غلطت عليك انتي وامي عليك الله سامحيني😪،،قلت ليهو مسامحاك ي ابوي مسامحاك😪💔،،ابوي مات ومشينا دفناهو😭،،رغم ظلمو وكل شي بس بكيت عليهو واتاثرت شديد 😭واتذكرت كلام امي لم قالت ربنا م بسيب حق زول،،فعلا كان معاها حق ابوي مات بنفس الطريقة الماتت بيها امي😪واخوي ومرة ابوي بقو ع الحديدة وم عندهم قرش💔،،خلصنا مراسم الدفن ورجعنا الخرطوم،،مرت سنتين ع زواجي انا وليث. كتبت كتاب صغير ع شكل رواية سميتو(صراع انثى)لخصت فيهو تجربتي ومعاناتي والكتاب اتنشر ولقى قبول كبير❤والله رزقنا انا وليث بي توام لارا ولارين😍❤،،عشنا اجمل حياة م كانت خالية من المشاكل بس نحنا دايما بنعرف كيف نتحاوز مشاكلنا ونحلها❤✨
الخلاصة كالعادة💗✨
مهما مرينا بي حزن ووجع في حياتنا الله قاعد وشايف وم بضيع حق زول ابدا❤
لازم يكون عندنا هدف وطموح لازم نصارع عشان نوصل لحلمنا وم ننكسر بسهولة❤
لازم مجتمعنا دا يكون فكرو ارقى شوية ستات الشاي ي جماعة بشر زينا م كل ست شاي م نافعة في ناس مجبورين❤
وارجع واقول الاختيار الصح اختاري الزول الحيكون سندك ويتحدى العالم كلو عشانك م بهمو مظهرك وشغلك ومكانتك كل البهمو قلبك وروحك بيحبك عشان جوهرك كان ع القروش والجمال مع الزمن بيروحو بس الروح الحلوة بتفضل ❤
النهــــــاية🥀💜✨
